الكتب

КОРОНАВИРУС УЬНАХ МУХА ЛАРДАЛА ДЕЗА – ИТТ ХЬЕХАР

Имам Ибн Аби-Зайда шен «ар-РисалахI» цIе йолчу жайнина яздина дешхьалхе (Бусалба кхетам)

Ассаламу Iалайкум ва рахьматуллахI

ХIокху жайно Ийманан ялх гIортор юьйцу: АллахIах а, Цуьнан малийкех а, Цуьнан жайнех а, Цуьнан элчанех а, къемат дийнах а, Делан кхелах а тешар. Жайни тIе оцу хIора гIорторах лаьцна дуьйцу, Къуръан тIера а, Суннатера а, хьекъалера а шен тешаллашца. Ийман – маттаца олу дош а, дагца тешар а, дегIаца Iамал йар а хилар довзуьйту, Далла муьтIахь хиларца сов а долуш, Цунна Iеса хиларца гIел а луш. Ийман кхочуш муха дийр дара а дуьйцу. Ийманан гIорторашца доьзна долу коьрта хаттарш а хьехадо хIокху жайно.

ХIара жайна Исламан пхи бух буьйцуш ду, церан маьIна деш ду, хIоранна а Къуръан тIера а, Суннатера а тешалла а далош. Ши тешалла дар а, ламаз дар а, закат далар а, марха кхабар а, хьадж дар а… И хIора гIортор ша-ша доккхуш дуьйцу хIокху жайни тIехь, хIоранна маьIна а, тешалла а, хьекъале бахьана а, билламаш а, кхидолу цуьнца доьзна долу хеттарш а далош, кхета атта долчу дешнашца, аттачу маттахь.

Беркате жайна ду хIара, бусалба стагана дийнахь а, буса а оьшуш долу зикр а, доIанаш а дуьйцуш, дахарехь цунна тIеIитталуш долчу хIуманашна оьшуш долу доIанаш дуьйцуш

Жима а, мехала а долу жайна ду хIара, адамана хаа дезаш долу баххаш дуьйцуш: Дела вовзар а, тайп-тайпана долу Iибадаташ довзар а, дин довзар а, динан даржаш довзар а, Пайхамар (соллаллохIу IалайхIи ва саллам) вовзар а, иза ваийтаран бахьана довзар а, эхартахь адам гIаттор долуш хилар довзар а, тIагIутаца керстадар а, АллахIах тешар а дуьйцуш.