نیشانێن بچویك و مەزن یێن قیامەتێ

فه‌تـواده‌ر : موحه‌مه‌د صاڵح المنجد

وه‌رگـێران: روژهات سه‌عید

پێداچـونه‌وه‌: پشتیوان سابیر عه‌زیز

وه‌سف كردن

پرسیارێكه له‌ لایه‌ن شێخ موحه‌مه‌د صاڵح المنجد وه‌ڵامی دراوه‌ته‌وه‌، وه‌ ناوه‌ڕۆكی پرسیاره‌كه‌ ئه‌مه‌یه:‌ نیشانێن بچویك و مەزن یێن قیامەتێ چ نە ؟

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    نیشانێن بچویك و مەزن یێن قیامەتێ

    ] kurdish – كوردی – كردي [

    موحه‌مه‌د صاڵح المنجد

    سایتی (ئیسلام پرسیار ووه‌ڵام)

    وه‌رگێڕانی: روژهات سەعید

    پێداچونه‌وه‌ی: پشتیوان سابیر عه‌زیز

    2012 - 1433

    ﴿ علامات يوم القيامة الصغرى والكبرى ﴾

    « باللغة الكردية »

    محمد صالح المنجد

    موقع الإسلام سؤال وجواب

    ترجمة: روژهات سعید

    مراجعة: بشتيوان صابر عزيز

    2012 - 1433

    نیشانێن بچویك و مەزن یێن قیامەتێ

    پرسیار : نیشانێن بچویك و مەزن یێن قیامەتێ چ نە ؟

    بەرسڤ :

    حەمد بتنێ بو خودێ یە .

    نیشانێن روژا قیامەتێ ئەو نیشانەنە یێن ژ بەری هاتنا قیامەتێ و دەمێ قیامەت نێزیك دبیت ڕوی ددەن ، زانایا خودان ئێك بوچوونن کو ئەڤ نیشانە دوو پشكن ، نیشانێن بچویك ئانکو ئەو نیشانەنە یێن دەمەکێ درێژ ژ بەری قیامەتێ ڕوی ددەن ، هندەك نیشان یێن ڕویداین ژی ، هندەك یێن دووبارە دبن و هندەك هێشتا نە ڕویداینە ، بەلێ هەمی نیشان دێ پەیدا بن کا چەوا خودایێ مەزن پەسەند کرینە کو ژ لایێ پێغەمبەری (سلاڤێن خودێ ل سەر بن) هاتینە گوتن.

    نیشانێن مەزن ژی ئەو نیشانەنە یێن ژ بەری دەمەکێ کێم ژ هاتنا قیامەتێ ڕویددەن و گرنگن .

    نیشانێن بچویك گەلەكن ، د گەلەك فەرموودەیێن صحیح دا هاتینە گوتن ژ لایێ پێغەمبەری (سلاڤێن خودێ ل سەر بن) ، نوکە دێ ڤان نیشانا دیار کەین بێی کو ئەم فەرموودا بێژین ، چونکی هند شیان نینن ئەم هەمیا ل ڤێرێ بێژین ، یێ بڤێت پتر زانیاریا دەربارەی بابەتی وەربگریت دشێن وی ئاراستە بکەین بو پەرتوکێن جهێ باوەریێ ژ وانا پەرتوکا (القیامة الصغری – قیامەتا بچویك ) یا عمر بن سلیمان الآشکار و پەرتوکا (اصرة السعی) یا یوسف الوابلی .

    هندەك نیشانێن بچویك یێن قیامەتێ ئەڤەنە :

    ١ – ڤرێکرنا محمد (سلاڤێن خودێ ل سەر بن) ب پێغەمبەراتیێ.

    ٢ – وەفاتا پێغەمبەری (سلاڤێن خودێ ل سەر بن).

    ٣ – ڤەگرتنا قودسێ ( بیت المقدس).

    ٤ – زێدەبوونا نەخوشیا تاعونێ.

    ٥ – زێدەبوونا مالی و نەدانا زەکاتێ.

    ٦ – دەرکەفتنا فتنا ، هندەك فتنەیێن د سەردەمێ دەستپێکا ئیسلامێ دا ب ڤی ڕەنگی نە :کوشتنا عسمان کوڕێ عفانی (ڕازی بوونا خودێ ل سەر بیت) ، شەڕێن جمل و صفین ، دەرکەفتنا خارجیا ، شەرێ حرا و گوتنێ هندێ کو قورئان ئافڕاندیەکا (مخلوق).

    ٧ – دەرکەفتنا وان کەسا یێن دبێژن ئەم پێغەمبەرین ، هندەك ژ وانا مسیلمة الآسود الآنسی .

