أعلام وشخصيات

Husejn Serraxh: Është hoxhë me prejardhje nga Iraku. Punon në Kosovë ku dhe është përgjegjës i sektorit të Daves(Thirrjes Islame) pranë organizatës së “Wakfit”. Është ndër hoxhallarët e pakët që qëndruan në trojet shqiptare një kohë të gjatë duke i shërbyer kauzës islame. Është i njohur me aktivitetin e tij të bujshëm pranë organizatës “Wakf” por, edhe më gjerë. Ligjëratat e tij janë të mirëpritura, përmbajtjesore dhe të argumentuara.

Omer Berisha: Është hoxhë i nderuar me prejardhje nga Maqedonia. Fakultetin e përfundoi në Universitetin Islamik në Medine – Dega e Hadithit. Shquhet me aktivitetin e tij të palodhshëm në thirrjen islame përmes përkthimeve të ndryshme dhe njëherazi është kryeredaktor i njërës nga revistat më prestigjioze islame në trojet shqiptare ‘Albislamit’ dhe ueb faqes po me këtë emër.

Sadat Rrustemi: Është hoxhë i nderuar me prejardhje nga Kosova. Fakultetin e përfundoi në Universitetin Islamik të Medinës – Dega e Sheriatit, gjithashtu ai i vijon studimet e doktoraturës në Universitetin e Xhinanit – Liban. Ai shquhet për angazhimin e tij në thirrjen islame përmes ligjëratave dhe hutbeve ku dhe për vite të tëra ishte imam në xhami të ndryshme dhe aktiviteti i tij shtrihet edhe në mbajtjen e kurseve të ndryshme të avancuara ku morën pjesë shumë të rinjë.