(1) Shibali Abakhayi mubandu beshitabu nende Abatsokaasi bokhulekha akabali ninako okhuula kaboolele amenoosio.
(2) Omurumwa okhurula khu Nyasaye ubasomelanga tsimbapulo tsindafu.
(3) Mukari mwatsio kalimwo amahandiko kakololokha.
(4) Ne shibakabukhana balia bahebwa eshitabu halali nibakhamala okhuulilwa nende amenoosio.
(5) Nabo shibalomesibwa shiosishiosi tawe halali okhulaama Nyasaye nibamutswenulila idini, Abandu abalunjifu, ne balumilile okhulaama iswala, ne barusie eshihanwa shia izaka. Ne eyo niyo idini yema obulayi muno.
(6) Toto balia bakhaya mu bandu beshitabu nende mubatsokaasi balinjila mumulilo kwa Jahannamu, bamenyemwo tsinyanga tsioosi. Ebio nibio ebiloonje ebibii mubilonje bioosi.
(7) Toto balia abasuubila mana nibakhola amalayi, ebio nibio ebilonje ebilayi mubilonje bioosi.
(8) Omurungo kwabu ewa Nyasaye wabu Omulesi ni emikunda chilaliwa tawe, echiburangamwo emialo. Ako nikhu ulia uritsanga Nyasaye wuwe Omulesi.