Абдуллоҳ Бухорий - Аудиолар

Ушбу дарсда қуйидаги нуқталар баён қилинади • Расулуллоҳ соллаллоҳу алайҳи ва саллам Усмон розияллоҳу анҳуга халифалик вазифаси юкланиши ва анашу вазифани маҳкам ушлашликлари лозимлигини хабар беришлари; • Усмон розияллоҳу анҳу шаҳид ва жаннатий бўлишларини башорат қилган баъзи ҳадиси шарифлар зикри; • Усмон розияллоҳу анҳу бажарган буюк тоат-ибодатлари ва хайри-эҳсонлари ҳақидаги баъзи ривоятлар; • Усмон розияллоҳу анҳу дунё лаззатларидан юз ўгирган, камбағаллар билан бирга ўтирадиган зоҳид инсон бўлганликлари зикри.

Ушбу дарсда қуйидаги нуқталар баён қилинади • Абу бакр ва Умардан кейинги энг буюк саҳобий ва буюк авлиё Усмон бин Аффон (розияллоҳу анҳум); • Усмон бин Аффон розияллоҳу анҳунинг исму насаблари, аҳли-оила ва авлодлари; • Усмон бин Аффон розияллоҳу анҳу 3 та буюк ҳижратларда иштирок этганликлари; • Усмон бин Аффон розияллоҳу анҳу “Зун-Нурайн” деб лақабланишлари; • Усмон бин Аффон розияллоҳу анҳудан Малоикалар ҳам ҳаё қилиб туришлари; • Усмон бин Аффон розияллоҳу анҳунинг Бадр, Уҳуд ва Байъатур-Ризвон машоҳидларидаги узрлари; • Усмон бин Аффон розияллоҳу анҳунинг фазилатларидан баъзилари.

Ушбу дарсда қуйидаги нуқталар баён қилинади • Умар розияллоҳу анҳунинг шаҳид бўлишлари қиссасининг давоми; • Умар розияллоҳу анҳу у кишига суиқасд уюштирган кимса ғайри мусулмонлигини билганларида Аллоҳга ҳамд айтишлари; • Умар розияллоҳу анҳу ўлим тўшагида ётган ҳолларида ҳам амру маъруф ва наҳий мункарни тарк этмаганликлари; • Умар розияллоҳу анҳу Оиша онамиздан Пайғамбаримиз ва Абу бакр ёнларига дафн қилинишга вафотларидан кейин ҳам рухсат сўрашлари; • Умар розияллоҳу анҳу ҳақларида айтилган сўзлардан яна баъзилари; • Умар розияллоҳу анҳу Жаннатга ҳисоб-китобсиз тўғри кирувчилар қаторида бўлишлари; • Умар розияллоҳу анҳу 24-ҳижрий сананинг, 1-ойи, 1-куни 63 ёшларида жон таслим қилишлари; • Умар розияллоҳу анҳунинг жанозалари кўтарилганда Али розияллоҳу анҳу айтган сўзлари.

Ушбу дарсда қуйидаги нуқталар баён қилинади • Умар розияллоҳу анҳунинг зоҳидликлари (ва зуҳднинг таърифи); • Умар розияллоҳу анҳу Пайғамбаримиз соллаллоҳу алайҳи ва салламни ва Абу бакр розияллоҳу анҳуни қаттиқ соғиниб, анашу зотларнинг барча ҳолатларини ўзларида мужассам қилишга ҳаракат қилишлари; • Умар розияллоҳу анҳунинг Аллоҳдан қўрқишлари ва йиғлашлари; • Умар розияллоҳу анҳунинг камтарликлари; • Умар розияллоҳу анҳу кечаларини таҳажжуд намозлари билан ўтказишлари; • Умар розияллоҳу анҳунинг буюк мавъизаларидан (панду насиҳатларидан) намуналар ва изоҳлар; • Умар розияллоҳу анҳунинг шаҳид бўлишлари қиссасининг биринчи қисми

Ушбу дарсда қуйидаги нуқталар баён қилинади • Умар розияллоҳу анҳунинг сифатлари; • Умар розияллоҳу анҳунинг аёллари ва фарзандлари; • Умар розияллоҳу анҳунинг раъйларини қўллаб нозил бўлган ояти карималар; • Абу бакр, Умар ва бошқа саҳобий киромлар розияллоҳу анҳумнинг сийратлари адашган тоифаларга, хусусан ўзларини “шийъа” деб атайдиган “Рофизийлар” тоифасига қарши энг катта раддия эканлигига ишора.

