ئایا وه‌ڵامی بانگی تۆماركراو بدرێته‌وه‌ وگوێی پێ بدرێت

وه‌سف كردن

پرسیارێكه‌‌ له‌ لایه‌ن شێخ عبد الكریم الخضیر ئه‌ندامی ده‌سته‌ی گه‌وره‌ زانایانی شانشینی عه‌ره‌بستانی سعودیه وه‌ڵامی دراوه‌ته‌وه‌، وه‌ ده‌قی پرسیاره‌كه ئه‌مه‌یه‌‌: ئه‌گه‌ر ته‌سجیلێكیان داگیرساند له‌كاتی نوێژه‌كاندا وبانگی دا، ئایا ‌ وه‌ڵامی ئه‌و بانگه‌‌ بدرێته‌وه‌‌ وگوێی پێ بردێت ؟.

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    ئایا وه‌ڵامی بانگی تۆماركراو بدرێته‌وه‌ وگوێی پێ بدرێت

    ] kurdish – كوردیكردي [

    شێخ عبد الكریم الخضیر

    وه‌رگێڕانی: ده‌سته‌ی به‌شی زمانی كوردی له‌ ماڵپه‌ڕی ئیسلام هاوس

    پێداچونه‌وه‌ی :پشتیوان سابیر عه‌زیز

    2011 - 1432

    ﴿ هل يجاب الأذان المسجل ويعتد به ﴾

    « باللغة الكردية »

    الشيخ عبد الكریم الخضیر

    ترجمة: فريق قسم اللغة الكردية بموقع دار الإسلام

    مراجعة: بشتيوان صابر عزيز

    2011 - 1432

    ئایا وه‌ڵامی بانگی تۆماركراو بدرێته‌وه‌ وگوێی پێ بدرێت

    پرسیار : ئه‌گه‌ر ته‌سجیلێكیان داگیرساند له‌كاتی نوێژه‌كاندا وبانگی دا، ئایا ‌ وه‌ڵامی ئه‌و بانگه‌‌ بدرێته‌وه‌‌ وگوێی پێ بردێت ؟

    وه‌ڵام : ئه‌و بانگانه‌ی كه‌ له‌ ئامێره‌كانی (وه‌ك ڕادیۆ و ته‌له‌فزێۆن ) ه‌وه‌ په‌خش ده‌كرێن یان ئه‌وه‌تانێ بانگێكی زیندووه‌ وكه‌سی بانگه‌ده‌ریش هه‌ر زیندووه‌، و به‌و ڕێگایانه‌ ده‌گوازرێته‌وه‌، وه‌ك بانگی حه‌ره‌می مه‌ككه‌ كه‌ له‌ڕێگای ڕادیۆ وه‌ په‌خش ده‌كرێت بۆ خه‌ڵكی، یان وه‌ك بانگی مزگه‌وتی گه‌وره‌ی شاری ڕیاض بۆ نموونه‌ له‌ ڕێگای ڕادیۆی قورئانی پیرۆزه‌وه‌ ده‌گوازرێته‌وه‌، ئه‌مانه‌ بانگێكی حه‌قیقین وحوكمه‌كانی بانگدان ده‌یگیرێته‌وه‌ و وه‌ڵام ده‌درێته‌وه‌، ئه‌مه‌ش وه‌ك ئه‌وه‌ وایه‌ له‌ڕێگای بڵندگۆی مزگه‌وته‌كانه‌وه‌ به‌گوێی خه‌ڵكیدا بدرێت.

    به‌‌ڵام ئه‌گه‌ر هاتوو ئه‌و بانگه‌ له‌سه‌ر كاسێتێك بوو، وه‌ بانگده‌ره‌كه‌ش زیندوو نه‌بوو، تۆماركرابوو، بانگده‌ره‌كه‌ش دیار نه‌بوو، وه‌ك ئه‌وه‌ی بانگده‌ره‌كه‌ مردبوو، ئێستا هه‌ندێك جار گوێت لێ ده‌بێت مه‌نشاوی له‌هه‌ندێك ڕادیۆ وه‌ بانگ ده‌دات، ئاشكرایه‌ مه‌نشاوی ساڵانێكه‌ وه‌فاتی كردووه‌، یان محمود ڕیفعه‌تت گوێ لێ ده‌بێت كه‌ بانگ ده‌دات چل ساڵه‌ وه‌فاتی كردووه، نموونه‌ی ئه‌م بانگانه‌ وه‌ڵام نادرێته‌وه‌ و حوكمی بانگدانیان نییه‌ .

    خوای گه‌وره‌ زانا وشاره‌زاتره‌ ...

    ڕای به‌رێزت گرنگه‌ بۆمان