باسی کۆمه‌کی یه‌کتر له‌سه‌ر چاکه وپارێزگاری
] kurdish – كوردی – كردي [
پشتیوان صابر عزیز
2014 - 1435
باب التعاون على البر والتقوى
« باللغة الكردية »
بشتيوان صابر عزيز
2014 - 1435
باسی کۆمه‌کی یه‌کتر له‌سه‌ر چاکه وپارێزگاری
ئایه‌تی قورئانی پیرۆز:
خوای گه‌وره ده‌فه‌رموێت:{وَتَعَاوَنُوا عَلَى الْبِرِّ وَالتَّقْوَى }[المائدة:2] .
واتا: وه کۆمه‌کی یه‌کتری بکه‌ن له‌سه‌ر چاکه و پارێزگاری.
فه‌رمووده‌ی پێغه‌مبه‌رﷺ:
عن أَبي موسى الأشعري t ، عن النَّبيّ ﷺ ، أنَّه قَالَ : (( الخَازِنُ المُسْلِمُ الأمِينُ الَّذِي يُنفِذُ مَا أُمِرَ بِهِ فيُعْطيهِ كَامِلاً مُوَفَّراً طَيِّبَةً بِهِ نَفْسُهُ فَيَدْفَعُهُ إِلَى الَّذِي أُمِرَ لَهُ بِهِ ، أحَدُ المُتَصَدِّقين )) مُتَّفَقٌ عَلَيهِ.
واتا: (أبو موسى الأشعري) (خوای لێ ڕازی بێت) ده‌ڵێ: پێغه‌مبه‌ر (صلی الله عليه وسلم) فه‌رمویه‌تی: (به‌ڕاستی خه‌زنه‌داری موسڵمانی ده‌ستپاك كه [فه‌رمان] جێبه‌جێ ده‌كات وبه‌ته‌واوی پێی خۆشنووده‌و ده‌یدات به‌و كه‌سه‌ی كه‌فه‌رمانی پێدراوه، به‌یه‌كێك له‌خێرخوازان ده‌درێته قه‌ڵه‌م).
ڕاڤه وروونكردنه‌وه:
1- ده‌بێت خه‌ڵكی هاوكاری یه‌كتری بكه‌ن له‌سه‌ر چاکه وپارێزگاری.
2- ئه‌گه‌ر خه‌زنه‌دار بیه‌وێت پاداشتی كه‌سی خێرخوازی ده‌ست كه‌وێت، ده‌بێت ئه‌م سیفاتانه‌ی تێدا بێت: موسڵمانیه‌تی، دستپاكی، جێبه‌جێ كردنی فه‌رمان، پێ خۆشنووده.
3- خه‌زنه‌دار ده‌بێت ئه‌و ئه‌مانه‌ته‌ی له لایه‌تی به پاكی وبێگه‌ردی ڕاده‌ستی ئه‌و كه‌سه‌ی بكات كه فه‌رمانی پێدراوه.
4- خه‌زنه‌دار ده‌بێت ئه‌و ئه‌مانه‌ته‌ی له لایه‌تی به بێ كه‌م وكورتی ومننه‌ت كردن ڕاده‌ستی ئه‌و كه‌سه‌ی بكات كه فه‌رمانی پێدراوه..
5- نابێت خه‌زنه‌داری ئه‌مین وده‌ستپاك ته‌مبه‌ڵی بكات له جێبه‌جێ كردنی فه‌رماندا.
6- خه‌زنه‌داری بێباوه‌ڕ ئه‌گه‌ر ئه‌مینیش بێت هیچ ئه‌جر وپاداشتی نیه له دواڕۆژدا.
7- ئه‌و كه‌سه‌ی ڕێنمونی كه‌سێك بكات بۆ ئه‌نجامدانی كاری چاكه وتاعه، وه‌كو ئه‌وان پاداشتی هه‌یه.
له كۆتاییدا داواكارم له خوای گه‌وره یارمه‌تیمان بدات بۆ كۆمه‌كی كردنی برا موسڵمانه‌كانمان له‌سه‌ر چاكه وپارێزگاری.