نوێژی كه‌سێكی موسافیر له‌پشت ئیمامێكی موقیمه‌وه

وه‌سف كردن

پرسیارێكه‌‌ له‌ لایه‌ن شێخ عبد الكریم الخضیر ئه‌ندامی ده‌سته‌ی گه‌وره‌ زانایانی شانشینی عه‌ره‌بستانی سعودیه وه‌ڵامی دراوه‌ته‌وه‌، وه‌ ده‌قی پرسیاره‌كه ئه‌مه‌یه‌‌: «ئه‌گه‌ر كه‌سێكی موسافیر نوێژی له‌پشت ئیمامێكی موقیمه‌وه‌ دابه‌ست چی بكات؟».

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    نوێژی كه‌سێكی موسافیر له‌پشت ئیمامێكی موقیمه‌وه

    ] kurdish – كوردی – كردي [

    شێخ عبد الكریم الخضیر

    وه‌رگێڕانی: ده‌سته‌ی به‌شی زمانی كوردی له‌ ماڵپه‌ڕی ئیسلام هاوس

    پێداچونه‌وه‌ی: پشتیوان سابیر عه‌زیز

    2012 - 1433

    ﴿ إذا دخل المسافر خلف إمام مقيم فماذا يصنع؟ ‏﴾

    « باللغة الكردية »

    الشيخ عبد الكریم بن عبد الله الخضیر

    ترجمة: فريق قسم اللغة الكردية بموقع دار الإسلام

    مراجعة: بشتيوان صابر عزيز

    2012 - 1433

    نوێژی كه‌سێكی موسافیر له‌پشت ئیمامێكی موقیمه‌وه

    پرسیار : ئه‌گه‌ر كه‌سێكی موسافیر نوێژی له‌پشت ئیمامێكی موقیمه‌وه‌ دابه‌ست چی بكات؟ له‌گه‌ڵ ئه‌وه‌ی كه‌ نوێژه‌كانیشیان یه‌ك نوێژ بوون، بۆنموونه‌ ئه‌گه‌ر موسافرێك چوویه‌ ناو شارێكه‌وه‌ بینی خه‌ڵكی نوێژی نیوه‌ڕۆ ئه‌كه‌ن، ئایا بۆی هه‌یه‌ له‌پشت ئیمامه‌كه‌وه‌ نوێژه‌كه‌ی دابه‌ستێت، ودوو ڕكات نوێژ بكات وئیتر دانیشێت ؟ یان ئه‌توانێت چاوه‌ڕوان بكات تا ئیمام دووڕكات نوێژی بكات وئه‌مجا بڕوات له‌گه‌ڵیاندا دووڕكاته‌كه‌ی تر بكات وله‌گه‌ڵ ئیمامه‌كه‌دا سه‌لام بداته‌وه‌، به‌حوكمی ئه‌وه‌ی گوایه‌ موسافیره‌ ؟

    وه‌ڵام : الحمد لله ، ئه‌گه‌ر كه‌سێكی موسافیر له‌دوای ئیمامێكه‌ نوێژی كرد كه‌نوێژی ته‌واوی ده‌كرد (واته‌ نوێژی موسافیری نه‌ده‌كرد)، ئه‌وا ده‌بێت ئه‌و كه‌سه‌ نوێژی ته‌واو بكات و نوێژی سه‌فه‌ر واز لێ بهێنێت، جا چی ئه‌گه‌ر فریای هه‌موو نوێژه‌كه‌ كه‌وتبوو له‌گه‌ڵ ئه‌و ئیمامه‌دا، یان ئه‌گه‌ر ته‌نها ڕكاتێك یان كه‌متریش له‌ڕكاتێك له‌گه‌ڵیدا فریا كه‌وتبوو، له‌م حاڵه‌ته‌دا واجبه‌ له‌سه‌ری كه‌ چوار ڕكات بكات و دروست نییه‌ دووڕكات بكات و دابنیشێت، وه‌ هه‌روه‌ها ئه‌گه‌ر فریای دووڕكاتیش كه‌وت نابێت نوێژه‌كه‌ی به‌كوورتكراوه‌ی بكات، به‌ڵكو ده‌بێت نوێژی ته‌واو بكات، له‌مه‌سنه‌دی ئیمام ئه‌حمه‌ددا هاتووه‌، پرسیاركرا له‌ عبد الله ی كوڕی عه‌باس (خوای لێ ڕازی بێت) ووتیان : ئێمه‌ ئه‌گه‌ر له‌گه‌ڵ ئێوه‌ نوێژ بكه‌ین ئه‌وه‌ چوارڕكات نوێژ ده‌كه‌ین، وه‌ كاتێكیش ئه‌گه‌ر له‌ناو قافڵه‌كه‌یشمان نوێژ بكه‌ین به‌دووڕكاتی ده‌یكه‌ین، ئه‌ویش له‌وه‌ڵامیاندا ووتی : ئا ئه‌وه‌ سوننه‌تی (أبو القاسم) ــه‌‌ مه‌به‌ست پێی سوننه‌تی پێغه‌مبه‌ر (صلی الله علیه وسلم) ــه‌ { أخرجه أحمد: (1/216) } .

    خوای گه‌وره‌ زاناتره.

    ڕای به‌رێزت گرنگه‌ بۆمان