Ушбу дарсда қуйидаги нуқталар баён қилинади • Умар бин Хаттоб розияллоҳу анҳу Исломни қабул қилишлари; • Умар бин Хаттоб Исломга кирганликларини эълон қилишлари; • Умар бин Хаттоб розияллоҳу анҳунинг Исломга киришлари таъсири ҳақида айтилган сўзлар; • Пайғамбаримиз соллаллоҳу алайҳи ва саллам Умар бин Хаттоб розияллоҳу анҳуни “Ал-Форуқ” деб аташлари ва унинг сабаби; • Мусулмонлар Умар ва Ҳамза розияллоҳу анҳум бошчиликларида Каъбатуллоҳ олдига бориб Ҳақ динни эълон қилиб намойиш ўтказишлари

Ушбу дарсда қуйидаги нуқталар баён қилинади • Умар бин Хаттоб розияллоҳу анҳунинг исм ва насаблари; • Умар бин Хаттоб розияллоҳу анҳунинг жоҳилиятдаги ҳаётларидан бир лавҳа; • Умар бин Хаттоб розияллоҳу анҳу Исломга киришдан олдин унга қаттиқ душманлик қилишлари; • Расулуллоҳ соллаллоҳу алайҳи ва саллам Умар бин Хаттоб розияллоҳу анҳунинг Исломга киришини Аллоҳга дуо қилиб сўрашлари; • Умар бин Хаттоб розияллоҳу анҳу Исломга киришларига сабаб бўлган воқеа.

Ушбу дарсда қуйидаги нуқталар баён қилинади • Абу Бакр розияллоҳу анҳунинг Умар розияллоҳу анҳуга қилган васиятлари давоми; • Халифадан қолган мерос; • Умар розияллоҳу анҳу Абу бакр розияллоҳу анҳудек бўлолмасликларини ўйлаб йиғлашлари; • Абу бакр розияллоҳу анҳунинг Оиша онамиз розияллоҳу анҳога қилган васиятлари; • Абу бакр розияллоҳу анҳунинг баъзи кароматлари; • Абу бакр розияллоҳу анҳу 13-ҳижрий сана, 22- жумодул-охира, душанба куни шом намозидан сўнг вафот қилишлари ҳикояси.

Ушбу дарсда қуйидаги нуқталар баён қилинади • Абу бакр розияллоҳу анҳу касал бўлиб ўлим тўшагида ётишлари ва мусулмонлар у кишини зиёрат қилишганда айтган сўзлари; • Абу бакр розияллоҳу анҳунинг вафотларига сабаб бўлган воқеалар; • Абу бакр розияллоҳу анҳу Умар розияллоҳу анҳуни ўзларидан кейинги халифа этиб таъйин қилишлари ва мўминлар бунга розилик беришлари; • Абу бакр розияллоҳу анҳунинг Умар розияллоҳу анҳуга қилган васиятлари.

Ушбу дарсда қуйидаги нуқталар баён қилинади • Абу бакр розияллоҳунинг Маккага сафарлари ва оталари Абу қуҳофани зиёрат қилишлари; • Абу бакр розияллоҳу анҳу Расулуллоҳни соғиниб кўп йиғлашлари; • Абу бакр розияллоҳунинг хутбаларидан лавҳалар.

