چۆن دڵی هاوسه‌ره‌كه‌ت رازی ده‌كه‌یت ؟
ئاماده‌كردنی : سایه فارس
سه‌رچاوه: سایتی یه‌كتاپه‌رستی
http://yektapersty.ueuo.com
پێداچونه‌وه‌ی: پشتیوان سابیر عه‌زیز
﴿ كيف تُرضي قلب زوجتك ؟ ﴾
إعداد : ساية فارس
المصدر: موقع التوحيد
http://yektapersty.ueuo.com
مراجعة: بشتيوان صابر عزيز
چۆن دڵی هاوسه‌ره‌كه‌ت رازی ده‌كه‌یت ؟
1- چه‌ند پرسیارێكی دیاریكراوی لێ بپرسه ده‌رباره‌ی ئه‌وه‌ی له‌و رۆژه‌دا روویداوه به وردی.
2 - كاتێ پرسیاری لێ ده‌كه‌یت خۆت رابهێنه له‌سه‌ر ئه‌وه‌ی كه به ته‌ركیزه‌وه سه‌یری بكه‌یت‌و گوێی بۆ بگره.
3- كێشه‌كانی به بێزاری وه‌رمه‌گره، به ڵكو به‌سۆزه‌وه لێی وه‌رگره.
4- به‌لایه‌نی كه‌مه‌وه له هه‌ر سێ كاتژمێردا، (20) خوله‌ك كاتی خۆتی پێ ببه‌خشه.
5- له‌جه‌ژن‌و بۆنه‌كاندا گوڵی پێشكه‌ش بكه.
6- ستایشی شێوه‌‌و رووكه‌ش‌و نمایشه‌كانی بكه.
7- كاتێك دڵی ته‌نگه هه‌ستی رابگره.
8- كاتێك له كاتی خۆت دواده‌كه‌وی په‌یوه‌ندی پێوه بكهو هۆی دواكه‌وتنه‌كه‌تی پێ رابگه‌یه‌نه.
9- ئه‌گه‌ر له مه‌سه‌له‌یه‌ك دا داوای یارمه‌تی لێكردی به به‌ڵێ یان به نه‌خێر وه‌ڵامی بده‌ره‌وه، نه‌ك به شێوه‌یه‌ك كه‌وا ده‌ربخه‌یت هه‌ڵه‌ی كردووه.
10- كاتێك هه‌ستی بریندار ده‌كه‌یت، داوای لێبووردنی لێ بكهو به‌سۆزه‌وه‌‌و به هێمنی له‌گه‌ڵی بجووڵێره‌وه بێ هیچ لێكدانه‌وه‌‌و چاره‌سه‌ر.
مه‌به‌ست درێژه نه‌دان به بابه‌ته‌كه‌و دووباره باس كردنه‌وه‌ی.
11- ئه‌گه‌ر ئاره‌زووی ئه‌وه‌ت كرد كه به ته‌نها بیت پێی رابگه‌یه‌نه كه پێویستت به وه هه‌یه كه به‌ته‌نها بیت‌و بیر له‌و كاروباره‌ی په‌یوه‌ندی به كاره‌كه‌ته‌وه هه‌یه ده‌كه‌یته‌وه.
12- كاتێك گفتوگۆت له‌گه‌ڵ دا ده‌كات سه‌یری بكهو هه‌موو ئاگایه‌كی خۆت بخه‌ره گه‌ڕ بۆی، ئه‌و رۆژنامه یان گۆڤاره‌ی به‌ده‌ستته‌وه‌یه دایبنێ‌و ده‌نگی تی ڤی یه‌كه‌ت كه‌م بكه‌ره‌وه.
13- كاتێك ده‌چیته ده‌ره‌وه لێی بپرسه چ شتێكت پێویسته.
14- كاتێك هیلاك ده‌بیت پێی بڵێ ده‌مه‌وێت كه‌مێك بنوم تا بحه‌سێمه‌وه.
