پەزىلەتلىك شەيخ مۇھەممەد سالىھ ئەلمۇنەججىد

پەزىلەتلىك شەيخ مۇھەممەد سالىھ ئەلمۇنەججىد ھىجرىيە 1380-يىلى 12- ئاينىڭ 30-كۈنى دۇنياغا كەلگەن.

باشلانغۇچ، تولۇقسىز ۋە تولۇق ئوتتۇرا مەكتەپلەرنى رىياد شەھىرىدە تاماملاپ، ئۇنىۋېرسىتېتىنى زەھران شەھىرىدە ئوقۇيدۇ.

شەيخ ئابدۇلئەزىز ئىبنى ئابدۇللاھ ئىبنى باز، شەيخ مۇھەممەد سالىھ ئىبنى ئۇسەيمىين، شەيخ ئابدۇللاھ ئىبنى ئابدۇراھمان ئەلجىبرىن، شەيخ ئابدۇراھمان ئىبنى ناسىر ئەلبەرراك، شەيخ سەئىد ئال- ئابدۇللاھ قاتارلىق سەئۇدى ئەرەبىستاندىكى غوللۇق ئالىملاردىن تەلىم ئالغان. ئۇنىڭدىن سىرت، شەيخ سالىھ ئىبنى پەۋزان ئال-پەۋزان، شەيخ ئابدۇللاھ ئىبنى مۇھەممەد غۇنەيمان، شەيخ مۇھەممەد ھەبىب شەنقىيتى، شەيخ ئابدۇلمۇھسىن ئال-زامىل، شەيخ ئابدۇراھمان ئىبنى سالىھ مەھمۇد قاتارلىق ئۆلىمالاردىنمۇ كۆپلەپ پايدىلانغان.

شەيخ ئابدۇلئەزىز ئىبنى ئابدۇللاھ ئىبنى باز بىلەن ئالاقىسى ئىنتايىن ياخشى بولۇپ، شەيخنىڭ ھاياتىنىڭ ئاخىرىغىچە پايدىلانغان.

ھازىر خۇبەر شەھىرىدىكى ئۆمەر ئىبنى ئابدۇلئەزىز جامەسىدە ئىمام ۋە خاتىپلىك خىزمىتىنى ئۆتەيدۇ.

ئۇنىڭ ھەر-خىل مېدىيا ساھەلىرىدە سۆزلىگەن ۋە شەرھىلىگەن كىتابلار ئىنتايىن كۆپ بولۇپ، تەپسىر ئىبنى كەسىر، سەھىھۇل بۇخارىنىڭ شەرھى، شەيخۇل ئىسلام ئىبنى تەيمىيە پەتىۋالار توپلىمى، سۈنەنۇت تىرمىزىنىڭ شەرھى، كىتابۇت تەۋھىد، شەرھى ئۇمدەتۇل ئەھكام، شەرھى مەنھەجۇسسالىكىن قاتارلىق كىتاپلارنى مەسجىتلەردە رەسمى ئىلمىي دەرس قىلىپ سۆزلىگەن.

شەيخنىڭ كۆپلىگەن ئەسەرلىرى بولۇپ، كۆپىنچىسى نەشىر قىلىنغان. تىلىۋېزىيە قاناللىرىدا ھەپتىنىڭ مەلۇم كۈنلىرىدە مەخسۇس پروگراملارغا تەكلىپ بىلەن قاتنىشىدۇ. ئىسلام دۇنياسىدا خۇسۇسەن ئەرەپ دۆلەتلىرىدە ھۆرمەتكە سازاۋەر شەيخ ئەلمۇنەججىد، دىنى تەشۋىقاتتا ھازىرقى زامان پەن-تېخنىكا بىلىملىرىدىن پايلىنىشنى قاتتىق تەرغىپ قىلغۇچى دىنى زىيالىلارنىڭ بىرىدۇر.

www.islam.ws  ۋە islamqa.info  قاتارلىق تور بېكەتلىرىنى ئۆز ئىچىگە ئالغان سەككىز ئىسلامىي تور بېكىتىنىڭ باش رىياسەتچىسى.