ئایا خۆشتن له‌ شه‌ودا خراپه‌

وه‌سف كردن

پرسیارێكه له‌ لایه‌ن شێخ موحه‌مه‌د ساڵح المنجد، وه‌ڵامی دراوه‌ته‌وه‌، وه‌ ناوه‌ڕۆكی پرسیاره‌كه‌‌ ئه‌مه‌یه: " دایكم هه‌میشه‌ پێم ده‌ڵێت خۆشتن له‌ شه‌ودا یان له‌كاتی دره‌نگانی شه‌ودا كارێكی باشه‌ نیه‌ له‌ دیندا، به‌هۆی شه‌یتان وڕشتنی ئاوی گه‌رمه‌وه‌، ئایا له‌باره‌ی ئه‌م حوكمه‌ هیچ فه‌رمووده‌یه‌ك هه‌یه‌ ؟

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

ئایا خۆشتن له‌ شه‌ودا خراپه‌

] kurdish – كوردی – كردي [

شێخ موحه‌مه‌د ساڵح المنجد

وه‌رگێڕانی: ده‌سته‌ی به‌شی زمانی كوردی له‌ ماڵپه‌ڕی ئیسلام هاوس

پێداچونه‌وه‌ی: پشتیوان سابیر عه‌زیز

2015 - 1436

هل يكره الاغتسال ليلا ؟

« باللغة الكردية »

الشیخ محمد صالح المنجد

ترجمة: فريق القسم الكردي في موقع دار الإسلام

مراجعة: بشتيوان صابر عزيز

2015 - 1436

ئایا خۆشتن له‌ شه‌ودا خراپه‌

ئـه‌م پـرسیــاره‌ ئاڕاسته‌ی ماڵپه‌ڕی ئیسلام پرسیار و وه‌ڵام كراوه‌ :

پرسیار : دایكم هه‌میشه‌ پێم ده‌ڵێت خۆشتن له‌ شه‌ودا یان له‌كاتی دره‌نگانی شه‌ودا كارێكی باشه‌ نیه‌ له‌ دیندا، به‌هۆی شةيتان وڕشتنی ئاوی گه‌رمه‌وه‌، ئایا له‌باره‌ی ئه‌م حوكمه‌ هیچ فه‌رمووده‌یه‌ك هه‌یه‌ ؟

وه‌ڵام : سوپاس وستایش بۆ خوای گه‌وره‌ ومیهره‌بان ودرود وصه‌ڵات وسه‌لام له‌سه‌ر پێشه‌وای مرۆڤایه‌تی محمدی پێغه‌مبه‌ری ئیسلام و ئال وبه‌یت و هاوه‌ڵ وشوێنكه‌وتوانی هه‌تا هه‌تایه‌ .

 یه‌كه‌م : خۆشتن و چوونه‌ گه‌رماو له‌هیچ كاتێكی شه‌و یان ڕۆژدامه‌كروه و خراپ نییه‌، له‌گه‌ڵ ئه‌وه‌دا هه‌ندێك له‌زانایان چوونه‌ گه‌رماو له‌ پێش ڕۆژئاوابوون و نێوان مه‌غریب و عیشا به‌كارێكی مه‌كروه ده‌زانن، چونكه‌ ئه‌و كاته‌ كاتی بڵاوبوونه‌وه‌ی شه‌یتانه‌كانه‌، به‌ڵام ڕاستر ودروستر ئه‌وه‌یه‌ چوونه‌ گه‌رماو له‌و دوو كاته و هیچ كاتێكی تردا هیچ خراپ ومه‌كروه نییه‌، ئه‌ویش له‌به‌ر ئه‌وه‌ی هیچ به‌ڵگه‌یه‌كی شه‌رعی نییه‌ له‌سه‌ر كه‌راهه‌ت و خراپی ئه‌و كاره‌، چونكه‌ خه‌ڵكی له‌هه‌موو كاتێكدا پێویستیان به‌ چوونه‌ حه‌مام وگه‌رماو هه‌یه‌، له‌به‌ر خۆشتن له‌كاتی له‌ش گران بوون، وغه‌یری كاتی له‌ش گران بوون .

 له‌په‌رتووكی ( مطالب أولي النهی له‌به‌رگی 1/ لاپه‌ڕه‌ 189 ) دا هاتووه‌ : ( وَلَا يُكْرَهُ دُخُولُهُ حَمَّامًا قُرْبَ غُرُوبٍ وَلَا بَعْدَهُ ، لِعَدَمِ النَّهْيِ الْخَاصِّ عَنْهُ ) واتا: چوونه‌ حه‌مام وگه‌رماوه‌ له‌ نزیك ڕۆژئاوابوون و پاش ڕۆژئاوابوونیش هیچ كه‌راهه‌ت وخراپیه‌كی نییه‌ .

 دووه‌م : ڕشتنی ئاوی گه‌رم له‌ گه‌رماو و غه‌یری گه‌رماویشدا جنۆكه‌كان تووشی ئازار و ناڕه‌حه‌تی ده‌كات، ئه‌مه‌ش شتێكی مه‌شهور وبه‌ناوبانگه‌، بۆیه‌ ده‌بێت له‌ ڕشتنی ئاوی گه‌رم خۆت بپارێزێت، وه‌ ده‌بێت مرۆڤی موسڵمانیش خۆی بپارێزێت له‌ ڕشتنی ئاوی گه‌رم له‌ گه‌رماو و غه‌یری گه‌رماودا، بۆ ئه‌وه‌ی نه‌وه‌ك نه‌زانێت وجنۆكه‌كان تووشی ناڕه‌حه‌تی وئازار بكات، كارێكی له‌م شێوه‌یه‌ش به‌ ته‌جروبه‌ و تاقیكردنه‌وه‌ زانراوه‌، به‌ڵام هێنده‌ هه‌یه‌ له‌ پێغه‌مبه‌ر‌ ( صلی الله علیه وسلم ) وهاوه‌ڵه‌ به‌رێزه‌كانیشه‌وه‌ ( خوایان لێ ڕازی بێت ) شتێكی وا نه‌زانراوه، بۆیه‌ هه‌ر موسڵمانێكیش ئه‌گه‌ر پێویستی به‌وه‌ هه‌بوو‌ له‌شه‌ودا ئاوی گه‌رم برێژێنێت ئه‌وا با ( بسم الله ) بكات له‌كاتی ڕشتنی ئاوه‌ گه‌رمه‌كه‌دا، یان پێش ئه‌وه‌ی بچێته‌ حه‌مامه‌وه‌ ..

 خوای گه‌وره‌ش زاناتره‌ .

 سه‌رچاوه‌ : ماڵپه‌ڕی ئیسلام پرسیار و وه‌ڵام .

ڕای به‌رێزت گرنگه‌ بۆمان