Ушбу дарсда қуйидаги нуқталар баён қилинади • Биринчи Халифа (раҳбар)ни танлаш маросими қандай кечган эди? • Халифани нима учун Қурайш қабиласидан танлаш лозим бўлган? • Саҳобий киромларнинг раҳбарликдан тақво қилишлари; • Саҳобий киромлар Абу бакрнинг қадрига етишлари; • Дин ишларида пешқадам бўлган инсон дунё ишларида ҳам шундай бўлиши лозимлиги; • Абу бакр халифа этиб сайланганларидан сўнг халифалик мансабига лойиқ ҳақ – ойлик ажратиш қиссаси; • Мансаби кўтарилган инсон Абу бакрдан ибрат олсин, оддий инсон эканлигини унутмасин!

Шайх ушбу дарсда қуйидаги нуқталарга тўхталиб ўтадилар: • Абу бакр розияллоҳу анҳу Усома бин Зайд лашкарини юборишда собит қадам туришлари ва унинг ҳикматлари; • Абу бакр розияллоҳу анҳу муртадларга қарши жиҳод бошлашлари; • Али розияллоҳу анҳунинг Абу бакр ҳақларида айтган баъзи сўзлари; • Тобеъийнлардан баъзилари Абу бакр ҳақларида айтган сўзлари; • Абу бакр розияллоҳу анҳунинг тақволари ва камтарликлари ҳақида баъзи ривоятлар; • Саҳобалар Жаннатга башорат берилган бўлсалар ҳам мағрурланиб кетмасликлари, балки мунофиқ бўлиб дўзахга кетиб қолишдан қўрқиб туришлари; • Пайғамбаримиз соллаллоҳу алайҳи ва саллам Абу бакр ва бошқа саҳобаларни Аллоҳдан бошқа ҳеч кимдан нарса сўрамасликка ўргатганликлари; • Имом Абу Ҳанифа раҳимаҳуллоҳнинг Сийрати набавийя ва саҳобалар ҳаётини бошқа илмий фанлардан кўра кўпроқ яхши кўришлари; • Пайғамбаримиз соллаллоҳу алайҳи ва саллам ва бошқа буюк авлиёлар ҳаётларини ўрганишимиздан кўзлаган мақсадимизни яна бир бор таъкидлаб ўтамиз

• Расулуллоҳ соллаллоҳу алайҳи ва саллам ўлим тўшагида ётган кунлари яна Абу Бакр розиёллоҳу анҳуни имомликка қайта таъкидлашлари • Абу бакр имом бўлиб турган пайтлари Пайғамбаримиз келиб Абу бакрнинг чап тарафида ўтириб намоз ўқишлари, Абу бакр Пайғамбаримизга, орқадаги саҳобалар эса Абу бакрга иқтидо қилиб ўқишлари; • Саҳобаи киромлар шунга ўхшаш қиссалардан Абу бакр Расулуллоҳнинг ҳалифаси бўлиши лозим эканини тушуниб етишлари; • Пайғамбаримиз Абу бакрнинг хайри эҳсонларини улуғлаб айтган сўзлари; • Жибрил алайҳиссалом Пайғамбаримиз орқали Абу бакрга Аллоҳнинг саломини етказишлари; • “Келаси йил сизни тополмасам кимга мурожаат қилай?” деган аёлга Пайғамбаримиз “Абу бакрга мурожаат қилгин” дейишлари; • Умар бин Хаттоб Абу бакрнинг пешоналарини ўпиб ҳурмат қилишлари; • Усома бин Зайд ғазотидан лавҳалар ва ҳикматлар.

• Абу бакр ва Умар розияллоҳу анҳумо бир-бирлари билан хафалашиб қолишганда Расулуллоҳ соллаллоҳу алайҳи васаллам айтган сўзлари; • “Ҳунайн” ғазотидан бир лавҳа; • Расулуллоҳ соллаллоҳу алайҳи ва саллам Абу бакр розияллоҳу анҳуни имомликка таъйинлаб кетишлари.

