باوه‌ڕ به كتێبه ئاسمانییه‌كان وبه‌رهه‌م و شوێنه‌واره‌كانی
نوسـه‌ر : عه‌بدولله موحه‌مه‌د ئه‌لته‌یار
وه‌رگـێران: حاجی ئومێد چروستانی
پێداچـونه‌وه: پشتیوان سابیر عه‌زیز
وه‌سف كردن
باوه‌ڕ به كتێبه ئاسمانییه‌كان به‌وه ده‌بێت، كه باوه‌ڕی ته‌واومان هه‌بێت كه ئه‌و كتێب و په‌ڕاوه ئاسمانیانه هه‌ر هه‌موویان له لایه‌ن خوای گه‌وره‌وه به‌هه‌ق دابه‌زیوون بۆ سه‌ر پێغه‌مبه‌ره‌كانی، كه ڕێنیشانده‌ر و ڕێنموماكه‌ری خه‌ڵكی بن.
Read - 1
باوه‌ڕ به كتێبه ئاسمانییه‌كان وبه‌رهه‌م و شوێنه‌واره‌كانی
PDF 174.3 KB 2019-05-02
- 2
باوه‌ڕ به كتێبه ئاسمانییه‌كان وبه‌رهه‌م و شوێنه‌واره‌كانی
DOC 2.7 MB 2019-05-02
وه‌صفی فراوان
باوه‌ڕ به كتێبه ئاسمانییه‌كان وبه‌رهه‌م و شوێنه‌واره‌كانی
] kurdish – كوردی – كردي [
دكتۆر عه‌بدوڵڵا موحه‌مه‌د ئه‌حمه‌د الطیار
وه‌رگێڕانی: حاجی ئومێد چرۆستانی
پێداچونه‌وه‌ی: پشتیوان سابیر عه‌زیز
2013 - 1434
الإيمان بالكتب وثمراته
« باللغة الكردية »
الدكتور عبد الله محمد أحمد الطيار
ترجمة: أوميد عمر علي
مراجعة: بشتيوان صابر عزيز
2013 - 1434
باوه‌ڕ به كتێبه ئاسمانییه‌كان وبه‌رهه‌م و شوێنه‌واره‌كانی
سوپاس بۆ خوای گه‌وره ومیهره‌بان، وه درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه.
باوه‌ڕ به كتێبه ئاسمانییه‌كان به‌وه ده‌بێت، كه باوه‌ڕی ته‌واومان هه‌بێت كه ئه‌و كتێب و په‌ڕاوه ئاسمانیانه هه‌ر هه‌موویان له لایه‌ن خوای گه‌وره‌وه به‌هه‌ق دابه‌زیوون بۆ سه‌ر پێغه‌مبه‌ره‌كانی، كه ڕێنیشانده‌ر و ڕێنموماكه‌ری خه‌ڵكی بن، وه باوه‌ڕ به‌وه‌یش هه‌موو ئه‌و په‌ڕاو و كتێبه ئاسمانییانه كه‌لام و گوفتاری خودای به ده‌سه‌ڵاتن .
ئه‌وه‌ی باوه‌ڕ به كتێب و نامه و په‌ڕاوه ئاسمانییه‌كان ده‌یخوازێت :
1) باوه‌ڕ به‌وه‌ی دابه‌زینیان له لایه‌ن خوای گه‌وره‌وه بووه .
2) باوه‌ڕ به‌و ناوانه‌ی كه خوای گه‌وره فێری كردووین له‌ناویان، وهك قورئانی پیرۆز كه بۆ محمد e دابه‌زیووه، وه ته‌ورات كه بۆ موسی u دابه‌زیووه، وه ئینجیل كه بۆ عیسی u دابه‌زیووه، وه زه‌بور كه بۆ داود u دابه‌زیووه، وه ( صحف ) كه خوای گه‌وره ناردوویه‌تی بۆ ئیبراهیم u، وه باوه‌ڕ به شێوه‌یه‌كی گشتی به‌و نامه و په‌ڕاوه ئاسمانییانه‌شی كه بۆ پێغه‌مبه‌رانی تر هاتوون و ئێمه ناویان نازانین .
3) به‌راست زانینی ئه‌و هه‌واڵ و به‌سه‌رهاتانه‌ی كه ئه‌و كتێب و پاڕاوه ئاسمانیانه باسیان كردوون، وهك ئه‌وه‌ی له‌قورئاندا بۆمان باسكراوه، یان ئه‌وه‌ی له كتێب و په‌ڕاوه ئاسمانیه‌كانی تردا هاتووه، پێش ئه‌وه‌ی ده‌ستیان تێبخرێت و بشێوێنرێن .
