Fatmir Latifi: Është hoxhë i nderuar me prejardhje nga Kosova. Fakultetin e përfundoi në Universitetin Islamik në Medinë – Dega e Hadithit. Shquhet për aktivitetin e tij në thirrjen islame sidomos për hytbet e tij shumë të mirëpritura dhe aktivitetet e tij publike në të mirë të njerëzve. Është imam në xhaminë e Shipolit – Mitrovicë.
Fehim Dragusha: Është hoxhë i nderuar me prejardhje nga Kosova. Fakultetin e përfundoi në Universitetin e Darus Selamit në Brunei. Ai shquhet për palodhshmërinë në thirrjen e njerëzve në islam përmes ligjëratave dhe aktiviteteve të shumta por, gjithashtu është edhe përkthyes i një sërë librash nga anglishtja dhe arabishtja. Aktivitetin e tij e ka vazhduar edhe ne Zvicër ku është edhe imam në një nga xhamitë e atjeshme.
Ferid Selimi: Është hoxhë i nderuar me prejardhje nga Maqedonia. Fakultetin e përfundoi në Universitetin Islamik në Medine – Dega e Sheriatit. Ai shquhet për palodhshmërinë e tij në thirrjen e njerëzve në rrugë të Allahut përmes ligjëratave dhe hutbeve të ndryshme. Ai është i njohur për modestinë dhe afërsinë me njerëzit e që i ka mundësuar - me lejen e Allahut - të pajtoj mes njerëzve, sikundër që edhe është i njohur për mundin e tij në ndërtimin e xhamive.