Abdul Kadër Arnauti: Emri i tij me të cilin është njohur është: Abdul Kadër El Arnaut ndërsa emri i tij në letërnjoftim ishte: Kadri b. Sokol b. Abdul b. Sinan. Arnaut është llagap me të cilin turqit thirrnin çdo shqiptar. Ai ka lindur në Kosovë në vitin: 1928 dhe ka vdekur në agimin e ditës së Xhuma në vitin 2004. Ai ka lënë pas vete shumë vepra autoriale dhe recenzime shkencore nga fusha e shkencës së Hadithit si: “Xhamiul Usul” dhe “Zadul Mead”. Tërë jetën e tij ia përkushtoi thirrjes islame qoftë përmes veprave, ligjëratave apo hutbeve me të cilat dallohej. Në këtë rrugë përjetoi sfida nga më të ndryshmet por, qëndroi si një dijetar i cili me veprën para fjalës dhe librit arriti t’i përfitoj zemrat e njerëzve kudo. Ai vizitoi shumë herë Kosovën ku dha kontributin e tij përmes ligjëratave por, edhe me përkujdesjen ndaj studentëve shqiptarë në Sham.