(1) Ko an yo buumorɗo [comci mun]!
(2) Ɓaŋo (wuurnitaa) jemma on, si wanaa seeɗa [e makko];
(3) feccere makko, maa ɗuytaa seeɗa e ɗum;
(4) maa ɓeydaa ɗon. Janngiraa Alqur'aanaare nden rewnindiral.
(5) Meɗen saatii tellinnde e maaɗa konngol teddungol.
(6) Pellet, ko dewal tummbo jemma ngal, ɓuri tiiɗude batte e fooccaade konngol.
(7) Anndu hino woodan-maa e ñalorma on, ferlitagol juutungol.
(8) Janto innde Joomi maa nden, taƴo-ɗaa yahaa e Makko hattirde taƴagol.
(9) Jeyɗo On fuɗnaange e hiirnaange.Reweteeɗo woo alaa e si nwona Kanko,Jogito Mo hoolorteeɗo.
(10) Muñño e ko ɓe wowlata kon; woɗɗito-raa ɓe woɗɗitannde labaande.
(11) Accidam e fennooɓe joomiraaɓe neemaaji ɓen; habbito-ɗaa ɓe seeɗa.
(12) Ko pellet, hino ka Amen gaa : Tonngii e Jahiimi,
(13) e ñaametee ɗeɗɗoowo, e lette muusuɗe.
(14) Ñalnde leydi ndin e pelle ɗen dillata, pelle ɗen wa'a wa njaare ilayndi.
(15) Min nelii e mon nelaaɗo haa o wona seede e dow mon hono no Min nelduno faade e Fir*awna Nelaaɗo.
(16) Fir*awna woopi nelaaɗo O Min nanngi mbo nanngugol cattungol.
(17) Hono ndeenraton pittaali mon si on yeddi ñalawmo baɗoowo sukaaɓe danndalinde.
(18) Kammu o na fetti e kulhuli hembo laatiima fodoore Alla ko wonoore.
(19) Ko oon woni waaju goongo kala faalaaɗo daɗde nanngira joomiiko ruttorde.
(20) Pellet joom Ma na anndi haɗa juula ko ɓuri famɗude e tataɓal jemma wollo feccere mammbo wondude e fedde e ɓeen wonduɓe e Ma Alla hoddira jemma e ñalawma O anndi on tonngataa mbo O yaafii mon, njannge ko newanii on e Quraana hombo anndi ma won e mon ñawɓe goo ngona e ɗatngal ka leydi hoɓe ndaarta ɓural Alla woɓɓe kadi na kaɓano laawol Alla njannge ko newanii mon e hembo ndarnon juulde tottiron askal ñamlon Alla ñamaande moƴƴere kala ko mbaɗaɗon ko*e mon e jam tawon mbo ka Alla hombo ɓuri moƴƴude e mawnude njobdi njaafnee Alla sabu Alla ko jaafatooɗo ko jurmotooɗo.