أعلام وشخصيات

ఖుర్ఆన్ ఖారీ, యమనీ దేశస్థుడు, అల్ హదీద్ లోని జామియ (ఉసామహ్ బిన్ జైద్) తహ్ఫీజ్ అల్ ఖుర్ఆన్ లో విద్యాభ్యాసం పూర్తి చేసారు. ఇంకా అల్ హదీద్ లోని మఆహద్ (అల్ నూర్) అల్ ఇల్మీ లో విద్యాభ్యాసం పూర్తి చేసారు. ప్రస్తుతం యమన్ దేశ రాజధాని సనాఅ లోని జామియహ్ అల్ ఉలూమ్ వ టెక్నాలజీ లో విద్యాభ్యాసం చేస్తున్నారు.

ఈయన ఈజిప్టు దేశానికి చెందిన ఖారీ. అహ్మద్ అబ్దుల్ ఫత్తాహ్ ముహమ్మద్ అల్ హద్దాద్. 1984వ సంవత్సరం ఆగష్టు 25వ తేదీన జన్మించారు. జామియ అజ్ హర్ నుండి 2007లో వివిధ భాషల అనువాదంలో పట్టభద్రులయ్యారు. అదే కాలేజీ నుండి 2008లో ఒక పరిశోధనలో మాస్టర్స్ చేసారు. అలాగే ఖుర్ఆన్ సైన్సులో కూడా. ఖిరాత్ అల్ అష్రహ్ లో ప్రావీణ్యం సంపాదించారు.

ఖారీ, డాక్టర్ అహ్మద్ అహ్మద్ నయీనయి. 1954 సంవత్సరంలో ఈజిప్టు దేశంలోని కఫర్ అల్ షేక్ ప్రాంతంలోని మతూబస్ పట్టణంలో జన్మించారు. అలెగ్జాండ్రియా కాలేజీ నుండి డాక్టర్ గా పట్టభద్రులయ్యారు. తర్వాత అలెగ్జాండ్రియాలోని హాస్పిటల్ లో పనిచేయడం ప్రారంభించారు. 1979లో ఈజిప్టు రేడియా మరియు టెలివిజన్ లలో ఖుర్ఆన్ పఠించే అవకాశం ఇవ్వబడింది.

ఆయన పూర్తి పేరు అబూ అజ్ జుబైర్ బిన్ తాలిబ్ బిన్ అబ్దుల్ హమీద్ బిన్ అల్ ముజఫ్ఫర్ ఖాన్. రియాద్ పట్టణంలో ఆయన హిజ్రీ 1401 సంవత్సరంలో జన్మించారు. రియాద్ పట్టణంలోని ఇమాం ముహమ్మద్ బిన్ సఊద్ ఇస్లామీయ విశ్వవిద్యాలయంలో పట్టభద్రులయ్యారు. హిజ్రీ1434వ సంవత్సరం నుండి రమదాన్ నెలలలో మదీనా మునవ్వరహ్ లోని మస్జిదె నబవీలో తరావీహ్ మరియు ఖియాముల్ లైల్ నమాజులకు ఇమామత్ అంటే నాయకత్వం చేసే సుదవకాశం ఆయనకు లభించింది. మస్జిదె నబవీలో ఇమామ్ గా నియమిస్తూ క్రీ.శ. 2013వ సంవత్సరం అక్టోబరు 9వ తేదీ బుధవారం అంటే దుల్ హజ్ నెల 4వ తేదీ హిజ్రీ 1434వ సంవత్సరం నాడు ఖాదిమైన్ హరమైన షరీఫ్ రాయల్ డిక్రీ జారీ చేసినారు.