• اردو

    خطباتِ حرم : اسلام میں جمعہ کے دن کی بڑی اہمیت وفضیلت ہے،اللہ تعالیٰ نے قرآن مجید میں سورۃ الجمعہ نام کی ایک مستقل سورت نازل فرمائی ہے جس کی آخری تین آیات خاص کرجمعہ سے متعلق ہیں،اورحدیث میں اسے ہفتہ کی عید کا دن قرار دیا گیا ہے،اورامام ابن القیمؒ نے اپنی کتا ب (زادالمعاد) میں جمعہ کے خصائص وفضائل کے ضمن میں خطبہ جمعہ کو خصوصی طورسے ذکرکیا ہے کیونکہ اس میں اللہ کی حمدوثنا بیان کی جاتی ہے، اللہ کی وحدانیت اور اس کے رسول صلی اللہ علیہ وسلم کی رسالت کی گواہی دی جاتی ہے، بندوں کو اللہ کے احسانات وانعامات یاد دلائے جاتے ہیں، اوراس کے عذاب وعقاب پر متنبہ کیا جاتا ہے۔اوریہی خطبئہ جمعہ کا اصل مقصد ہے۔اوریہ بات اپنی جگہ مسلّم ہے کہ نمازجمعہ کے لئے خطبہ شرط ہے جس کے بغیرجمعہ کی نماز درست نہیں،لیکن خطیب کی شخصیت اورمنبرکے شرف وفضیلت کے اعتبارسے خطبہ کی اہمیت بھی بڑھ جاتی ہے،خطیب اورمنبرکی شان وشوکت جتنی ہی زیادہ ہوگی اس کے خطبات کواتنی ہی اہمیت حاصل ہوگی۔ اورخانہ کعبہ دنیا کے تمام مسلمانوں کا قبلہ ہے اوراللہ کے فضل وکرم سے اس کے ائمہ وخطباء ہرلحاظ سے اپنے اندرایک امتیازی شان رکھتے ہیں،ان ائمہ وخطباء میں اللہ تعالیٰ نے امام حرم شیخ محمد بن عبد اللہ السبیل رحمۃ اللہ علیہ کو بڑا مقام ومرتبہ عطا کیا ،آپ مسجد حرام مکہ مکرمہ کے امام وخطیب ہونے کے ساتھ حرمین شریفین کے امورکے سربراہ بھی رہے،آپ کی شخصیت پوری دنیائے اسلام میں معروف ومسلّم ہے اور آپ کے مؤثّروگرانقدر خطبات کو بڑی مقبولیت حاصل ہے،،ذلک فضل اللہ یؤتیہ من یشاء۔ زیرنظرکتاب انہی امام موصوفؒ کے خُطبات کے پہلے مطبوع مجموعہ’’من منبرالمسجد الحرام‘‘ کا اردوترجمہ ہے،جسے مشہورعالمِ دین ابوالمکرم عبد الجلیلؒ نے سلیس وشستہ اردو قالب میں ڈھالا ہے۔ یہ خطبات امام موصوفؒ کی ہمہ گیرعلمی شخصیت کے اعتبارسے بھی بڑے گرانقدر ہیں اور اس اعتبار سے بھی بڑی اہمیت کے حامل ہیں کہ امام موصوفؒ نے یہ خطبے خانہ کعبہ کے منبرسے ارشاد فرمائے ہیں۔ مراجعہ وتقدیم:مولاناصفی الرحمن مبارکپوریؒ ۔ ناشر: ادارۃ البحوث الاسلامیۃ،جامعہ سلفیہ،بنارس۔ہند

