ئایا دروسته زه‌كات بدرێت به خزمان ئه‌گه‌ر هه‌ژار بوون
] kurdish – كوردی – كردي [
شێخ عبد العزیز بن باز
وه‌رگێڕانی: ده‌سته‌ی به‌شی زمانی كوردی له ماڵپه‌ڕی ئیسلام هاوس
پێداچونه‌وه‌ی: پشتیوان سابیر عه‌زیز
2014 - 1435
« باللغة الكردية »
الشیخ عبد العزیز بن باز
ترجمة: فريق قسم اللغة الكردية بموقع دار الإسلام
مراجعة: بشتيوان صابر عزيز
2014 - 1435
ئایا دروسته زه‌كات بدرێت به خزمان ئه‌گه‌ر هه‌ژار بوون
ئه‌م پرسیـــاره ئاڕاسته‌ی شێخ عبــــد العزیز بن باز كراوه ( ڕه‌حمه‌تی خوای لێ بێت )
پرسیار : ئایا دروسته زه‌كات بدرێت به خزمان ئه‌گه‌ر هه‌ژار بوون، وه‌ك زه‌كات دان به باوك ودایك و برا و خوشك ؟
وه‌ڵام : سوپاس بۆ خوای گه‌وره ومیهره‌بان، وه درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه...
زه‌كات دان به خزمانی هه‌ژار دروسته، جارێك له‌به‌ر ئه‌وه‌ی صه‌ده‌قه‌یه وجارێكیش له‌به‌ر به‌جێهێنانی ( صیله‌ی ڕه‌حمی خزمایه‌تی ) چونكه پێغه‌مبه‌ری خوا ( صلی الله علیه وسلم ) فه‌رموویه‌تی : « الصدقة على الفقير صدقة، وعلى ذي الرحم اثنتان صدقة وصلة » واتا : خێر و صه‌ده‌قه كردن به هه‌ژارێك خێرێكت بۆ ده‌نوسرێت، به‌ڵام خێر و صه‌ده‌قه كردن به خزمان و نزیكی خۆت دووجار خێرت بۆ ده‌نوسرێت، جارێكیان وه‌ك صه‌ده‌قه‌كردنت، جارێكیش وه‌ك به‌جێهێنانی ( صیله‌ی ڕه‌حمی خزمایه‌تیت ) .
هیچ قه‌یدی ناكات مرۆڤ زه‌كاتی ماڵ و سامانی بدات به برایه‌كی خۆی ئه‌گه‌ر هه‌ژار بوو، یان به مامی، یان به خاڵی خۆی، یان هه‌ر خێر و صه‌ده‌قه‌یان بداتێ جگه له زه‌كاتیش، چونكه وه‌ك ووتمان جارێك خێرت كردووه و جارێكیش صیله‌ی ڕه‌حمی خزمایه‌تیت به‌جێهێناوه، به‌ڵام به نسبه‌ت زه‌كات و خێركردن به باوك و دایك و داپیره و باپیره، یان ئه‌و كه‌سانه‌ی كه مرۆڤ واجبه له‌سه‌ری خه‌رجییان بۆ دابین بكات وه‌ك كوڕ و نه‌وه‌كانی خۆی، نابێت زه‌كاتیان بداتێ، چونكه كوڕ و كچ ئه‌گه‌ر واجبه له‌سه‌ر باوك مه‌صروف و خه‌رجیان بكێشێت، هه‌روه‌ها دایكیش نابێت زه‌كاتی بدرێتێ چونكه واجبه له‌سه‌رت دایكت بژێنیت و خه‌رجی ڕۆژانه و ژیانی دابین بكه‌یت، مه‌به‌ستم ئه‌وه‌یه نابێت زه‌كات بدرێت به مناڵی نه‌وه‌كانی خۆتیش، به‌ڵكو ده‌بێت خه‌رجی ڕۆژانه‌یان دابین بكه‌یت، هه‌روه‌ها به نسبه‌ت باوك و دایك و باپیره و داپیره‌یش نابێت لــه ماڵی زه‌كاتیان بدرێتێ، به‌ڵكو له غه‌یری زه‌كات ده‌یاندرێتێ .
خوای گه‌وره هه‌موو لایه‌ك موه‌فق بكات ..
سه‌رچاوه : ماڵپه‌ری شێخ بان باز ( ڕه‌حمه‌تی خوای لێ بێت ).