حه‌ج یه‌كجار فه‌رزه‌ له‌ته‌مه‌ندا

وه‌سف كردن

حه‌ج كردن روكنێكه‌ له‌ روكنه‌كانی ئیسلام، یه‌كجار فه‌رزه‌ له‌ته‌مه‌ندا...

وه‌صفی فراوان

 

حه‌ج یه‌كجار فه‌رزه‌ له‌ته‌مه‌ندا

 

 

عَنْ أَبِي هُرَيْرَةَ (رضي الله عنه) قَالَ: خَطَبَنَا رَسُولُ اللَّهِ (صلی الله عليه وسلم) فَقَالَ: (أَيُّهَا النَّاسُ، قَدْ فَرَضَ اللَّهُ عَلَيْكُمُ الْحَجَّ، فَحُجُّوا). فَقَالَ رَجُلٌ: أَكُلَّ عَامٍ يَا رَسُولَ اللَّهِ؟ فَسَكَتَ، حَتَّى قَالَهَا ثَلَاثًا، فَقَالَ رَسُولُ اللَّهِ (صلی الله عليه وسلم): (لَوْ قُلْتُ نَعَمْ لَوَجَبَتْ، وَلَمَا اسْتَطَعْتُمْ). ثُمَّ قَالَ: (ذَرُونِي مَا تَرَكْتُكُمْ، فَإِنَّمَا هَلَكَ مَنْ كَانَ قَبْلَكُمْ بِكَثْرَةِ سُؤَالِهِمْ، وَاخْتِلَافِهِمْ عَلَى أَنْبِيَائِهِمْ، فَإِذَا أَمَرْتُكُمْ بِشَيْءٍ فَأْتُوا مِنْهُ مَا اسْتَطَعْتُمْ، وَإِذَا نَهَيْتُكُمْ عَنْ شَيْءٍ فَدَعُوهُ).

(ابو هریره‌) (خوای لێ ڕازی بێت) ده‌ڵێ: پێغه‌مبه‌ری خوا (صلی الله عليه وسلم) وتاری بۆ داین و فه‌رمووی: (خه‌ڵكینه‌، خوای گه‌وره‌ حه‌جی له‌سه‌ر فه‌رزكردوون، حه‌ج بكه‌ن)، كابرایه‌ك وتی: هه‌موو ساڵێك ئه‌ی پێغه‌مبه‌ری خوا (صلی الله عليه وسلم)؟ پێغه‌مبه‌ر (صلی الله عليه وسلم) بێده‌نگ بوو، هه‌تا كابرا سێ جار دووباره‌ی كرده‌وه‌، پێغه‌مبه‌ر (صلی الله عليه وسلم) فه‌رمووی: (ئه‌گه‌ر بموتایه‌ به‌ڵێ، فه‌رز ده‌بوو له‌سه‌رتان و، نه‌شتان ده‌توانی ئه‌نجامی بده‌ن). پاشان فه‌رمووی: (وازم لێبێنێت ئه‌وه‌نده‌ له‌شت مه‌كۆڵنه‌وه‌، چونكه‌ ئه‌وانه‌ی پێش ئێوه‌ تیاچوون به‌هۆی پرسیار زۆركردن و له‌ فه‌رمان ده‌رچوونی پێغه‌مبه‌رانیانه‌وه‌، ئه‌گه‌ر فه‌رمانی شتێكم پێكردن چه‌نده‌تان توانی ئه‌نجامی بده‌ن، ئه‌گه‌ر ڕێگری شتێكم لێكردن ده‌ستبه‌رداری ببن و وازی لێبهێنن).

ڕای به‌رێزت گرنگه‌ بۆمان