  • اردو

    تاریخ مدینہ منوّرہ: یہ کتاب مدینہ منوّرہ کے مختلف پہلؤوں سے بحث کرتی ہے اور ان خاص خاص تاریخی واقعات کا ذکر کرتی ہے جن کا مدینہ منوّرہ کی بنیاد وتعمیر، اس کے تقدّس اور دینی مقام ومرتبہ سے براہ راست تعلّق ہے۔ ۔کتاب میں ان مقامات پر بھی روشنی ڈالی گئی ہے جن کا ذکر مدینہ منوّرہ کے ساتھ لازم ملزوم ہے، جیسے مسجد نبوی شریف، مسجد قبا،جبل اُحد، اور بقیع الغرقد وغیرہ۔ ۔مسجد نبوی کے تفصیلی ذکر کے لئے الگ عنوان قائم کیا گیا ہے جس میں تاریخ کے مختلف ادوار میں مسجد نبوی میں ہونے والی توسیع اور تزئین وآرائش کا تذکرہ ہے۔ ۔کتاب میں قابل اعتماد اور اصل مصادر سے ماخوز متعدّد تصاویر شامل کی گئی ہیں جو موضوع کے مختلف پہلؤوں کو اُجاگر کرتی ہے۔ ۔۔کتاب کے آخر میں زائرین کی رہنمائی کے لئے مسجد نبوی اور دیگر مقدّس مقامات کی زیارت کے آداب اختصار کے ساتھ بیان کئے گئے ہیں۔ دوران تالیف اس بات کا خیال رکھا گیا ہے کہ صرف مستند واقعات، معتبر روایات اور صحیح احادیث ہی کتاب میں شامل کی جائیں۔ مدینہ منوّرہ کی تاریخ اور اس کے احوال کے موضوع پر یہ کتاب ایک اسلامی لائبریری کی حقیقی ضرورت ہے جو عام قارئین اور محقیقین کے لئے یکساں مفید ہے۔ (اعداد کردہ شعبہ تحقیق وتالیف دارالسلام ، ریاض ، نظرثانی: مولانا صفی الرحمن مبارکپوری رحمۃ اللہ علیہ)

  • اردو

    تاریخ مکّہ مُکرّمہ : یہ کتاب مکہ مکرّمہ اور بیت اللہ شریف کے مختلف پہلؤوں سے بحث کرتی ہے اور ان خاص تاریخی واقعات کا ذکر کرتی ہے جن کا بیت اللہ شریف کی بنیاد وتعمیر،اس کے تقدّس اور دینی مقام ومرتبہ سے براہ راست تعلّق ہے۔ کتاب میں ان مقامات پر بھی روشنی ڈالی گئی ہے جن کا ذکر مکہ مکرّمہ کے ذکر کے ساتھ لازم ملزوم ہے، جیسے حجر اسود،چاہ زمزم، منی اور عرفات وغیرہ۔ خانہ کعبہ اور مسجدحرام کے لئے الگ عنوان قائم کیا گیا ہے جس میں تاریخ کے مختلف ادوار میں مسجد حرام میں ہونے والی توسیع اور تزئین وآرائش کا تذکرہ ہے۔ کتاب کےآخری حصّہ میں حجاج بیت اللہ الحرام اور معتمرین کی رہنمائی کے لئے مناسک حج اور عمرہ کی ادائیگی کا مکمل طریق کار اور مختصراحکام ذکر کئے گئے ہیں۔ دوران تالیف اس بات کا خیال رکھا گیا ہے کہ صرف مستند واقعات، روایات اور صحیح احادیث ہی کتاب میں شامل کی جائیں۔مکہ مکرّمہ کی تاریخ اور اس کے احوال کے موضوع پر یہ کتاب ایک اسلامی لائبریری کی حقیقی ضرورت ہے جو عام قارئین اور محقیقین کے لئے یکساں مفید ہے۔ (اعداد کردہ شعبہ تحقیق وتالیف دارالسلام، نظرثانی: مولانا صفی الرحمن مبارکپوری رحمۃ اللہ علیہ)

  • اردو

    نماز کے مسائل: نماز دین اسلام کا اساسی اور بنیادی رکن ہے، اس کی اہمیت کا اندازہ اس سے کیجیے کہ سفر و حضر، حالت جنگ یا حالت امن میں بھی اس کی فرضیت برقرار رہتی ہے۔ پانچوں نمازوں کی ادائیگی جہاں از بس ضروری ہے وہیں نماز پڑھتے وقت اسوہ رسول کو سامنے رکھنا بھی نماز کی قبولیت کی اولین شرط ہے۔ نماز کی فضیلت و اہمیت اور اس کے مسائل پر اب تک مختلف انداز سے بہت سی کتب لکھی جا چکی ہیں زیر تبصرہ کتاب بھی نماز ہی کے موضوع پر ترتیب دی گئی ہے۔ جس میں محترم اقبال کیلانی صاحب نے نصوص کی مدد سے جہاں نماز کی اہمیت اجاگر کی ہے وہیں طہارت، وضو، اذان، جماعت اور مقتدی کے مسائل اپنے مخصوص انداز میں رقم کیے ہیں۔ اس کے علاوہ نماز تہجد، جمعہ، عیدین، خوف، کسوف اور چاشت کے مسائل بھی کتاب کا حصہ ہیں۔ مصنف نے اپنی طرف سے کوشش کی ہے کہ کتاب میں کوئی بھی ضعیف حدیث جگہ نہ پائے۔(ع۔م)

