گرتنی ڕۆژووی شه‌وال له‌ مانگی (ذي القعدة) دا

وه‌سف كردن

پرسیارێكه له‌ لایه‌ن شێخ محمد بن صالح العثیمین ڕه‌حمه‌تی خوای لێ بێت، وه‌ڵامی دراوه‌ته‌وه‌، وه‌ ناوه‌ڕۆكی پرسیاره‌كه‌‌ ئه‌مه‌یه: ئه‌گه‌ر هاتوو كه‌سێك قه‌زاكردنه‌وه‌ی مانگی ڕه‌مه‌زانی هه‌موو مانگی شه‌والی گرته‌وه‌، ئایا پاش گرتنه‌وه‌ی ئه‌و مانگه‌ ده‌كرێت شه‌ش ڕۆژه‌كه‌ی شه‌والیش بگریت، یان ناكرێت ؟

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    گرتنی ڕۆژووی شه‌وال له‌ مانگی (ذي القعدة) دا

    ] kurdish – كوردی – كردي [

    شێخ محمد بن صالح العثیمین

    وه‌رگێڕانی: ده‌سته‌ی به‌شی زمانی كوردی له‌ ماڵپه‌ڕی ئیسلام هاوس

    پێداچونه‌وه‌ی: پشتیوان سابیر عه‌زیز

    2012 - 1433

    صيام ست من شوال في شهر ذي القعدة

    « باللغة الكردية »

    الشيخ محمد بن صالح العثیمین

    ترجمة: فريق قسم اللغة الكردية بموقع دار الإسلام

    مراجعة: بشتيوان صابر عزيز

    2012 - 1433

    گرتنی ڕۆژووی شه‌وال له‌ مانگی (ذي القعدة) دا

    پرسیار : ئه‌گه‌ر هاتوو كه‌سێك قه‌زاكردنه‌وه‌ی مانگی ڕه‌مه‌زانی هه‌موو مانگی شه‌والی گرته‌وه‌، ئایا پاش گرتنه‌وه‌ی ئه‌و مانگه‌ ده‌كرێت شه‌ش ڕۆژه‌كه‌ی شه‌والیش بگریت، یان ناكرێت ؟

    وه‌ڵام : سوپاس بۆ خوای گه‌وره‌ ومیهره‌بان، وه‌ درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه‌ .

    به‌ڵێ دروسته‌، بۆ نمونه‌ ئه‌گه‌ر كه‌سێك له‌به‌ر ‌هه‌ر هۆیه‌ك بێت، جا له‌به‌ر سه‌فه‌ر بێت یان له‌به‌ر نه‌خۆشی بووبێت، یان له‌به‌ر مناڵ بوون بووبێت، یان له‌به‌ر سوڕی مانگانه‌ بووبێت، یان له‌به‌ر هه‌ر عوزرێكی شه‌رعی تر بووبێت، نه‌یتوانی بێت یه‌ك ڕۆژیش له‌ مانگی ڕه‌مه‌زان بگرێت، دوای یه‌كه‌م ڕۆژی جه‌ژن و له‌ مانگی شه‌والدا ده‌ستی كرد به‌ گرتنه‌وه هه‌موو مانگه‌كه‌، كاتێك له‌ قه‌زاكردنه‌وه‌ بوویه‌وه‌ له‌ مانگی شه‌والدا ئه‌و كاته‌ دروسته‌ له‌ مانگی (ذي القعدة) دا‌ شه‌ش ڕۆژی شه‌وال بگرێته‌وه‌، چونكه‌ ئه‌گه‌ر هاتوو له‌ مانگی شه‌والدا قه‌زای هه‌موو مانگی ڕه‌مه‌زانی كرده‌وه‌ كه‌ له‌ده‌ستی چوو بوو، به‌ هه‌مان شێوه‌ ده‌توانێت قه‌زای ڕۆژووی شه‌والیشی بكاته‌وه‌، چونكه‌ ڕۆژووی شه‌ش ڕۆژی شه‌والی كه‌وتوته‌ دوای ڕۆژووی مانگی ره‌مه‌زانی .

    به‌ڵام ئه‌گه‌ر هاتوو كه‌مته‌رخه‌می كرد له‌ گرتنه‌وه‌ی قه‌زای ڕۆژوه‌كانیدا، چه‌ند ڕۆژێك تێپه‌ڕی و قه‌زای ڕۆژه‌كانی ڕه‌مه‌زانی نه‌كرده‌وه‌ هه‌تا كۆتایی مانگی شه‌وال، له‌م كاته‌دا پێی ناڵێین پاش قه‌زاكردنه‌وه‌ی ڕۆژوه‌كانی ڕه‌مه‌زانت شه‌ش ڕۆژ بگره‌ به‌ نیه‌تی ڕۆژووی سوونه‌تی شه‌وال، چونكه‌ به‌بێ عوزرێكی شه‌رعی عیباده‌تێكی دیاری كراوی به‌ كاتێكی دیاری كراوی وه‌ك مانگی شه‌وال دواخستووه‌ .

    خوای گه‌وره‌ش زاناتره‌ .

    سه‌رچاوه‌ : سلسلة لقاء الباب المفتوح/ شريط:(117)

    ڕای به‌رێزت گرنگه‌ بۆمان