(1) 1. Due nka asisiefoͻ no,
(2) 2. Wͻn a sε wͻ’hyε (biribi tesε kookoo anaa aburoo anaa nkyene anaa εmoo) afri (obi hͻ a) wͻ'hyε ma εyε mma;
(3) 3. Na sε wͻ’rehyε anaasε wͻ’resusu (ama obi a) wͻ’te so (bͻ saa nipa no nyansa korͻno).
(4) 4. Enti saa nkorͻfoͻ no nnwen sε yεbenyane wͻn-
(5) 5. Ama Ɛda kεseε bi?
(6) 6. Ɛda a nnipa nyinaa begyina Abͻdeε nyinaa Wura Nyankopͻn anim no?
(7) 7. Daabi, Abͻnefoͻ no Nwoma wͻ ‘Sijjinn’ mu.
(8) 8. Na εdeεn na εbεkyerε wo adeε a εyε ‘Sijjnn’ no?
(9) 9. Ɛyε Nwoma a yatwerε (fa abͻneεfoͻ no nyuma ho).
(10) 10. Saa Da no, due nka wͻn a wͻ’fa (Nokorε no) sε atorͻsεm no,
(11) 11. Wͻn a wͻ’fa Akatua da no atorᴐsԑm no,
(12) 12. Na obiara nnihͻ a ᴐfa no atorᴐsԑm, gyesε mmaratoni, ͻbͻneεni.
(13) 13. Sε yεrekenkan Yεn Nsεm no kyerε no a, deε ͻka ne sε: “Tetefoͻ no anansesεm”.
(14) 14. Daabi, (Dwumadi bͻne a) wͻ’nsa aka no awe naakyee wͻ wͻn akoma mu,
(15) 15. Daabi, saa Da no yεde ntwaremu betware wͻn ne wͻn Wura Nyankopͻn ntεm.
(16) 16. Afei yεde wͻn bεkͻ Amanehunu gya no mu.
(17) 17. Afei yεbεka sε: “Woi na mofaa no atorͻsεm no “.
(18) 18. Aane, nokorε sε apapafoͻ no Nwoma wͻ ‘illiyyiin.
(19) 19. Na εdeεn na εbεkyerε wo deε εyε ‘Illiyyuun’ no?
(20) 20. Ɛyε (apapafoͻ no nyuma a y’atwerε) ho Nwoma,
(21) 21. (Soro Abͻfoͻ) a wͻ’bεn (Nyankopͻn) no di ho adanseε.
(22) 22. Nokorε sε, apapafoͻ no wͻ anigyeε mu-,
(23) 23. Wͻ Animuonyam Ahennwa so rehwε (deε εrekͻ soͻ).
(24) 24. Wohunu anigyeε no nhyerεnee wͻ wͻn anim.
(25) 25. Yε’bεma wͻn nsa kronkron a yatua ano anom.
(26) 26. Nentuano no yε ‘Misk’. Woi so na wͻn a, wͻ siakan (wc nnepa ho no) nsiakan.
(27) 27. ‘Tasniim’ na yεde bεfra (saa nsa no).
(28) 28. (‘Tasniim no) yε Asutire bi a wͻn a wͻ’bεn (Nyankopͻn) no bεnom mu (nsuo).
(29) 29. Nokorε sε na abͻneεfoͻ no sere wͻn a, wͻ’agye adie no.
(30) 30. Sε wᴐ’retwa mu (wͻ agyidiefoͻ no) ho a, (boniayεfoͻ no) bͻ wͻn ani kyerε wͻn ho wͻn ho (dedi agyidiefoͻ no ho fεw).
(31) 31. Sε wͻ’san kͻ wͻn nkorͻfoͻ no hͻ a, wͻ’san kͻ no fεw die so.
(32) 32. Sε wͻ’hu (agyidiefoͻ) no a, asεm a wͻ’ka ne sε: “Nokorε sε, saa nkorͻfoͻ yi ayera paa.”
(33) 33. Nanso yεnsomaa wͻn sε wͻ’mεhwε (agyidiefoͻ no) so.
(34) 34. Saa Da no deε, wͻn a wͻ’agye adie no bεsere wͻn a wͻ’annye annie no,
(35) 35. (Wͻ’tete) Animuonyam Ahennwa so rehwε (deε εrekͻ soͻ).
(36) 36. Enti boniayεfoͻ no nyaa deε na wͻ’yε no so akatua pεpεεpε?