    ٨ – دەرکەفتنا ئاگری ژ حیجازێ ، ئەڤ ئاگرە ل سەدسالا حەفتێ یا کوچی ل سالا ٦٥٤ ێ دەرکەفت ، ئاگرەك مەزن بوو ، زانایێن وی سەردەمی و یێن دویڤدا هاتین باس ژ ڤئ ئاگری کرینە . ئیمام نەوەوی دەربارەی ڤی بابەتی دبێژیت :

    " د سەردەمێ مە ل سالا ٦٥٤ ێ کوچی ل مەدینێ ئاگرەك دەرکەفت ، ئاگرەك مەزن بوو ، ل لایێ ڕوژهەلاتا مەدینێ ل پشت جهێ ناڤێ وێ حرا دەرکەفت ، باسێ ڤی ئاگری ل شام و جهێن دی بەلاڤ بوو ، ئەڤ چەندە ژی بو من هاتە گوتن ژ لایێ وان کەساڤە ئەوێن ئەڤ ئاگرە ل مەدینێ دیتی "

    ٩ – نەمانا چاڤدێریا ئەمانەتی ، ئێك ژ وانا ئەوە کو دەسەلات بو کەسەکێ وەسا بهێتە دان ئەو نە هەژی وێرێ بیت و وانا ب ڕیڤە ببەت.

    ١٠ – دەرکەفتنا نەزانینێ (جاهلیەت) و نەمانا زانینێ ، نەمانا زانینێ ب مرنا زانایانە ، د فەرموودەیەکا پێغەمبەری(سلاڤێن خودێ ل سەر بن) دا وەسا هاتیە گوتن ئەوا بوخاری و موسلمی دا.

    ١١ – بەربەلاڤبوونا زنایێ.

    ١٢ – بەربەلاڤبوونا ڕیبایێ.

    ١٣ – بەربەلاڤبوونا ئالەتێن موزیكێ.

    ١٤ – ڤەخوارنا ئەرەقێ ب شێوەیەکێ بەربەلاڤ.

    ١٥ – دەرکەفتنا بەریکانێ ژ لایێ شڤانێن پەزی ڤە بو ئاڤاکرنا ئاڤاهیا.

    ١٦ – ژدایكبوونا خودانی ژ لایێ جاریێ ڤە .

    د فەرموودا د بوخاری و موسلمی دا هاتی پێغەمبەری (سلاڤێن خودێ ل سەر بن) دبیژیت،زانا د ڕامانا ڤێ فەرموودێ دا خودان هزرێن جودانە ،بەلێ ابن حجر (خودێ ژێ ڕازی بیت) وەسا شروڤە دکەت :

    "گوهێ خو نەدانا زاروکا بو دەیك و بابا دێ زێدە بیت ، کا چەوا خودانێ جاریێ کرێت دبینیت دێ وەسا زاروك ژی دەیك و بابێن خو کرێت بینیت"

    ١٧ – بەربەلاڤبوونا ڕویدانێن کوشتنێ.

    ١٨ – زێدەبوونا بیڤەلەرزا.

    ١٩ – بن ئەرد بوونا مروڤان ، گهوڕینا شێوەیێن وانا و هاتنا بەرا ژ ئەسمانا.

    ٢٠ – دەرکەفتنا ژنکان یێن ب جلك بەلێ هەر وەکی بێ جل و بەرگ.

    ٢١- ڕاست دەرکەفتنا خەونا باوەرداری.

    ٢٢ – زێدەبوونا بینەر (شاهد) یێن درەوین و ڤەشارتنا ڕاستی و حەقیێ.

    ٢٣ – پتریا ژنکان ژ زەلامان.

    ٢٤ – زڤڕینا کەسکاتی و ئاڤەڕیژا ل نیمچە گزیرتا عەرەبی.

    ٢٥ – دەرکەفتنا چیایەکێ زێری ل بن دەریا فڕات.

    ٢٦ – ئاخفتنا بێ رح و گیانەوەرێن دڕندە لگەل مروڤا.

    ٢٧ – زێدەبوونا ڕومیا (بیزەنسیا) و شەرکرنا وانا لگەل موسلمانا.

    ٢٨ – ڤەگرتنا ئیستانبولێ.

    نیشانێن مەزن یێن قیامەتێ ، خوزەیفە کوڕێ اسیدی(خودێ ژێ ڕازی بیت) ژ پێغەمبەری (سلاڤێن خودێ ل سەر بن) ڤەدگوهێزیت کو دەهـ نیشانێن مەزن یێن قیامەتێ یێن هەین :

    دەرکەفتنا دەجلای ، هاتنا عیسایێ کورێ مەریەمێ ، دەرکەفتنا ملللەتێ یەجوج و مەجوج ، ڕویدانا سێ بوویەرێن چوونا بن ئەردی ل ڕوژهەلاتی ، ڕوژئاڤای و نیمچە گزیرتا عەرەبی ، دەرکەفتنا دویکێلەکێ مەزن ، هەلاتنا ڕوژێ ژ روژئاڤای ، دەرکەفتنا دابەت ئول ئەرز ،دەرکەفتنا ئاگرەکی ژ یەمەنێ کو وانا ڕاکێشیت بو جهێ مەحشەرێ .

    دەرکەفتنا ڤان نیشانا دێ ل دویڤ ئێك دا بن و دەمێ ئێكەم ئەڤ نیشانا دەردکەڤیت ، دێ نیشانەك دی ژی ئێت .

