ڕاده‌ی صه‌حیحی ئه‌م فه‌رمووده‌یه‌ ( وشر نسائكم المتبرجات المتخيلات وهن المنافقات )

وه‌سف كردن

پرسیارێكه له‌ لایه‌ن شێخ موحه‌مه‌د ساڵح المنجد، وه‌ڵامی دراوه‌ته‌وه‌، وه‌ ناوه‌ڕۆكی پرسیاره‌كه‌‌ ئه‌مه‌یه:" ئايا ڕاده‌ی صه‌حیحی ئه‌م فه‌رمووده‌یه‌ چۆنه‌ كه‌ پێغه‌مبه‌ری خوا ( صلی الله علیه وسلم ) فه‌رموویه‌تی: « شر نسائكم المتبرجات المتخيلات وهن المنافقات، لا يدخل الجنة منهن إلا مثل الغراب الأعصم » سنن البيهقي ؟ واتا : خراپترین ژنانتان ئه‌وانه‌ن كه‌ خۆیان رووت كردوه‌ته‌وه‌ و خۆ به‌گه‌وره‌ زانن، ئه‌وانه‌ ئافره‌تانێكی دوو ڕوون وهیچیان ناچنه‌ به‌هه‌شته‌وه‌ مه‌گه‌ر وه‌ك قه‌له‌ڕه‌شی باڵ سپی یان قاچ سپی نه‌بێت.".

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    ڕاده‌ی صه‌حیحی ئه‌م فه‌رمووده‌یه‌

    ( وشر نسائكم المتبرجات المتخيلات وهن المنافقات )

    ] kurdish – كوردی – كردي [

    شێخ موحه‌مه‌د ساڵح المنجد

    وه‌رگێڕانی: عبد السلام محمد پشده‌ری

    پێداچونه‌وه‌ی: پشتیوان سابیر عه‌زیز

    2014 - 1436

    صحة حديث ( وشر نسائكم المتبرجات المتخيلات وهن المنافقات )

    « باللغة الكردية »

    الشیخ محمد صالح المنجد

    ترجمة: عبدالسلام محمد البشدري

    مراجعة: بشتيوان صابر عزيز

    2014 - 1436

    ڕاده‌ی صه‌حیحی ئه‌م فه‌رمووده‌یه‌

    ( وشر نسائكم المتبرجات المتخيلات وهن المنافقات )

    ئـه‌م پـرسیــاره‌ ئاڕاسته‌ی ماڵپه‌ڕی ئیسلام پرسیار و وه‌ڵام كراوه‌:

    پرسیار: ئايا ڕاده‌ی صه‌حیحی ئه‌م فه‌رمووده‌یه‌ چۆنه‌ كه‌ پێغه‌مبه‌ری خوا ( صلی الله علیه وسلم ) فه‌رموویه‌تی: « شر نسائكم المتبرجات المتخيلات وهن المنافقات، لا يدخل الجنة منهن إلا مثل الغراب الأعصم » سنن البيهقي ؟ واتا : خراپترین ژنانتان ئه‌وانه‌ن كه‌ خۆیان رووت كردوه‌ته‌وه‌ و خۆ به‌گه‌وره‌ زانن، ئه‌وانه‌ ئافره‌تانێكی دوو ڕوون وهیچیان ناچنه‌ به‌هه‌شته‌وه‌ مه‌گه‌ر وه‌ك قه‌له‌ڕه‌شی باڵ سپی یان قاچ سپی نه‌بێت.

    وه‌ڵام: سوپاس وستایش بۆ خوای گه‌وره‌ ومیهره‌بان ودرود وصه‌ڵات وسه‌لام له‌سه‌ر پێشه‌وای مرۆڤایه‌تی محمدی پێغه‌مبه‌ری ئیسلام و ئال وبه‌یت و هاوه‌ڵ وشوێنكه‌وتوانی هه‌تا هه‌تایه‌ .