  • اردو

    تجلّیاتِ نبوّت :(سیرتِ طیّبہ کی روشن روشن کرنوں سے منوّراسوہ حسنہ کا خوبصورت تذکرہ ) زیرنظرکتاب ‘‘ روضة الأنوار في سيرة النبي المختار’’ کا اردوترجمہ ہے جسے سیرت نگاری میں عالمی ایوارڈ یافتہ مصنّف۔ شیخ صفی الرحمن مبارکپوری رحمہ اللہ۔ نے بعض اخوان کے مطالبہ پرعربی زبان میں تالیف فرمائی۔ کتاب کی اہمیت کے پیش نظر سعودی عرب کے بہت سارے تعلیمی اداروں نے نصاب میں شامل کیا۔ پھر آپ نے ہی اردو زبان کے دینی مدارس، اسکولوں کے طلبا اور عامۃ المسلین کے لیے اس کو‘‘ تجلیات نبوت’’ کے نام سے اردو میں منتقل کیا۔ اس کتاب میں آپ نےسیرت کے تمام تر وقائع کو ایک ایسی نئی ترتیب اور تازہ اسلوب کے ساتھ پیش کیا ہے کہ اس کے مطالعہ سے دل و دماغ پر ایک پاکیزہ نقش قائم ہوتا ہے۔ کتاب میں دعوت اسلامی کے تمام مراحل اور اس کی پیش آمدہ دشواریوں کا تذکرہ موجود ہے۔ تکالیف اور مصائب کے طوفانوں میں وحی الٰہی کس طرح سے نصرت الٰہی کے راستے پیدا کرتی ہے اس کا ایمان افروز بیان ملتا ہے۔ واقعات سیرت کی صحت میں مصنف نے مستند ماخذوں تک رسائی حاصل کی ہے اور اس تلاش و جستجو کا یہ نتیجہ ہے کہ ان کے ہاں اصول دین سے متصادم کوئی واقعہ نہیں ملتا۔ زبانِ اردو میں سیرت کی پہلی مختصراورجامع کتاب ہےـ

  • اردو

    احكام ومسائل پر مشتمل مختصر اور آسان ترین کتابوں میں سے سب سے جامع اگر ’بلوغ المرام‘ کو قرار دیا جائے تو بے جا نہ ہوگا جس کے مؤلف بلند پایہ امام حافظ ابن حجر عسقلانی ہیں۔ بلوغ المرام کو جہاں مدارس دینیہ کے ابتدائی طلباء کے لیے بطور نصاب مقرر کیا گیا وہیں عوام میں بھی اسے بہت پذیرائی سے نوازا گیا۔ کتاب کی افادیت کو دیکھتے ہوئے عالم اسلام کی ممتاز شخصیت مولانا صفی الرحمن مبارکپوری نے اس کی عربی میں مختصر سی شرح بھی کی۔ زیر نظر کتاب اسی کتاب کا اردو ترجمہ ہے جس کے مطالعے سے آپ کو نماز، روزہ، حج ، اور زکوۃ سے لے کر نکاح وجہاد تک رسول اکرم صلی اللہ علیہ وسلم کی صورت میں قرآن کریم کی عملی تفسیر دیکھنے کو ملے گی۔

  • اردو

    نبی صلى اللہ علیہ وسلم کے امت پرمتعدد حقوق ہیں ان میں سے سب سے اہم یہ ہے: 1-آپ پرایمان لانا 2- آپ کی تعظیم وتوقیر کرنا 3- آپ پراتاری گئی باتوں کی پیروی کرنا 4- آپ سے محبت کرنا 5- آپ پر درود وسلام بھیجنا 6- آپ کی شان میں غلو تفریط سے بچنا وغیرہ شریط مذکورمیں انہیں باتوں کا تفصیلى بیان موجود ہے نہایت ہی اہم بیان ہے ضرور سنیں.

