(1) Senin innde joom Ma ɓurnde toowde.
(2) Oon takɗo O fonndi.
(3) Oon koddirɗo refti O feewni.
(4) Oon yaltinɗo durngol.
(5) O watti ngol yoorko wayliiko;
(6) Ma Min njanngin Ma A yeɓjjittah.
(7) Si wonah ko Alla haaji pellet hombo anndi ko feeñi e ko wirnii.
(8) Min newnan Ma na newori.
(9) Siftinir ɗoon ɗo ciftanirgol na nafata.
(10) Ma waacta oon kulɗo Alla.
(11) Woɗɗitoo mbo ɓurɗo hiiteede.
(12) Oon naatoowo yiite mannge nge.
(13) Refti o maayatah toon o wuuratah.
(14) Malaama oon laaɓɗo e sirku.
(15) O jantii Innde joom makko o juuli.
(16) Ko woni, ko hoɗon ɓurna nguurndam aduna.
(17) Ko laakira ɓuri moƴƴude e heddaade.
(18) ɗum ina e ɗereeji gadiiɗi.
(19) ɗereeji Ibraahiima e Muusa.