ఇస్లామీయ సత్యమార్గ ప్రచార కేంద్రం, రబువా, రియాద్ - అన్ని అంశాలు

దీనిలో 35 పేజీలు ఉన్నాయి. షేఖ్ అహ్మద్ దీదాత్ మరియు ఇతరులకు బైబిల్ లో ప్రవక్త ముహమ్మద్ సల్లల్లాహు అలైహి వసల్లం ప్రస్తావన మరియు భవిష్యవాణుల గురించి జరిగిన చర్చలు ఇక్కడ ఉన్నాయి.

తమిళ భాషలో ఇస్లాం ధర్మంలోని మూలసిద్ధాంతాలను ముస్లిమేతరుల కోసం వివరిస్తున్న ఒక మంచి ఇస్లాం పరిచయ పుస్తకం.

ఖుర్ఆన్ లో ప్రవక్త జీసస్ ఈసా అలైహిస్సలాం: మొట్టమొదటి ప్రవక్త ఆదం అలైహిస్సలాం నుండి చిట్టచివరి ప్రవక్త ముహమ్మద్ సల్లల్లాహు అలైహి వసల్లం వరకు ఖుర్ఆన్ ఎలా ప్రవక్తల గాథలన్నీ పేర్కొన్నది మరియు ప్రవక్త జీసస్ ఈసా అలైహిస్సలాం గాథను ఎలా విపులంగా ప్రస్తావించింది మొదలైన విషయాలు ఈ పుస్తకంలో వివరించబడినాయి.

ఎవరైనా ఇస్లాం స్వీకరించారనే వార్త వినగానే, ఒక నిజమైన ముస్లింకు ఎంతో సంతోషం కలుగుతుంది. ఎందుకంటే అతడు ఎల్లవేళలా ఇతరుల మంచిని కోరతాడు మరియు తను జీవిస్తున్న సృష్టకర్త యొక్క సత్యధర్మంపైనే ఇతరులు కూడా జీవించి, ఇహపరలోకాలలో సాఫల్యం పొందాలని కోరుకుంటాడు - అధ్యాత్మిక మరియు మానసిక నిలకడ మరియు శాంతితో సుఖసంతోషాల ప్రశాంత జీవితం. ఇస్లామీయ ధర్మ ఉపదేశాలు పాటించడం ద్వారా మాత్రమే ఇది సాధ్యం. ఈ విషయాలనే ఈ పుస్తకంలో ప్రస్తావించడం జరిగింది.

కపటత్వానికి బద్ధశత్రువు నిజం. ఈ లేటెష్టు పుస్తకం ద్వారా ప్రవక్త ముహమ్మద్ సల్లల్లాహు అలైహి వసల్లంకు స్నేహితుడైన బిలాల్ ఇబ్నె రబహ్ రదియల్లాహు అన్హు యొక్క ఆదర్శప్రాయమైన మరియు నమ్రతతో నిండిన జీవితాన్ని డాక్టర్ అల్ షీహా వెలుగులోనికి తెచ్చారు. ప్రపంచంలో అతి శీఘ్రంగా వ్యాపిస్తున్న ఇస్లాం ధర్మంపై వాడివేడిగా జరుగుతున్న చర్చలలో ఇది చాలా ఉపయోగపడుతుంది. నలుపు - తెలుపు అనే తేడాలు లేకుండా కేవలం దైవభక్తి ద్వారా ఇహపరలోకాల జీవితాలలో సాఫల్యం సాధించవచ్చనే ఆలోచనకు ప్రాణం పోస్తున్నది.

ఈ పుస్తకంలో కుటుంబ వ్యవస్థకు ఇస్లాం ధర్మం ఇస్తున్న ప్రాధాన్యత చక్కగా వివరించబడింది. మొట్టమొదటి కుటుంబ పునాదులైన తల్లిదండ్రుల గురించి, వివాహం యొక్క అసలు ఉద్దేశ్యం గురించి, భార్యలను ప్రేమగా, చక్కగా చూడవలసిన బాధ్యత గురించి, ఇంట్లో శాంతిసుఖాలు నెలకొల్పడంలో వారి ముఖ్యపాత్ర గురించి, ఇంటిని శాంతినిలయంగా మార్చటంలో భార్యాభర్తల పాత్ర గురించి మరియు వారి పరస్పర హక్కులు మరియు బాధ్యతల గురించి, తల్లిదండ్రులపై సంతానానికి ఉన్న హక్కుల గురించి మరియు ఇతర బంధువులతో సత్సంబంధాలు కొనసాగించవలసిన అవసరం గురించి ఇక్కడ క్లుప్తంగా చర్చించబడింది.