4) كاركردن به حوكمه‌كانیان و ڕازی بوون و ته‌سلیم بوون پێیان، ئه‌گه‌ر هاتوو ئه‌و حكومانه نه‌سڕابنه‌وه و نه‌سخ نه‌بووبنه‌وه، وه ئاشكرایه حوكمی سه‌رجه‌م كتێب و نامه وپه‌ڕاوه ئاسمانیه‌كان به قورئانی پیرۆز نه‌سخ بوونه‌ته‌وه وسڕاونه‌ته‌وه، وهك خوای گه‌وره فه‌رموویه‌تی : ﴿ وَأَنزَلۡنَآ إِلَيۡكَ ٱلۡكِتَٰبَ بِٱلۡحَقِّ مُصَدِّقٗا لِّمَا بَيۡنَ يَدَيۡهِ مِنَ ٱلۡكِتَٰبِ وَمُهَيۡمِنًا عَلَيۡهِۖ﴾ ([1]) واتا : ئێمه قورئانمان هاوڕێ له‌گه‌ڵ هه‌موو حه‌قیقه‌ت و ڕاستیه‌کدا بۆ تۆ دابه‌زاندووه، ڕاستی و دروستی کتێبه‌کانی پێش خۆیشی دیاری ده‌کات و چاودێر وحاكمه به‌سه‌ر هه‌موویانه‌وه .
به‌م پێیشه دروست نییه كاركردن به‌هیچ حوكمێك له‌و حوكمانه‌ی كه له كتێب و نامه ئاسمانیه‌كانی تردا هاتوون، جگه له‌و حوكمانه نه‌بێت كه ڕاست و دروستن ودوور بوون له شێواندن و ده‌ستێخستن، وقورئانی پیرۆزیش دانی پێداناوه .
به‌رهه‌م و شوێنه‌واری باوه‌ڕ به كتێب و نامه و په‌ڕاوه ئاسمانیه‌كان :
1) تێگه‌یشتن له‌وه‌ی كه خوای گه‌وره گرنگی ته‌واوی داوه به به‌نده‌كانی، به‌وه‌ی هه‌موو گه‌لێك كتێب وپه‌ڕاوێكی بۆ ناردوون بۆ هیدایه‌تدان وڕێنموونی كردینان .
2) تێكه‌یشتن وشاره‌زا بوون له حیكمه‌ت ودانایی خوای گه‌وره، به‌وه‌ی هه‌موو گه‌لێك شه‌ریعه‌ت و یاسا وڕێسایه‌كی تابه‌تی بۆ ناردوون، كه بگونجێت له‌گه‌ڵ حاڵ و گوزه‌رانیاندا، وهك خوای گه‌وره فه‌رموویه‌تی : ﴿ لِكُلّٖ جَعَلۡنَا مِنكُمۡ شِرۡعَةٗ وَمِنۡهَاجٗاۚ﴾ ([2]) واتا : بۆ هه‌ریه‌كێ له‌ئێوه‌ش ئه‌ی موسڵمانان و ئه‌هلی كیتاب! یاساو به‌رنامه‌یه‌كمان دانا، بۆئه‌وه كاری پێبكه‌ن و لێی لانه‌ده‌ن، واته: پله به‌پله به‌دوای یه‌كدا كتێب وبه‌رنامه‌مان بۆناردن، هه‌تا كۆتا به‌رنامه (قورئانی پیرۆز) ئیتر پاش هاتنی ئه‌و، ده‌بێت هه‌موو له‌ده‌وری خڕ ببنه‌وه‌و، كار هه‌ربه‌و بكه‌ن .
3) سوپاسی خوا كردن له‌سه‌ر ئه‌م نیعمه‌ته گه‌وره‌یه‌ی خوای گه‌وره ڕژاندویه‌تی به‌سه‌ر نه‌وه‌كانی ئاده‌مدا، به‌وه‌ی هه‌روه‌ها دروستی نه‌كردوون و پشتگوێیان بخات، به‌ڵكو بۆ هه‌ر گه‌لیك كتێب و نامه و په‌ڕاوێكی تایبه‌تی نادرووه .
پۆڵینه زانستیه‌كان: