ئایا ئه‌م ووته‌یه‌ ( كفر دون كفر ) ڕاسته‌ ووته‌ی عه‌بدوڵڵای كوڕی عه‌باسه

وه‌سف كردن

پرسیارێكه له‌ لایه‌ن شێخ عبد العزیز بن مرزوق الطریفي ، وه‌ڵامی دراوه‌ته‌وه‌، وه‌ ناوه‌ڕۆكی پرسیاره‌كه‌‌ ئه‌مه‌یه: ئایا ڕاده‌ی صه‌حیحی ئه‌م ووته‌یه‌ی عه‌بدوڵڵای كوڕی عه‌باس ( كفر دون كفر ) تا چه‌ندێكه‌، كه‌ له‌ ته‌فسیری ئایه‌تی وَمَن لَّمْ يَحْكُم بِمَا أَنزَلَ اللّهُ فَأُوْلَئِكَ هُمُ الْكَافِرُونَ [ المائدة: 44] ووتويه‌تی ؟؟

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    ئایا ئه‌م ووته‌یه‌ ( كفر دون كفر ) ڕاسته‌ ووته‌ی عه‌بدوڵڵای كوڕی عه‌باسه

    ] kurdish – كوردی – كردي [

    شێخ عبد العزیز بن مرزوق الطریفي

    وه‌رگێڕانی: ده‌سته‌ی به‌شی زمانی كوردی له‌ ماڵپه‌ڕی ئیسلام هاوس

    پێداچونه‌وه‌ی: پشتیوان سابیر عه‌زیز

    2012 - 1433

    صحة حديث (كفر دون كفر)

    « باللغة الكردية »

    الشیخ عبد العزیز بن مرزوق الطریفي

    ترجمة: فريق قسم اللغة الكردية بموقع دار الإسلام

    مراجعة: بشتيوان صابر عزيز

    2012 - 1433

    ئایا ئه‌م ووته‌یه‌ ( كفر دون كفر ) ڕاسته‌ ووته‌ی عه‌بدوڵڵای كوڕی عه‌باسه

    پرسیار: ئایا ڕاده‌ی صه‌حیحی ئه‌م ووته‌یه‌ی عه‌بدوڵڵای كوڕی عه‌باس ( كفر دون كفر ) تا چه‌ندێكه‌، كه‌ له‌ ته‌فسیری ئایه‌تی وَمَن لَّمْ يَحْكُم بِمَا أَنزَلَ اللّهُ فَأُوْلَئِكَ هُمُ الْكَافِرُونَ[ المائدة: 44] ووتويه‌تی ؟

    وه‌ڵام: سوپاس بۆ خوای گه‌وره‌ ومیهره‌بان، وه‌ درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه‌ .

    ئه‌م ڕیوایه‌ته‌ مه‌وقوفه‌ له‌سه‌ر عه‌بدوڵڵای كوڕی عه‌باس (خوایان لێ ڕازی بێت)، و به‌م له‌فزه‌ نه‌سه‌لماوه‌ و جێگیر نه‌بووه‌ بۆی، (إبن أبي حاتم) و حاكم له‌ موسته‌دره‌كدا ته‌خریجیان كردووه‌، هه‌روه‌ها به‌یهه‌قی له‌ سوننه‌كه‌یدا، وه‌ (المروزی) له‌ باسی گه‌وره‌ی نوێژدا باسی كردوه‌، وه‌ إبن عبد البریش له‌ كتێبی ( التمهید ) دا له‌ هشام بن حجره‌وه‌ ئه‌ویش له‌ طاوسه‌وه‌ ته‌خریجی كردووه‌، كه‌ ابن عباس له‌ ته‌فسیری ئایه‌تی : وَمَن لَّمْ يَحْكُم بِمَا أَنزَلَ اللّهُ فَأُوْلَئِكَ هُمُ الْكَافِرُونَ[ المائدة : 44] ، فه‌رموویه‌تی ( كفر دون كفر ) واته‌ ئه‌و كه‌سه‌ی كه‌ حوكم به‌ غه‌یری حوكمی خوا بكات كوفری گه‌وره‌ی نه‌كردووه‌ و له‌ ئیسلام ده‌رناچێت، كاره‌كه‌ی بێباوه‌ڕیه‌ به‌ڵام مه‌رج نییه‌ خۆی بێباوه‌ڕ بێت .