    ژ خوزەیفە کوڕێ اسیدی(خودێ ژێ ڕازی بیت) دهێت ڤەگوهاستن ، ئەو دبێژیت :

    «اِطَّلَعَ النَّبِيُّ صَلَّى اللهُ عَلَيْهِ وَسَلَّمَ عَلَيْنَا وَنَحْنُ نَتَذَاكَرُ، فَقَالَ: مَا تَذَاكَرُونَ؟ قَالُوا: نَذْكُرُ السَّاعَةَ. قَالَ: إِنَّهَا لَنْ تَقُومَ حَتَّى تَرَوْنَ قَبْلَهَا عَشْرَ آيَاتٍ، فَذَكَرَ الدُّخَانَ وَالدَّجَّالَ وَالدَّابَّةَ وَطُلُوعَ الشَّمْسِ مِنْ مَغْرِبِهَا وَنُزُولَ عِيسَى ابْنِ مَرْيَمَ صَلَّى اللهُ عَلَيْهِ وَسَلَّمَ وَيَأَجُوجَ وَمَأْجُوجَ وَثَلَاثَةَ خُسُوفٍ: خَسْفٌ بِالْـمَشْرِقِ وَخَسْفٌ بِالْـمَغْرِبِ وَخَسْفٌ بِجَزِيرَةِ الْعَرَبِ، وَآخِرُ ذَلِكَ نَارٌ تَخْرُجُ مِنْ الْيَمَنِ تَطْرُدُ النَّاسَ إِلَى مَحْشَرِهِمْ» [ رواه مسلم ]

    ئەم ل بەر دیوارەکێ مەدینێ ڕوینشتی بووین د ئاخفتین ، پێغەمبەری (سلاڤێن خودێ ل سەر بن) سەحکرە مە و پرسیار کر ، هوین باسێ چ دکەن ؟

    ئەسحابیا گوت : مە باس ژ قیامەتێ دکر ؟

    پێغەمبەری (سلاڤێن خودێ ل سەر بن) گوت : هندی هەوە دەهـ نیشانێن قیامەتێ نەدیتین ، قیامەت نا ڕابیت ، پاشی گوت :

    ١ – دویکێل

    ٢ – دەجال

    ٣ – دابەت ئول ئارز (دابة الآرض)

    ٤ – هەلاتنا ڕوژێ ژ روژئاڤای.

    ٥ – هاتنا عیسا کورێ مەریەمێ (سلاڤ لێ بن) سەر ئەردی .

    ٦ – دەرکەفتنا یەجوج و مەجوجی.

    ٧ – بن ئەرد کرنا مروڤان ل روژهەلاتی.

    ٨ – بن ئەرد کرنا مروڤان ل روژئاڤای.

    ٩ – بن ئەرد کرنا مروڤان ل نیمچە دورگەها عەرەبی.

    ١٠ – دویماهیا ڤان ژی دەرکەفتنا ئاگرەکی ژ یەمەنێ کو مروڤان ڕاکێشیت بو جهێ مەحشەرێ ( ل شامێ) (موسلم)

    چ بەلگەیێن ڕاست و دروست نینن کو رێزبەندا ڤان نیشانا دروست بیت ، بەلێ هندەك فەرموودەیێن ڕاست هاتین بەرچاڤ وەرگرتن بو دروستکرنا ڤێ ڕێزبەندیێ.

    پرسیار ژ زانایێ بهادار محمد بن صالح الآوسیمن (خودێ دلوڤانیێ پێ ببەت) هاتە کرن :دێ نیشانێن مەزن یێن قیامەتێ ب رێز ڕوی دەن؟ وی ژی بەرسڤ ب ڤی ڕەنگی دا:

    " هندەك نیشانێن مەزن یێن قیامەتێ هاتینە ڕێزکرن و ئەڤە دهێنە زانین ، هندەك نەهاتینە رێزکرن و رێزا وان ژی نەهاتیە زانین ، یێن ل دویڤ ئێك بهێن ئەڤەنە : هاتنا خوارا عیسایێ کورێ مەریەمێ (سلاڤین خودێ لێ بن) ، دەرکەفتنا یەجوج و مەجوجی و دەجال،چونکێ ل دەستپێكێ دێ دەجال هێتە ڤرێکرن و دویڤدا دێ عیسایێ کورێ مەریەمێ وی کوژیت ، پاش دێ یەجوج و مەجوج دەرکەڤن .

    الصفرانی (خودێ دلوڤانیێ پێ ببەت ) د عەقیدا خو دا نیشانا وەسا رێزدکەت بەلێ هندەك د گونجاینە و هندەك نە گونجاینە لگەل هزرێن مروڤی ، رێزبەندیا نیشانا بو مە گرنگ نینە یا گرنگ ئەوە کو قیامەتێ نیشان یێن هەین و دەمێ ڕوی ددەن ئەوە کو قیامەت نێزیكە ، خودایێ مەزن نیشان بو قیامەتێ ئافراندینە ، چونکی قیامەت ڕویدانەکا گەلەك گرنگە و مروڤ پێدڤی ب ئاگەهدارکرنا قیامەتێ نە .

    خودایێ مەزن هەمی تشتی باشتر دزانیت.

    ڕای به‌رێزت گرنگه‌ بۆمان