تێپه‌ڕ بوون له‌ میقات به‌بێ نییه‌ت هێنانی ئیحرام

وه‌سف كردن

پرسیارێكه‌‌ له‌ لایه‌ن ده‌سته‌ی به‌شی زمانی كوردی له‌ ماڵپه‌ڕی ئیسلام هاوس وه‌ڵامی دراوه‌ته‌وه‌، وه‌ ده‌قی پرسیاره‌كه ئه‌مه‌یه‌‌: حوكمی ئه‌و كه‌سه‌ چییه‌ كه‌ له‌پاش تیپه‌ڕبوونی له‌ میقات نیه‌تی ئیحرامی هێنا و ئیحرامی به‌ست ؟ وه‌چی شتێكی ده‌كه‌وێته‌ سه‌ر ؟

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    تێپه‌ڕ بوون له‌ میقات به‌بێ نییه‌ت هێنانی ئیحرام

    ] kurdish – كوردی – كردي [

    ده‌سته‌ی به‌شی زمانی كوردی له‌ ماڵپه‌ڕی ئیسلام هاوس

    پێداچونه‌وه‌ی :پشتیوان سابیر عه‌زیز

    2011 - 1432

    ﴿ تجاوز الميقات بدون إحرام ﴾

    « باللغة الكردية »

    فريق قسم اللغة الكردية بموقع دار الإسلام

    مراجعة: بشتيوان صابر عزيز

    2011 - 1432

    تێپه‌ڕ بوون له‌ میقات به‌بێ نییه‌ت هێنانی ئیحرام

    پرسیار : حوكمی ئه‌و كه‌سه‌ چییه‌ كه‌ له‌پاش تیپه‌ڕبوونی له‌ میقات نیه‌تی ئیحرامی هێنا و ئیحرامی به‌ست ؟ وه‌چی شتێكی ده‌كه‌وێته‌ سه‌ر ؟

    وه‌ڵام : دروست نییه‌ بۆ ئه‌و كه‌سه‌ی كه‌ ئه‌چێت بۆ شاری مه‌ككه‌ به‌نییه‌تی به‌جێهێنانی فه‌ریزه‌ی حه‌جی ماڵی خودا یان عومره‌ كردن، ئه‌و جێگایه‌ تێپه‌ڕ بكات كه‌ پێی ده‌وترێت میقات به‌بێ نییه‌ت هێنانی ئیحرام و ئیحرام به‌ستن، ئه‌ویش به‌به‌ڵگه‌ی ئه‌م فه‌رمووده‌یه‌ : عن ابن عباس رضي الله عنهما في الصحيحين لما ذكر المواقيت قال رسول الله صلى الله عليه وسلم : "هن لهن ولمن أتى عليهن من غير أهلهن ممن أراد الحج والعمرة" ، ولقول الله تعالى: {تِلۡكَ حُدُودُ ٱللَّهِ فَلَا تَعۡتَدُوهَاۚ}واته‌ : كاتێك پێغه‌مبه‌ر (صلی الله علیه وسلم) ناوی ته‌واوی میقاتی گشت شوێنه‌كانی هێنا ودیاری كردن وپاشان فه‌رمووی : ئه‌م جێگایانه‌ میقاتی خه‌ڵكی ئه‌و شوێنانه‌ن له‌گه‌ڵ میقاتی ئه‌و كه‌سانه‌شی كه‌ خه‌ڵكی ئه‌و جێگایانه‌ن نین به‌ڵام له‌وێوه‌ تێپه‌ڕ ده‌بن، به‌نییه‌تی حه‌ج و عومره‌ كردن، خوای گه‌وره‌ش فه‌رموویه‌تی : ئه‌مانه‌ سنووری خودان وئێوه‌ش سنوور شكێنیان مه‌‌‌كه‌ن.

    جا هه‌ركه‌سێك میقاتی تێپه‌ڕكرد ونیه‌تی ئیحرام به‌ستنی نه‌هێنا وئیحرامی نه‌به‌ست پێویسته‌ بگه‌ڕێته‌وه‌ بۆ میقات وله‌وێ نییه‌تی ئیحرام بهێنێت وئیحرامه‌كه‌ی ببه‌ستێت، خۆ ئه‌گه‌ر نه‌گه‌ڕایه‌وه‌ وپاش تیپه‌ڕبوون له‌میقات نییه‌تی ئیحرامی هێنا وئیحرامی به‌ست ئه‌وا فدیه‌یه‌كی ده‌كه‌وێته‌ سه‌ر كه‌ بریتییه‌ له‌ سه‌ربڕێنی شه‌كێك له‌حه‌ره‌می مه‌ككه‌ ودابه‌شی بكات به‌سه‌ر خه‌ڵكی هه‌ژار ونه‌داردا، هه‌روه‌ك عبدالله‌ی كوڕی عه‌باس (خوایان لێ ڕازی بێت) فه‌رموویه‌تی : "من ترك نسكاً أو نسيه فليرهق دماً " { رواه مالك في الموطأ والدار قطني والبيهقي} واته‌: هه‌ركه‌سێك واجب ونوسوكێكی به‌جێ نه‌هێنا یان له‌بیری چوو ئه‌وا باخوێنێك بدات _واته‌ ئاژه‌ڵێك سه‌رببڕێت _ .

    خوای گه‌وره‌ له‌هه‌مووان زاناتره‌ .

    ڕای به‌رێزت گرنگه‌ بۆمان