Audios

Имам Нававийн 42 хьадисан а, уьш 50 дузуьйтуш Имам Ибн Раджаба тIетоьхна долчу 8 хьадисан а маьIна деш Шейх Iабдул-Мухьсина яздина жайна ду хIара, нохчийн матте Олхазара маьIна деш.

Имам Нававийс (Дала къинхетам бойла цунах) яздина долу «Дикчу нехан бошмаш» (Риядуссолихьин) цIе йолу жайна чIогIа дезчу жайнех ду. ХIунда аьлча цо гулдина долу дела шена чохь, бусалба стагана а, зудчунна а хIора дийнахь шен дахарехь а, Iибадат дарехь а оьшуш долу хIуманаш. Ткъа хIокху жайни юкъара хьадисаш дерриге – цхьа кIеззиг дерш доцург – нийса хьадисаш ду, хIара жайна кхин башха доккха а дац, атта а ду, бусалба дин довзарехь доьххьара дIаволалуш волчунна а, Iилмангахь генаваьллачунна а цхьатерра пайдехь а ду. Цундела хьакъ ду хIара Iамо а, деша а.

Хьан аьтто хир бу Ал-ФикъхIул вадихь хьалхара жайна дехьадаккха Хьадж дуьйцу дакъа хьуна карор ду хIокху жайни пхи бIе кхузткъе цхьайттолгIачу (571) агIон тIехь

Дала адамана делла долу ниIматаш дагар далур доцуш дукха ду. Церах ду Дала адамана мотт балар – вист а хуьлуьйтуш, яахIума а юуьйтуш йолу жима меже. И меже ялсамане вахаран бахьана хила а йиш ю, жоьжахате вуьгур волу бахьана хила а йиш ю. Далла муьтIахь хиларан агIонаш лелайахь – ялсамане вуьгур ву цо, Далла Iеса хиларан агIонаш лелайахь (гIийбат дар а, эладита дийцар а, харц тешалла дар а, кхидолу вон хIуманаш а) – жоьжахате вуьгур ву цо. ХIокху хьехамашкахь дуьйцурш меттан цхьадолу сакхташ ду.