  • اردو
    video-shot

    دين اسلام میں حدیث کی کیا اہمیت ہے؟ حدیث کو قلمبند کرنے میں کیا کیا پریشانیان اٹھانی پڑیں.حدیث کی حجیت کے منکرین کون ہیں؟ ان کے مزعومہ شبہات کیا ہیں؟ کتب ستہ کسے کہتے ہیں ؟ کیا ان پرصحاح ستہ کا اطلاق کرنا صحیح ہے؟ ان سب کے بارے میں تفصیلی جانکاری حاصل کریں شریط مذکور میں.

  • اردو

    زیرنظر شریط میں یہ احساس دلایا گیا ہے کہ ہم سال کے اختتام پراپنے اعمال کا جائزہ لیں, اگرہم نے اسے رب کی اطاعت وفرمانبرداری میں گزارا هے تواس پراللہ کا شکر اداکریں , اورمزید نیک عمل کا جذبہ پیدا کریں , اگر ہمار ا سال رب کی معصیت ونافرمانی میں گزرا ہے توگناہوں پر ندامت کرکے اللہ سے توبہ مانگیں ,اورنئے ہجری سال کا استقبال رب کی اطاعت وفرمانبرداری سےٍ کریں ,اوررب کے نافرمانوں کے برے انجام کو یاد کرکے عبرت حاصل کریں, اور یوم عاشوراء کے دن نبی صلى اللہ علیہ وسلم کی اقتداء میں بطور خوشی روزہ رکھیں نہ کہ اسے حسین رضی اللہ عنہ کی شہادت سے مربوط کرکے غم وماتم ,سینہ کوبی اورصحابہ کرام پرلعن وطعن کا دن بنائیں.

  • اردو

    دین حنیف کیا ہے ؟ اسکی اساسی تعلیمات کیا ہیں؟ اس سے انحرافات کے کیا نتائج ہیں؟ ان سب کے بارے میں تفصیلی معلومات حاصل کریں كیسٹ مذکور میں.

  • اردو

    حج اسلام كا ايك اهم ركن هے جومسلمان صاحب استطاعت شخص پرزندگی میں ایک بارفرض ہے اورحج مبرورکابدلہ صرف جنت ہے مگرموجودہ دورمیں اکثرلوگوں کا حج سنت نبوی صلى اللہ علیہ وسلم كے طریقے سے بالکل مخالف ہوتا ہے اسی لئے سی ڈی مذکور میں حج وعمرہ کرنے والوں کوخاص تنبیہ کی گئی ہے اورآخرمیں حج وعمرہ سے متعلق نہایت ہی اہم سوال وجواب کوشامل کردیا گیا ہے.

  • اردو

    زیر نظر کتاب علامہ رحمت اللہ بن خلیل الرحمن کیرانوی ہندی کی مایہ ناز تالیف " اظہارالحق " کا جامع اختصارہے جسے " مختصراظہارالحق " کے نام سے جامعة الملك سعود, ریاض سعودی عرب کے استارڈاکٹر محمد عبدالقادر ملکاوی نے مرتب کیا ہے اور اسکو اردو قالب میں عالم اسلام کے مایہ نازمصنف شیخ صفی الرحمن مبارکپوری رحمہ اللہ نے ڈھالا ہے اس کتاب میں عیسائیت کی حقیقت , اھل تثلییث کی طرف سے بائبل میں مختلف ادوارمیں کئے گئےتحریف وتغیرکا بیان اورعیسائی مشنریوں کے ذریعہ اسلام کے خلاف پھیلائے جانے والے باطل شکوک وشبہات وریشہ دوانیوں کا مکمل رد پیش کیا گیا ہے نہایت ہی مفید واپنے موضوع پرجامع ونادرکتاب ہے ضرورمطالعہ کریں.

  • اردو

    نبی صلى اللہ علیہ وسلم کا فرمان ہے کہ " روئے زمین پرکوئی گھر ایسا نہیں باقی بچے گا جہاں اسلام نہ پہنچے گا عزت والے کی عزت کے ساتھ اورذلت والےکی ذلت کےسا تھ. کیسٹ مذکورمیں تاریخ اسلام کے متعلق نہایت ہی اہم گفتگوکی گئی ہے ضرورسنيں.

