حوكمی ئه‌و كه‌سه‌ی كه باس وثه‌نای خۆی ده‌كات
حكم ثناء الإنسان على نفسه
< كوردي >
شێخ محمد كوڕی صالح كوڕی عوثه‌یمین (ڕه‌حمه‌تی خوای لێ بێت)
الشيخ محمد بن صالح بن عثيمين (رحمه الله )
وه‌رگێرانی : ده‌سته‌ی به‌شی كوردی ماڵپه‌ری ئیسلام هاوس
پێداچونه‌وه‌ی: پشتیوان سابیر عه‌زیز
ترجمة : فريق القسم الكردي بموقع إسلام هاوس
مراجعة: بشتیوان صابر عه‌زیز
حوكمی ئه‌و كه‌سه‌ی كه باس وثه‌نای خۆی ده‌كات
ئه‌م پرسیاره ئاڕاسته‌ی شێخ محمد كوڕی صالح كوڕی عوثه‌یمین ( ڕه‌حمه‌تی خوای لێ بێت ) كراوه:
پرسیار : ئایا حوكمی ئه‌و كه‌سه چیه كه باس و ثه‌نای خۆی ده‌كات ؟
وه‌ڵام : باس وثه‌نای خۆ كردن ئه‌گه‌ر مرۆڤ مه‌به‌ستی پێی ئه‌وه بێت كه باسی نیعمه‌ته‌كانی خوای گه‌وره بكات كه به‌سه‌ریوه‌یه‌تی و پێی به‌خشیوه، بۆ ئه‌وه‌ی خزم و كه‌سوكار و هاوڕێكانیشی چاوی لێ بكه‌ن و هه‌میشه خۆیان به قه‌رزاری په‌روه‌ردگار بزانن كه زۆرێك له نیعمه‌ته‌كانی خۆی پێ به‌خشیون، ئه‌وه هیچ گرفت و كێشه‌یه‌كی تێدا نابینرێت، به‌ڵام ئه‌گه‌ر هاتوو مرۆڤ مه‌به‌ستی له مه‌دح وثه‌نای خۆی ته‌زكیه‌ی نه‌فس و خۆ به‌باش زانین بێت به‌وه‌ی كه كاروكرده‌وه‌كانی به‌زۆر بزانێت به‌رامبه‌ر خوای گه‌وره، ئه‌وه خۆی له‌خۆیدا منه‌ت كردنه و دروست نیه، چونكه خوای گه‌وره وپه‌روه‌ردگار فه‌رموویه‌تی : ﴿ يَمُنُّونَ عَلَيۡكَ أَنۡ أَسۡلَمُواْ قُل لَّا تَمُنُّواْ عَلَيَّ إِسۡلَٰمَكُم بَلِ ٱللَّهُ يَمُنُّ عَلَيۡكُمۡ أَنۡ هَدَىٰكُمۡ لِلۡإِيمَٰنِ إِن كُنتُمۡ صَٰدِقِينَ ﴾ { الحجرات : 17} .
واتا : ئه‌وانه‌منه‌ت ده‌که‌ن به‌سه‌ر تۆدا که‌گوایه موسڵمان بوون، پێیان بڵێ: منه‌ت مه‌که‌ن به‌سه‌رمدا له‌سه‌ر موسڵمان بوونه‌که‌تان، به‌ڵکو خوا منه‌ت ده‌کات به‌سه‌ر ئێوه‌دا که‌هیدایه‌تی داون بۆ ئیمان و باوه‌ڕ ئه‌گه‌ر ئێوه ڕاستگۆن .
به‌ڵام ئه‌گه‌ر ته‌نها مه‌به‌ستی باسكردن بێت، هیچی تێدا نیه، به‌ڵام باشتر وایه واز له باس و ثه‌نا كردنی خۆی بهێنێت ..
كه‌واته باس و ثه‌نای خۆكردن له‌چوار حاڵه‌ت به‌ده‌ر نییه : -
حاڵه‌تی یه‌كه‌م : ئه‌گه‌ر هاتوو مه‌به‌ست له‌باسكردن وثه‌نای خۆكردن ده‌ربڕین وباسكردنی ئه‌و ناز ونیعمه‌تانه بێت كه په‌روه‌ردگار پێی به‌خشیوه، وه‌ك نیعمه‌تی ئیمان وئیسلام و به‌رده‌وام بوون له‌سه‌ری، ئه‌وه هیچ گرفتێكی تێدا نابینرێت ..
حاڵه‌تی دووه‌م : ئه‌گه‌ر مه‌به‌ست پێی ئه‌وه بێت كه‌سانی تریش چاوی لێ بكه‌ن، به‌وه‌ی ئه‌وانیش باسی ناز ونعیمه‌ته‌كانی خودا بكه‌ن كه به‌سه‌ریانه‌وه‌یه ..
ئه‌و دوو حاڵه‌ته‌ی پێشوو، هه‌ردووكیان كارێكی باش و خوازراوه، چونكه نیه‌تێكی باشی له پشته‌وه‌یه .
حاڵه‌تی سێهه‌م : ئه‌گه‌ر نیه‌ت ومه‌به‌ست پێی فه‌خر و شانازی و خۆ هه‌ڵبڕین بێت به‌سه‌ر كه‌سانی تر، و وناز كردن بێت به‌سه‌ر په‌روه‌ردگاردا به‌وه‌ی كه باوه‌ڕداره و ثابته له‌سه‌ر باوه‌ڕ وئیمانه‌كه‌ی، ئه‌م جۆره باسكردنه دروست نیه، وه‌ك باسمانكرد كه ئایه‌ته‌كه ڕیگریمان لێ ده‌كات له‌وه‌ی منه‌ت بكه‌ین به‌سه‌ر خه‌ڵكی و خوادا كه باوه‌ڕدارین ..
حاڵه‌تی چواره‌م : ئه‌گه‌ر نیه‌ت و مه‌به‌ستی ته‌نها هه‌واڵێك بێت بۆ خه‌ڵكی به‌بێ فه‌خر و شانازی كردن، به‌وه‌ی باسی خۆی بكات كه باوه‌ڕداره و ثابته له‌سه‌ر باوه‌ڕه‌كه‌ی، هیچ گرفتێكی تێدا نیه، به‌ڵام باشتر وخاستر وایه كه وازی لێ بهێنێت ...
سه‌رچاوه : مجموع فتاوی ورسائل الشیخ محمد بن صالح بن عثیمین ( به‌رگی 3/ لاپه‌ڕه 96 – 97 ) .