أعلام وشخصيات

Emin Ademaj: Është hoxhë i nderuar nga Kosova. Ai përfundoi studimet në fakultetin e Sheriatit në Universitetin Islamik në Medinën e Ndershme. Ai i vijon studimet e magjistraturës në universitetin e Jinanit në Tripolin lindor - Liban. Ai shquhet për modestinë dhe angazhimin e tij në thirrjen islame përmes përkthimeve, ligjëratave dhe punës së tij si imam në një nga xhamitë e rrethit të Shtimes – Kosovë.

Kryetar i Këshillit Islamik në Mozambik

Enes Goga: Është hoxhë i nderuar me prejardhje nga Kosova. Fakultetin e përfundoi në Universitetin Islamik të Medinës – Dega e Sheriatit. Angazhimi i tij në thirrjen Islame është i vazhdueshëm dhe i palodhshëm. Përmes ligjëratave, hutbeve dhe iniciativave të tij vetëdijesuese apo bamirëse ka arritur të ndikojë me të madhe në vetëdijesimin dhe edukimin e njerëzve. Ai ka përkthyer libra dhe artikuj të ndryshëm dhe njëherazi është edhe kryeimam pranë Bashkësisë Islame në Pejë – Kosovë.

Enis Rama: Është hoxhë i nderuar me prejardhje nga Kosova. Fakultetin e përfundoi në Universitetin Islamik të Medinës – Dega e Hadithit. Është një ndër hoxhallarët të cilët pareshtur punuan për ngritjen e çështjes së Islamit të pastër në trojet shqiptare sidomos në Kosovë. Ligjëratat e tij janë tërheqëse, të drejt për drejta dhe të argumentuara. Shquhet me modestinë dhe dijen e tij sidomos në lëmin e besimit Islam- Akides. Aktivitetin e tij vazhdon ta ushtrojë në trojet shqiptare me theks të veçantë në kryeqytetin e Kosovës – Prishtinë, përmes ligjëratave sidomos në kanalin satelitor Peace Tv në shqip.