  • اردو

    اسلام کا مالیاتی نظام كيا ہے؟ تجارت ،صنعت وحرفت ، زراعت اوراجرت ومزدوری کی اسلا م کی نظرمیں کیا اہمیت ہے؟اسلام میں کمائی کے حلال طریقے کیا کیا ہیں ؟اسلام میں رشوت، سود خوری،چوری وڈکیٹی، زنا ورنڈی بازی ،جھوٹ ومکاری فریب ودھوکہ دھڑی ’قسمت کا حال وغیرہ بتاکرمال کمانے کا کیا حکم ہے ؟زیرنظرکیسٹ میں انہیں چیزوں کے متعلق تفصيلی روشنی ڈال کریہ واضح کیا گیا ہے کہ موجودہ دورمیں پوری دنیا خاص کریوروپی ومغربی ممالک جس مالی واقتصادی بحران کا شكارهیں اس سے نکلنے کا واحد حل اسلام کے مالیاتی نظام کونافذکرنا ہے. نہایت ہی مفید بیان ہے ضرورسنیں.

  • اردو

    حج سے بہت ساری دینی ,دنیوی , اخروی,واجتماعى منفعتیں حاصل ہوتی ہیں.توحید ،اتباع سنت,اتحاد ویکجہتی ،نظم وضبط،اورآ خرت کی یادان میں سب سے اہم ہے .مگربہت سارے حاجی حج کے بعد بھی شرک وبدعت ،اندھی تقلید ،مذھبی تعصّب ا ورمعصیت الہى میں مبتلاہوجاتے ہیں زیرنظر سی ڈی میں انہیں باتوں کی طرف اشارہ کیاگیاہے ضرورسنیں اوراستفادہ حاصل کریں.

  • اردو

    زیر نظر کیسٹ میں رمضان کے بابرکت اوررحمت ومغفرت مہینہ کے استقبال کے بارے میں قرآن وسنت کے ارشادات بیان کئے گئے ہیں.

  • اردو

    حجيّت حديث : زیرنظرکتا ب میں یہ ثابت کیا گیا ہے کہ حدیث شریعت اسلامیہ کی دوسری مصدرہے اورحجت کے اعتبارسے قرآن کے ہم مثل ہے اورقرآں کے مجملات کی تشریح وتفسیرکرنے والی ہے نیز منکرین حدیث کے بعض شہبات کا جائزہ لے کرانکا شرعی پوسٹ مارٹم کیا گیا ہے.

  • اردو

    الرحیق المختوم : نبي كريم صلى الله عليہ وسلم کی سیرت طیبہ پر ایک جامع اور بہترین کتاب ہے جسے رابطہ عالم اسلامی مکہ مکرمہ کے زیر اہتمام منعقد سیرت نگارى کے عالمی مقابلہ میں اول نمبر پر آنے کا اعزاز حاصل ہے.

  • اردو

    راجعه الشيخ صفي الرحمن المباركفوري, وزكاه أبناء الشيخ فضل إلهي ظهير.

  • اردو

    عورت کےلیے پردہ اسلامی شریعت کا ایک واضح حکم ہے اور اس کامقصد بھی بالکل واضح ہے اسلام نے مسلمان عورت کا پردہ اور لباس: انسانی فطر ت کےعین مطابق یہ فیصلہ کیاہے کہ عورت اور مرد کے تعلقات پاکیزگی وصفائی اور ذمہ داری کی بنیادوں پراستوار ہوں اور اس میں کہیں کوئی خلل نہ آنے پائے، اسی بناء پر ان تمام اسباب ومحرکات پر مکمل قدغن لگائی ہے جوغلطی کا بیش خیمہ ہیں انہی میں سے ایک چہرے کاپردہ بھی ہے کہ اسی سے فتنے جنم لیتے ہیں زیرنظر کتاب شیخ الاسلام امام ابن تیمیہ رحمہ اللہ کے افادات پرمشتمل ہے جس میں یہ بتایاگیا ہے کہ نماز میں عورت کالباس کیسا ہونا چاہیے ضمناً اس میں یہ بھی واضح کیا گیا ہے کہ نماز اور غیرنماز میں عورت کے پردے میں کیا فرق ہے انتہائی علمی اور لائق مطالعہ کتاب ہے (ش۔ر)

فیڈ بیک