Fatmir Latifi: Është hoxhë i nderuar me prejardhje nga Kosova. Fakultetin e përfundoi në Universitetin Islamik në Medinë – Dega e Hadithit. Shquhet për aktivitetin e tij në thirrjen islame sidomos për hytbet e tij shumë të mirëpritura dhe aktivitetet e tij publike në të mirë të njerëzve. Është imam në xhaminë e Shipolit – Mitrovicë.
Bahri Curri: Është hoxhë i nderuar me prejardhje nga Kosova. Fakultetin e përfundoi në Universitetin Islamik të Medinës – Dega e Sheriatit. Angazhimi i tij në Dave është i shumëllojshëm ku ai përveç detyrës së imamit merret edhe me shkrime dhe përkthime dhe është prezent gjithashtu me ligjëratat e tij në radio.
Fehim Dragusha: Është hoxhë i nderuar me prejardhje nga Kosova. Fakultetin e përfundoi në Universitetin e Darus Selamit në Brunei. Ai shquhet për palodhshmërinë në thirrjen e njerëzve në islam përmes ligjëratave dhe aktiviteteve të shumta por, gjithashtu është edhe përkthyes i një sërë librash nga anglishtja dhe arabishtja. Aktivitetin e tij e ka vazhduar edhe ne Zvicër ku është edhe imam në një nga xhamitë e atjeshme.