    يه‌كه‌م : ئیمامی به‌یهه‌قی له‌ ( السنن الكبری ) لاپه‌ڕه‌ ( 13478) به‌ سه‌ندێك ڕێوایه‌تی كردووه‌ : عن أبي أذينة الصدفي أن رسول الله صلى الله عليه وسلم قال : « خير نسائكم الودود الولود المواتية المواسية ، إذا اتقين الله ، وشر نسائكم المتبرجات المتخيلات ، وهن المنافقات، لا يدخل الجنة منهن، إلا مثل الغراب الأعصم » واتا : باشترین ئافره‌تانتان ئه‌و ئافره‌تانه‌ن كه‌ زۆر مناڵیان ده‌بێت، وخۆشه‌ویستن لای مێرده‌كانیان، هاوڕایه‌ له‌گه‌ڵ پیاوه‌كه‌یدا، ئه‌گه‌ر له‌خوای گه‌وره‌ بترسێت و گوێڕایه‌ڵی بێت، خراپترین ژنانتان ئه‌وانه‌ن كه‌ خۆیان رووت كردوه‌ته‌وه‌ و خۆ به‌گه‌وره‌ زانن، ئه‌وانه‌ ئافره‌تانێكی دوو ڕوون وهیچیان ناچنه‌ به‌هه‌شته‌وه‌ مه‌گه‌ر وه‌ك قه‌له‌ڕه‌شی باڵ سپی یان قاچ سپی نه‌بێت .

    زانیان له‌ باره‌ی ئه‌م فه‌رمووده‌یه‌وه‌ ڕایان جیاوازه‌، كۆمه‌ڵێك له‌ زانایان پێیان وایه‌ كه‌ ئه‌م فه‌رمووده‌یه‌ صه‌حیح نییه‌، له‌و زانایه‌ش ابن القطان الفاسي له‌ كتێبی ( النظر في أحكام النظر ) لاپه‌ڕه‌ ( 177 ) ئه‌م فه‌رمووده‌یه‌ به‌ فه‌رمووده‌یه‌كی صه‌حیح نازانێت، هه‌روه‌ها ئیمامی سیوطي یش پێی وایه‌ فه‌رمووده‌یه‌كی ( مرسل ) ــه‌، پێش سیوطی یش ئیمامی به‌یهه‌قی ڕای وابووه‌، به‌ڵام شێخ ناصر الدین الألباني له‌ ( صحیح الجامع الصغیر ) به‌فه‌رمووده‌ی ژماره‌ ( 3330 ) و هه‌روه‌ها له‌ كتێبی ( السلسلة الصحیحة ) دا به‌ فه‌رمووده‌ی ژماره‌ ( 1849 ) ئه‌م فه‌رمووده‌یه‌ی به‌ فه‌رمووده‌یه‌كی صه‌حیح داناوه‌ .

    دووه‌م : له‌ كتێبی ( التیسیر بشرح الجامع الصغیر ) به‌رگی (1/ لاپه‌ڕه‌ 532 ) دا هاتووه‌ : ( خیر نسائكم الولود ) واتا : باشترین ئافره‌تانتان ئه‌و ئافره‌تانه‌ن كه‌ زۆر مناڵیان ده‌بێت، ( الودود ) واتا : خۆشه‌ویستن لای مێرده‌كانیان، ( المواسیة المواتیة ) : هاوڕایه‌ له‌گه‌ڵ پیاوه‌كه‌یدا، ( إذا اتقین الله ) ئه‌گه‌ر له‌خوای گه‌وره‌ بترسێت و گوێڕایه‌ڵی بێت، ( وشر نسائكم المتبرجات ) واتا : خراپترین ژنانتان ئه‌وانه‌ن كه‌ خۆیان رووت كردوه‌ته‌وه وجوانی خۆیان بۆ كه‌سانی بێگانه‌ ده‌خه‌نه‌ ڕوو‌، (المتخيِّلات) ئه‌وانه‌ی لوت به‌رزن و خۆیان به‌گه‌وره‌ ده‌زانن، ( وَهنَّ المنافقات ) واتا : ئه‌وانه‌ وه‌ك ئافره‌تانی دوو ڕوون، ( لَا يدْخل الْجنَّة مِنْهُنَّ إِلَّا مثل الْغُرَاب الأعصم) هیچیان ناچنه‌ به‌هه‌شته‌وه‌ مه‌گه‌ر وه‌ك قه‌له‌ڕه‌شی باڵ سپی یان قاچ سپی نه‌بێت، چونكه‌ ئه‌م صیفه‌ته‌ له‌ ناو قه‌له‌ڕه‌شدا زۆر كه‌مه‌ .

    خوای گه‌وره‌ش زاناتره‌ ..

    سه‌رچاوه‌ : ماڵپه‌ڕی ئیبسلام پرسیار و وه‌ڵام

    ڕای به‌رێزت گرنگه‌ بۆمان