أعلام وشخصيات

ఆయన ఖారీ మిఫ్తాహ్ బిన్ ముహమ్మద్ బిన్ యూసుఫ్ బిన్ ఉమర్ అస్సల్తనీ. ఆయన లిబియాలోని బింగాజీ ప్రాంతంలో హిజ్రీ 1393వ సంవత్సరం రబ్బి అత్తానీ 19వ తేదీన అంటే క్రీ.శ. 1973వ సంవత్సరం మే నెల 21వ తేదీన జన్మించారు. బింగాజీలోని హిజ్రీ 1422వ సంవత్సరంలో ఖుర్ఆన్ కంఠస్థం పూర్తి చేసారు. వివిధ ఖిరఆత్ విద్యలలో ఈజిప్టు, సిరియా, షంఖీత్ మొదలైన దేశాలలోని అనేక మంది ప్రఖ్యాత ఖిర్ఆత్ పండితుల వద్ద నుండి ఆయన ఇజాజహ్ పొందినారు. అల్ అజ్హర్ విశ్వవిద్యాలయం మరియు లిబియాలోని ఖుర్ఆన్ విభాగాల జనరల్ కేంద్రాల నుండి ఆయన ఉన్నత ఖిర్ఆత్ విద్యలలో ఉత్తీర్ణులయ్యారు. వృత్తిపరంగా ఆయన ఇంటర్నిష్ట్ మరియు కిడ్నీ విభాగంలో డాక్టర్ మరియు కన్సల్టెంటు.

షేఖ్ అబ్దుర్రహ్మాన్ బిన్ ఖాసిమ్ బిన్ ముహమ్మద్ బిన్ ఖాసిమ్ ఆశిమీ అనే ఈ ఇస్లామీయ పండితుడు నజ్ద్ ప్రాంతపు (నేటి రియాద్) ప్రఖ్యాత ఫహ్తాన్ తెగలోని ఆశిమ్ వంశానికి చెందిన వారు. వీరు 1312హిజ్రీ సంవత్సరం లో ఉత్తర రియాద్ లోని అల్ బీర్ అల్ గరియ అనే ప్రసిద్ధ ఊరిలో జన్మించారు. చిన్నతనంలోనే ఖుర్ఆన్ కంఠస్థం చేయటం మొదలుపెట్టి, అతి త్వరగా దానిని పూర్తి చేసినారు. దగ్గరలోని ఇస్లామీయ పండితుల దగ్గర విద్యనభ్యసిస్తూ, చివరికి రియాద్ పట్టణానికి చేరుకున్నారు. ఆ కాలంలో రియాద్ పట్టణంలో అనేక మంది విద్వాంసులు ఉండేవారు. అటువంటి ఉద్దంఢుల సమక్షంలో, ఆయన పూర్తి ఏకాగ్రతతో మరియు బాగా కష్టపడి విద్యనార్జించటం మొదలు పెట్టినారు. ఇంకా విద్యాభ్యాసంలోని మాధుర్యాన్ని మరియు తీపిదనాన్ని ఆస్వాదించసాగారు. పాఠాలను చదవటంలో, కంఠస్థం చేయటంలో, గ్రహించటంలో పూర్తిగా నిమగ్నమైపోయి, తన తోటి విద్యార్థులలో ఎల్లప్పుడూ మొదటి స్థానంలో ఉండేవారు. వారి ఉపాధ్యాయులలో ప్రఖ్యాతి చెందినవారు – షేఖ్ అబ్దుల్లాహ్ బిన్ అబ్దుల్లతీఫ్, షేఖ్ ఇబ్రాహీం బిన్ అబ్దుల్లతీఫ్, షేఖ్ హమద్ బిన్ ఫారిస్, షేఖ్ సఆద్ బిన్ హమద్ బిన్ అతీఖ్, షేఖ్ అబ్దుల్లాహ్ అంగరీ, షేఖ్ ముహమ్మద్ బిన్ ఇబ్రాహీం, షేఖ్ ముహమ్మద్ బిన్ మానె మరియు ఆ కాలపు ప్రసిద్ధ ఇస్లామీయ పండితులు.