(1) Jom Hinaraŋke On.
(2) O anndinii Alqur'aana.
(3) O tagi neɗɗaŋke.
(4) O anndini mo ɓanngingol.
(5) Naange ngen e lewru ndun [hino dogira] limoore,
(6) koode ɗen kadi e leɗɗe ɗen, hino sujjude.
(7) Kammu ngun, O toownu ngu. O waɗi nunɗal ngal,
(8) fii wata on bewu ka peesirɗe.
(9) Ñinniron etugol ngol no nunɗiri. Wata on ɗuytu peesirɗe ɗen.
(10) Leydi ndin, O waɗanndi tagoore nden:
(11) muuyanteeɗi hino e mayri, e leɗɗe tamaro marɗe poƴƴi.
(12) e gabbe marɗe ñaande, e uurngol.
(13) E ko honɗi e neemaaji Joomi mon ɗin woni ko fennoton?
(14) O tagiri neɗɗo on immorde e loopal, wa'ungal wa ko juɗaa.
(15) O tagiri jinnaaji ɗin, immorde e lew lewndu yiite laaɓuki.
(16) E ko honɗi e neemaaji Joomi mon ɗin yeddoton?
(17) Jeyɗo fuɗirɗe ɗen ɗiɗi Jeyi kadi mutirɗe ɗen ɗiɗi.
(18) E ko honɗi e neemaaji Joomi mon ɗin yeddoton?
(19) O Tuppindiri maaje ɗen ɗiɗi, hiɗe fotta.
(20) heedo hino hakkunde majje, ɗe jillondirtaa.
(21) E ko honɗi e neemaaji Joomi mon ɗin yeddoton?
(22) Hino yalta e ɗen [maaje] ɗiɗi: kaŋŋe "Lu'lu'u" e "Marjaan".
(23) E ko honɗi e neemaaji Joomi mon ɗin yeddoton?
(24) Ko Kanko woodani dogooje lesaaɗe ka nder maayo, wa'uɗe wa pelle.
(25) E ko honɗi e neemaaji Joomi mon ɗin yeddoton?
(26) Kala ko woni e hoore mayri ko ko re'ata,
(27) heddoo Jaati Joomi maa Kin, Jom mawngu e teddungal.
(28) E ko honɗi e neemaaji Joomi mon ɗin yeddoton?
(29) Ɓen wonɓe ka kammuuli e ka leydi hino naamnoo Mo. Ñalnde woo, Himo e fiyaaku.
(30) E ko honɗi e neemaaji Joomi mon ɗin yeddoton?
(31) Aray nde Men faandii hasbude on, onon yo tedda ko'e en ɗiɗo.
(32) E ko honɗi e neemaaji Joomi mon ɗin yeddoton?
(33) Ko onon yo dental jinna e yimɓe ! Si on hattanii wuɗɗirgol ka seraaji kammuuli e ka leydi, haray wuɗɗee. On wuɗɗirtaa si wanaa e doole.
(34) E ko honɗi e neemaaji Joomi mon ɗin yeddoton?
(35) Hino wurtee e mon - [onon jinna e yimɓe] - ɗemngal yiite e curki [maa sila taayuɗo], on faabondirtaa.
(36) E ko honɗi e neemaaji Joomi mon ɗin yeddoton?
(37) Si wonii kammu ngun seekike, ngu wojjirii wa piindi hono pentiir boɗe.
(38) E ko honɗi e neemaaji Joomi mon ɗin yeddoton?
(39) Nden ñalnde, wanaa neɗɗo maa jinne woni ko lanmditetee fii junuubi mun.
(40) E ko honɗi e neemaaji Joomi mon ɗin yeddoton?
(41) Bomɓe ɓen hino annditiree maandeeji maɓɓe ɗin. Ɓe nanngiroyee ka njubuuji-tin tinɗi- e ka koyɗe.
(42) E ko honɗi e neemaaji Joomi mon ɗin woni ko fennoton?
(43) Ko ngee woni Jahannama nge bomɓe ɓen fennaynoo fii mun.
(44) Hiɓe wanngoo hakkunde magge e fatayɗam hattuɗam wulde.
(45) E ko honɗi e neemaaji Joomi mon ɗin yeddoton?
(46) Hino woodani kala hulɗo daragol yeeso Joomi mun, aljannaaji ɗiɗi;
(47) E ko honɗi e neemaaji Joomi mon ɗin yeddoton?
(48) marɗe calɗi ɗiɗi dukke.
(49) E ko honɗi e neemaaji Joomi mon ɗin yeddoton?
(50) Ɓulli ɗiɗi hino e nder majji, ilayɗi.
(51) E ko honɗi e neemaaji Joomi mon ɗin yeddoton?
(52) Hino e nder majji kala muuyanteeɗi ɗin, noone ɗiɗi.
(53) E ko honɗi e neemaaji Joomi mon ɗin yeddoton?
(54) Hara ko ɓe soɓɓindiiɓe e ndaɗɗule tekkirɗe nder, dimɗe majje ɗen ɗiɗi ko ɓadiiɗe.
(55) E ko honɗi e neemaaji Joomi mon ɗin yeddoton?
(56) (Rewɓe) raɓɓiɗa ndaarɗeɓe hino toon, ɓe neɗɗo memaali ado maɓɓe wanaa kadi jinna.
(57) E ko honɗi e neemaaji Joomi mon ɗin yeddoton?
(58) [Labiraaɓe] wa kaŋŋe yaaquutu e marjaan.
(59) E ko honɗi e neemaaji Joomi mon ɗin yeddoton?
(60) Hara njoɓdi moƴƴere no woodi, si wanaa moƴƴere?
(61) E ko honɗi e neemaaji Joomi mon ɗin yeddoton?
(62) Hino gaanin ɗin ɗiɗi, aljannaaji ɗiɗi kadi.
(63) E ko honɗi e neemaaji Joomi mon ɗin yeddoton?
(64) hecciɗuɗi ɗiɗi.
(65) E ko honɗi e neemaaji Joomi mon ɗin yeddoton?
(66) Ɓulli ɗiɗi hino e nder majji, ɓulayɗi.
(67) E ko honɗi e neemaaji Joomi mon ɗin yeddoton?
(68) Hino e majji : muuyanteeɗi, e leɗɗe tamaro e rummaana.
(69) E ko honɗi e neemaaji Joomi mon ɗin yeddoton?
(70) Hino e ɗin ɗiɗi : rewɓe suɓaaɓe labaaɓe.
(71) E ko honɗi e neemaaji Joomi mon ɗin yeddoton?
(72) huurul'ayniiɓe, soomaaɓe e tillisooji,
(73) E ko honɗi e neemaaji Joomi mon ɗin yeddoton?
(74) neɗɗo memaali ɓen ado maɓɓe, wanaa kadi jinna.
(75) E ko honɗi e neemaaji Joomi mon ɗin yeddoton?
(76) Ko ɓe soɓɓindotooɓe e hoore ngawluuji haakooji, e ndaɗɗule abqari labaaɗe.
(77) E ko honɗi e neemaaji Joomi mon ɗin yeddoton?
(78) Barkinii Innde Joomi maa nden, Jom Mawngu e Teddungal !