ఇస్లాం ధర్మం మానవులందరికీ మార్గదర్శకత్వం వహించే అంతిమ సత్యధర్మం. దీని మూలాధారాలు ఖుర్ఆన్ మరియు ప్రవక్త ముహమ్మద్ సల్లల్లాహు అలైహి వసల్లం యొక్క బోధనలు (హదీథులు). రబ్వహ్ జాలియాత్ తరుఫున 60 హదీథులు కంఠస్థం చేసేందుకు ఒక పోటీ నిర్వహిస్తున్నారు. అందులో భాగంగా సంకలనకర్త 60 హదీథులను సేకరించి, ఇక్కడ మీకందిస్తున్నారు. వీటి ద్వారా మనం అల్లాహ్ ను సంతృప్తి పరచే సంకల్పంతో అనేక మంచి అలవాట్లు అలవర్చుకునే అవకాశం ఉంది.

ఈసా అలైహిస్సలాం తల్లి మర్యమ్ జన్మ, బాల్యం, వ్యక్తిగత నడవడిక మరియు అద్భుతంగా ఆమెకు జన్మించిన జీసస్ మొదలైన విషయాల గురించి ఖుర్ఆన్ లో ప్రస్తావించబడిన వచనాలు ఇక్కడ పేర్కొనబడినాయి. ఈ భాగంలో ఖుర్ఆన్ లో ప్రస్తావించబడిన ప్రవక్త జీసస్ (ఈసా) అలైహిస్సలాం యొక్క జీవితం, ఆయన సందేశం, మహిమలు, ఆయన శిష్యులు మరియు వారి గురించిన విషయాలు పేర్కొనబడినాయి. ఇంకా ఈ భాగంలో జీసస్, ఆయన సహచరులను అల్లాహ్ భద్రంగా కాపాడుట, ఆయన పునరాగమనం మరియు పునరుత్థాన దినాన ఆయనకు ఏమి జరగబోతున్నది మొదలైన విషయాలను వివరించే ఖుర్ఆన్ ఆయతులు కూడా పేర్కొనబడినాయి.

ప్రవక్త జీసస్ (ఈసా అలైహిస్సలాం) యొక్ పునరాగమనం పై క్రైస్తవ మరియు ఇస్లాం ధర్మాల మధ్య ఏకాభిప్రాయాలు మరియు అభిప్రాయ భేదాలు. యూద ధర్మం ప్రకారం చివరి కాలంలో వచ్చే మెస్సయ్య. ఖుర్ఆన్ మరియు ప్రవక్త ముహమ్మద్ బోధనలలో తెలుపబడిన ప్రవక్త జీసస్ (ఈసా అలైహిస్సలాం) యొక్క పునరాగమనం గురించిన భవిష్యవాణులు మరియు సూచనలు. జీసస్ పునరాగమనం, దానికి ముందు సంభవించే కొన్ని సంఘటనలు మరియు విపత్తులు, మహదీ గుర్తింపు, మసీహ్ దజ్జాల్ అవతరణ, వాడిని వధించడంలో జీసస్ పాత్ర. యాంటీ క్రైష్ట్ అవతరణ తర్వాత, గ్రంథ ప్రజల తప్పుడు ధర్మాలు అంతమై పోవడం, జీసస్ (ఈసా అలైహిస్సలాం) నాయకత్వంలో అల్లాహ్ యొక్క ధర్మ రాజ్యం స్థాపించబడటం, గాగ్ - మాగోగ్ అనబడే రాక్షసుల దాడి, గాగ్ - మాగోగ్ ల అంతం, సుఖశాంతులతో, యుద్ధరహిత ప్రపంచం ఏర్పడడం, విశ్వవ్యాప్తంగా అల్లాహ్ యొక్క సత్యధర్మం మాత్రమే మిగలటం, జీసస్ మరణం.

ద కీ టు అండర్ స్టాండింగ్ ఇస్లాం అంటే ఇస్లాం ధర్మాన్ని అర్థం చేసుకోవటానికి ఉపయోగపడే తాళం చెవి అనే పుస్తకం పాఠకులకు ఇస్లాం, ప్రవక్త ముహమ్మద్ సల్లల్లాహు అలైహి వసల్లం, ఇస్లామీయ ఆరాధనలు, ప్రవక్త జీసస్ (ఈసా అలైహిస్సలాం) గురించి ఇస్లామీయ దృక్పథం మొదలైన విషయాల గురించి వివరిస్తున్నది.

అంతిమదినంపై విశ్వాసం అంటే మానవజాతి మరల పునరుజ్జీవింప జేయబడునని మరియు తమ కర్మలకు అనుగుణంగా వారికి ప్రతిఫలం ప్రసాదించబడునని విశ్వసించడం. ఖుర్ఆన్ మరియు సున్నతులలో అంతిమ దినం గురించి మనకు తెలుపబడిన ప్రతి దానినీ నమ్మడం.