• Абу бакр розияллоҳу анҳу фазилатларидан яна баъзилари; • Абу бакр розияллоҳу анҳунинг қўлларида Исломга кирган саҳобий киромлардан бешталари ҳаётлари чоғидаёқ жаннатга башорат берилган саҳобийлардан бўлишганлиги; • “Хуллаҳ” – Ҳалиллик даражаси муҳаббат даражаларининг энг олийси ва бу мақомга фақатгина Иброҳим ва Муҳаммад алайҳимассолату вассаламгина етишганлиги

Абу бакр Ас-Сиддиқ розияллоҳу анҳу сийратлари: 1. Пайғамбарлардан кейинги даражада турадиган энг буюк авлиё Абу бакр Ас-Сиддиқ Ал-Атийқ Абдуллоҳ бин Аби қуҳофа Усмон розияллоҳу анҳумо; 2. Абу бакр розияллоҳу анҳунинг исму насаблари, аҳли-оила ва авлодлари; 3. Абу бакр розияллоҳу анҳу фазилатларидан баъзилари; 4. Абу бакр розияллоҳу анҳунинг машҳур амалларидан баъзилари.

Расулуллоҳ соллаллоҳу алайҳи ва саллам сийратларининг давоми: 1. Пайғамбаримиз соллаллоҳу алайҳи ва саллам вафотларидан сўнг бир оз муддат асҳоби киромлар розияллоҳу анҳум тушкунликка тушиб қолишлари; 2. Абу бакр Сиддиқ розияллоҳу анҳу энг оғир мусибат лаҳзаларида ҳам собитқадам туришлари; 3. Саҳобий киромларнинг барчалари Абу бакрнинг буюк илм-ҳикмат ва сабот соҳиби бўлганликлари учун у кишига қулоқ тутиб туришлари; 4. Абу бакр розияллоҳу анҳу Пайғамбаримизнинг вафот қилишларини Қуръони карим билан исбот қилишлари; 5. Абу бакр илк хубталарида “Кимки Муҳаммадга ибодат қилиб юрган бўлса Муҳаммад (соллаллоҳу алайҳи ва саллам) вафот қилди, кимки Ягона Аллоҳга ибодат қилаётган бўлса Аллоҳ таоло шак-шубҳасиз ҳеч қачон вафот қилмайдиган Зот” деб саҳобаларга Тавҳид ақидасини эслатишлари; 6. Аҳли байт ва саҳобий киромлар Пайғамбаримиз соллаллоҳу алайҳи ва салламни ғусл қилдириб, кафанлаб, у зотга қабр ковлашлари; 7. Пайғамбаримиз соллаллоҳу алайҳи ва салламни дафн қилиш ҳақидаги баъзи ривоятлар; 8. Фотима онамиз розияллоҳу анҳа буюк Оталари Пайғамбаримиз соллаллоҳу алайҳи ва саллам ҳақида шеър ёзиб таъзияларини изҳор этишлари; 9. Пайғамбаримиз соллаллоҳу алайҳи ва салламга салавот айтишнинг фазилатлари ҳақида ривоят қилинган баъзи ҳадиси шарифлар; 10. Пайғамбаримиз соллаллоҳу алайҳи ва салламнинг ҳақиқий умматлари бўлишимиз учун, у зотнинг ҳақ ҳуқуқларини ҳимоя қила олишимиз учун нималар қилишимиз кераклиги баёни.

Расулуллоҳ соллаллоҳу алайҳи ва саллам сийратларининг давоми: Росулуллоҳ саллоллоҳу алайҳи васалламнинг вафотлари ҳақида келган баъзи ривоятлар баёни.

Расулуллоҳ соллаллоҳу алайҳи ва саллам сийратларининг давоми: 1. Пайғамбаримиз соллаллоҳу алайҳи ва саллам араб тили бўйича энг фасоҳатли ва балоғатли бўлганликлари; 2. Пайғамбаримиз соллаллоҳу алайҳи ва салламга “Жавомиъул-Калим” - қисқа иборалар билан жуда ҳам кенг ва чуқур маъноли ва ҳикматли сўзлар берилганлиги; 3. “Жавомиъул-Калим ” ҳадисларидан намуналар:

Қуйида Имом Ибнул-Жавзий раҳимаҳуллоҳнинг “Сифатус-Сафваҳ” номли буюк авлиёлар сийратларига бағишланган китобларидан бўлиб ўтаётган дарслар қўйиб борилади