(1) O ñirɓanii o runtii.
(2) Sabu arde e Makko gumɗo.
(3) Hol ko anndin Ma yaama o laaɓa.
(4) Wolla o waajito waaju o nafa mbo.
(5) Tawi ko oon jondaniiɗo o hoore makko.
(6) Aan noon haɗa faloo mbo.
(7) Alah ko fawi Ma si o laaɓaani.
(8) Tawi ko oon garɗo e Ma hombo yaha.
(9) Hombo huli Alla.
(10) Aan haɗa sokliri mbo gaa e woɓɓe.
(11) Alah ɗuum ko ciftanirgol.
(12) Ko kala faalaaɗo jantoo mbo.
(13) E nder ɗeri teddinaaɗi.
(14) ɓamtaaɗo ceninaaɗo.
(15) Hombo e juuɗe malayka en.
(16) Tedduɓe heewɓe jam.
(17) Huɗaama aade alah ko ɓuri mbo heefarinde.
(18) E honde huunde O tagri mbo.
(19) E toɓɓere O tagri mbo o hoddiri mbo.
(20) Refti O newnani mbo laawol.
(21) Refti O wari mbo O naatni mbo yenaande.
(22) Refti si O faalaama O ummina mbo.
(23) Alah o waɗaani ko Alla yamiri mbo.
(24) Yo aadee ndaar ñaamdu makko.
(25) Min njuppii ndiyam ɗam juppugol.
(26) Refti Min ceeki leydi ndi ceekgol.
(27) Min puɗni e hendi gabbe.
(28) E inabu e ñaayka ngam daabe.
(29) E oliv e tamara.
(30) E gese keewɗe leɗɗe.
(31) E muuyanteele e huɗo ngam daabe.
(32) Ngam wona nafoore mon e kulle mon.
(33) Si haacaango ngo arii.
(34) ñande aade dogi musiɗɗo makko.
(35) E neene makko e baaba makko.
(36) E gondiijo makko e ɓiɓɓe makko.
(37) Kala aade e mum en ñande heen na jogii ko yoni mbo.
(38) Geece malaabe ñande heen na fooyni.
(39) Hoɗe njala hoɗe mbeltii.
(40) Geece goo na e dow mum en punndi-sollaaru-.
(41) Na hippaɗe niwre.
(42) Ko ɓeen ngoni heefareeɓe faajireeɓe.