    به‌ڵام ده‌بێت بزانین (هشام بن حجر) كه‌ ئه‌و ڕیوایه‌ته‌ی گێراوه‌ته‌وه‌ ئیمام ئه‌حمه‌د و یه‌حیای كوڕی موعین به‌ كه‌سێكی لاوازیان داناوه‌، سوفیانی كوڕی عویه‌ینه‌یش له‌باره‌ی (هشام بن حجر) ــه‌وه‌ ووتویه‌تی : ئێمه‌ ئه‌و ڕیوایه‌ته‌ی كه‌ لای غه‌یری (هشام بن حجر) ده‌ستمان نه‌كه‌وتبێت له‌ومان وه‌رنه‌گرتووه‌، واته‌ هه‌ر ڕیوایه‌تیك ته‌نها لای ئه‌و بووبێت لێمان وه‌رنه‌گرتووه‌ ( له‌به‌ر لاوازی ڕیوایه‌تی) .

    أبو حاتم له‌باره‌ی (هشام بن حجر) ــه‌وه‌ ده‌ڵێت : قسه‌ی ده‌نوسرێتــه‌وه‌، وه‌ ( العقیلي) یش ( هشان بن حجر) ی له‌ ڕیزی كه‌سه‌ لاوازه‌كاندا باس كردووه‌، به‌ڵام ( العجلي) و ( ابن سعد) به‌ كه‌سێكی متمانه‌ پێكراویان داناوه‌ .

    له‌ باره‌ی ده‌قه‌كه‌شیه‌وه‌ زانایان به‌جۆرێكی تری جیاواز هێناویانه‌، بۆ نموونه‌ (المروزي) له‌ باره‌ی گه‌وره‌ی قه‌دری نویژه‌وه‌ هێناویه‌تی، هه‌روه‌ها (ابن جریر) وه‌ ( عبدالرزاق ) له‌ ( المصنف ) دا له‌ ڕیوایه‌تی ( معمر ) ئه‌ویش له‌ (ابن طاوس) ــه‌وه‌، ئه‌ویش له‌ باوكیه‌وه‌ كه‌ ووتویه‌تی : پرسیار كرا له‌ عه‌بدوڵڵای كوڕی عه‌باس له‌ باره‌ی ئه‌م ئایه‌ته‌ پیرۆزه‌وه‌ كه‌ خوای گه‌وره‌ فه‌رموویه‌تی : وَمَن لَّمْ يَحْكُم بِمَا أَنزَلَ اللّهُ فَأُوْلَئِكَ هُمُ الْكَافِرُونَ [المائدة: 44] ئه‌ویش له‌وه‌ڵامدا فه‌رموویه‌تی : « هي به كفر» واته‌ ئه‌و بێباوه‌ڕ بوونه‌ به‌ خوای گه‌وره‌ ( واته‌ حوكم كردن به‌ غه‌یری ئه‌و حوكمه‌ی كه‌ خوای گه‌وره‌ ناردویه‌تیه‌ خواره‌وه‌ بێباوه‌ڕ بوونه‌ پێی ) به‌ڕاستی به‌ڕای من ئا ئه‌مه‌یه‌ صه‌حیح و دروسته‌ .

    خوای گه‌وره‌ش زاناتره‌ .

    سه‌رچاوه‌: مالپه‌ڕی فه‌رمی شێخ عبد العزیز بن مروزق الطریفي

    ڕای به‌رێزت گرنگه‌ بۆمان