Бу киши Жазиранинг Мсила шаҳрида ҳ.1379/м.1959 й таваллуд топган Абу Саъид Билъид бин Аҳмад бин Рамазон Жазоирийдир. ҳ.1403/м.1983й Мадинаи Мунавварадаги Ислом университетида шариат бўйича олий диплом \”лиценциат(илмий даража)\” олган. ҳ.1403-1413/м.1983-1993 йиллар жазоирда ўрта таълим мактабида мударрислик қилган. Сўнгра Булайда шаҳрида Ҳамза бин Абдул муттолиб масжидида имомлик қилган. Таълимни давом эттириш мақсадида Дамашққа боради, сўнгра ҳ.1417/м.1997й Бирлашган араб амирлигига сафар қилади, у ерда мадрасада мударрислик ва Халифа номли масжидда имом хатиб вазифасида ишлайди. ҳ.1424/ м.2003й ватани Жазоирга қайтади. Айни дамда Булайда шаҳрида Ҳақ номли масжидда имом хатиб ва дарслар олиб бормоқда.