15- كاتێك له‌سه‌ر كار ده‌بیت په‌یوه‌ندی پێوه بكهو دڵنیایی خۆتی بۆ ده‌رببڕه.
16- به لایه‌نی كه‌مه‌وه رۆژی دووجار یان زیاتر پێی بڵێ خۆشم ده‌وێیت.
17- ده‌ره‌وه‌و ناوه‌وه‌ی ئۆتۆمبیله‌كه‌ت خاوێن بكه‌ره‌وه كاتێ له گه‌ڵیدا ده‌چیته ده‌ره‌وه.
18- ئه‌و بۆنه به‌كاربهێنه كه ئه‌و حه‌زی لێ ده‌كات، پاكوخاوێن به كاتێك له‌گه‌ڵ ئه‌و دا ده‌بیت.
19- وای لێ بكه كه هه‌ست به خۆشه‌ویستییه‌كی گه‌وره بكات.
20- ده‌ستی بگره به‌سۆزه‌وه‌‌و ئارام به له‌گه‌ڵیدا.
21- كاتێ ده‌چنه ده‌ره‌وه ئاره‌زووی له چ جۆره شه‌ربه‌تێك هه‌یه پێشكه‌شی بكه.
22- ئه‌و چێشتخانه‌یه‌ی بۆی ده‌چن تۆ دیاری بكهو ئه‌و به‌رپرسیارییه‌تیه مه‌خه‌ره ئه‌ستۆی ئه‌و.
23- له بۆنه‌كاندا كه ده‌چنه ده‌ره‌وه به جوانترین شێوه خۆتان بگۆڕن.
24- كاتێ له‌گه‌ڵ كه‌سانی تردان گرنگی پێ بده‌و با یه‌كه‌مین بێت له چاو ئه‌وانی تردا به نیسبه‌ت تۆوه.
25- با وێنه‌كه‌ی خۆی له نێو جزدانه‌كه‌تدا ببینێت.
26- له بۆنه تاییبه‌تییه‌كاندا وشه‌ی خۆشه‌ویستی بۆ بنووسه.
27- ئۆتۆمبیله‌كه‌ت به شێوه‌یه‌ك لێ بخوڕه كه ئه‌و پێی خۆشه‌و خێرایت كه‌م بكه‌ره‌وه‌و هه‌میشه پێش ئه‌وه‌ی سه‌ربكه‌وێت ده‌رگای ئۆتۆمبیله‌كه‌ی بۆ بكه‌ره‌وه.
28- ئه‌گه‌ر چێشتی ئاماده‌كرد ستایشی بكهو ره‌خنه‌ی لێ مه‌گره.
29- چاودێری هه‌سته‌كانی بكهو هه‌میشه لێی بپرسه ئایا خۆشی ده‌وێیت؟
30- ئه‌گه‌ر نوكته‌ی بۆ گێڕایته‌وه پێ بكه‌نه.
31- كاتێك شتێكت بۆ ئاماده ده‌كات سوپاسی بكهو ده‌ست خۆشی لێ بكه.
32- كاتێك له كه‌شێكی خۆش دا دانیشتوون‌و گفتوگۆ ده‌كه‌ن ئه‌گه‌ر ته‌له‌فۆنت بۆ كرا هه‌وڵ بده وه‌ڵام نه‌ده‌یته‌وه.
33- زۆر جار به پیاسه‌كردن بچنه‌ده‌ره‌وه‌‌و چونكه خۆشه‌ویستی تازه ده‌كاته‌وه‌‌و پێی بڵێ كاتێك لێت دووربم بیرت ده‌كه‌م.
34- بیكه‌ره دڵخۆشترین مرۆڤی ئه‌م دنیایه، چونكه كاتێك هه‌ست به‌م سۆز‌و خۆشه‌ویستی‌و دڵسۆزییه ده‌كات ئه‌ویش تۆ ده‌كاته به‌خته‌وه‌رترین دروستكراوی ئه‌م سه‌ر زه‌مینه.