(1) 1. Mede Owusͻreε Da no di nse.
(2) 2. Mesan de (gyidieni) kraa a ᴐbᴐ ne ho soboᴐ (wͻ bͻne bi a w’ayε ho anaa papa bi a w’annyε ho) di nse.
(3) 3. Enti onipa dwen sε, Yε’moaboa ne nnompe ano (nnyane no mmu no atεn)?
(4) 4. Daabi, Yε’wͻ tumi sε nensa teaa ano no (mpo) Yε’yε no pεpεεpε.
(5) 5. Nanso onipa pε sε ͻkͻso yε bͻne kͻ n’anim.
(6) 6. Obisa (dedi fεw) sε: “Ɛberε bεn ne Owu-sͻreε Da no?”
(7) 7. Sε aniwa so te nyinam,
(8) 8. Na bosome yε tumm (anaasε bosome hwere nenhyerԑnee),
(9) 9. Na yεka Awia ne Bosome bom a,
(10) 10. Saa Da no onipa bεka sε: ”Dwane kͻbea wͻ hen?”
(11) 11. Daabi, dwane kͻbea biara nni hͻ.
(12) 12. Saa Da no, wo Wura Nyankopͻn hͻ nko ara ne Ahomegye bea.
(13) 13. Saa Da no, yε’bεbͻ onipa adwuma a, odi too n’anim ne deε εkaa akyire (a obuu n’ani guu soᴐ) ho amaneε.
(14) 14. Aane, onipa no ara nim neho.
(15) 15. Ɔpa kyεw mpo a, (ne kyεw pa no ho mma mfasoͻ biara).
(16) 16. (Nkͻmhyεni), εnnanedane wo kεterεma mmpere Adyisεm no ho (sε wo werε befri nti).
(17) 17. Nokorε sε, Yεn na (Qur’aan no) anoboa, εnesε (yεbεkyerε wo) n’akenkan no da Yεnsoͻ.
(18) 18. Enti sε Yε’rekenkan (kyerε wo a), di akenkan no akyi:
(19) 19. Afei nekyerεkyerεmu no nso Yε’so na εda (sε Yε’kyerεkyerε mu kyerε woͻ).
(20) 20. Daabi, Nanso mopε seesei wiase (asetena) yi,
(21) 21. Na mobu moani gu Daakye deε no so.
(22) 22. Saa Da no ebinom anim bεhyerεn,
(23) 23. Ahwε wͻn Wura Nyankopͻn.
(24) 24. Saa Da no ebinom nso anim bemuna kusuu.
(25) 25. (Saa nkorͻfoͻ no) adwen sε mmusuo kεseε bi reba wͻn so.
(26) 26. Aane, Sε (nkwa no) duru (owufoͻ no) mene mu a,
(27) 27. Wͻ’ka sε: “Hwan na ͻbεgye no”.
(28) 28. (Owufoͻ no) behunu sε, nokorε, ͻne (wiase) redi mpaapaemu.
(29) 29. Na (owufoͻ no refa) ma anantu ne anantu kᴐka bom.
(30) 30. Saa Da no wo Wura Nyankopͻn hͻ na yεka kͻ.
(31) 31. Enti (boniayεni no) annye (Qur’aan) anni, εna wannfrε Nyame nso.
(32) 32. Na mmom obuu no atorͻsεm danee n’akyi demaae,
(33) 33. Afei ͻde ahomasoͻ kunkon kͻͻ n’abusuafoͻ hͻ.
(34) 34. Due nka wo. Enti Due!
(35) 35. Due nka wo bio, Enti Due!
(36) 36. Enti onipa dwen sε yε’bεgyae no kwa?
(37) 37. Na ͻnnyε nkwa-boaa a, efiri ahobae a, ehwie anaa epue ba no mu?
(38) 38. Ansa na ͻreyε mogya-toa, εna (Nyankopͻn) bͻͻ (no) yεε (no) pεpεεpε?
(39) 39. Ɛna Ͻyεε no mmienu, ͻbarima ne ͻbaa.
(40) 40. Enti (Nyankopͻn a, ͻnam anwanwa kwan a yakyerε yi so bͻͻ onipa no), Onni tumi sε Ɔbenyane owufoͻ aba nkwa mu (bio)?