ယုံကြည်ချက်

အခြေခံဥပဒေသ (၃)ရပ်ဟူသည် မွတ်စ်လင်မ်တိုင်း သိနားလည်ထားရန် အရေးကြီးသည့် အခြေခံကျသည့် ဥပဒေသများဖြစ်ကြသည်။ ၎င်းတို့မှာ- ဥပဒေသ (၁) - ဖန်ဆင်းမွေးမြူတော်မူသော အရှင်အား သိရှိခြင်း။ ဥပဒေသ (၂) - အစ္စလာမ်သာသနာတော်ကို သိရှိခြင်း။ ဥပဒေသ (၃) - တမန်တော် မုဟမ္မဒ် (ﷺ) ကိုသိရှိခြင်း။

(၁) အလ္လာဟ်အရှင်မြတ် တည်ရှိတော်မူကြောင်း အီမာန်သက်ဝင်ယုံကြည်ခြင်း၊ (၂) မလာအိကဟ် ကောင်းကင်တမန်များကို အီမာန်သက်ဝင်ယုံကြည်ခြင်း၊ (၃) အရှင်မြတ်ချပေးခဲ့သည် ကျမ်းဂန်များကို အီမာန်သက်ဝင်ယုံကြည်ခြင်း၊ (၄) ရစူလ်တမန်တော်များကို အီမာန်သက်ဝင်ယုံကြည်ခြင်း၊ (၅) နောင်တမလွန်ဘဝတွင် ပြန်လည် ရှင်ပြန်ထရမည်ကို အီမာန်သက်ဝင်ယုံကြည်ခြင်း၊ (၆) ‘သက္ကဒီးရ်’အကောင်းအဆိုး သတ်မှတ်ချက်အား အီမာန်သက်ဝင်ယုံကြည်ခြင်း။

ဤသည် အဟ်လွတ်စ် စွန္နဟ် ဝလ်ဂျမာအဟ် ၏အကီီဒဟ်ယုံကြည်ချက်များကို ပို့ချထားသော သင်ခန်းစာဖြစ်သည်။ မြန်မာမွတ်စ်လင်မ်အများစုသည် မာသုရီဒိယဟ် အကီဒဟ်ကို ယုံကြည် လက်ခံနေကြသည့်အတွက် အဟ်လွတ်စ် စွန္နဟ် ဝလ်ဂျမာအဟ် ၏အကီဒဟ်ကို နားလည်ယုံကြည်ရန် အလွန်အရေးကြီးပါသည်။