(1) M wẽen ne malεgs nins sẽn võogd kɩfr-dãmbã yõyã pãng-pãngã.
(2) La ne [malεgs nins] sẽn reegd sɩd-kõtbã yõyã yol-yolã.
(3) La ne sigdbã tɩ b yaa sẽn laande.
(4) La ne põsdbã sẽn rengd taab n na mɑɑn Wẽnd sɑglgã.
(5) La ne mɑlεgs nins sẽn yikd ne Wẽnd sɑglsã m mɑɑnd-ɑ wã.
(6) Raar ning rĩmsgã sẽn na n rĩmsã (Baorgã fʋʋs raẽengã).
(7) Tɩ fʋʋsg a yiibẽ soabã pʋgl-a.
(8) Baraare sũy n rigimdidi.
(9) B ninã yaa sẽn nodge.
(10) B yetame: "rẽ yĩnga b na n lebs-d-la yiibã zĩigẽ (dũni)."
(11) Tɩ tõnd sã n wa lebg kõab sẽn weele.
(12) B yetame: "rẽnda yaa bõn lebgre".
(13) La ad yẽnda yaa tãs-vuk bala.
(14) Tɩ bãmb yaa sẽn be vʋʋgr n be rasempʋɩɩgẽ wã.
(15) Rẽ yĩngã a Musa kibarã waa fo nengẽ?
(16) Wakat ning a Soabã sẽn wa n boaal-a Ṭuuwaa koso-yɩlengẽ wã.
(17) Kẽng a Fɩr-ʿaoon nengẽ, bala a kedgame.
(18) N tɩ yεεl-a "rẽ yĩnga f na sak n yɩlg f menga?"
(19) Tɩ m peeg-f n tʋg f Soabẽ wã tɩ f yaees-A .
(20) T'a wilg-a yel-soalem bεdã.
(21) T'a yags la a kɩɩse.
(22) Rẽ poorẽ, a gõda a kuidg n fãeesdẽ.
(23) N tʋg n tigim ɑ tãpã n moone.
(24) N yeele: "Maam la yãmb soaben-zẽkdgã".
(25) Tɩ Wẽnd wẽbg-a ne Yaoolem la Dũni naongã.
(26) Ad bãng-yam be rẽnda pʋgẽ ne ned ning sẽn yaeesda.
(27) Rẽ yĩnga yãmb naaneg n yɩɩd keelem bɩ yaa saagã? Wẽnd sẽn me-a wã.
(28) A zẽka a beoongã n zems a taaba.
(29) N sobg a yʋngã la A vẽneg a wĩndgã.
(30) La Tẽngã, rẽ poorẽ lɑ A yɑdg-a.
(31) A yiisa a pʋgẽ a koomã la a yamdã.
(32) La tãmsã, A sεl-b lame.
(33) Yaa wʋm-noog ne yãmb la y rũmsã.
(34) La yel-bed-kεgengã sã n wa( bɑrgã fʋʋs yɩlengã).
(35) Raar ning ninsaal sẽn na n tagsd bũmb ning a sẽn tʋmã.
(36) Tɩ b vẽneg Gεhɩɩm ne net fãa.
(37) La ned ning sẽn maan-a n zʋʋge.
(38) La a yɩɩs Dũni vɩɩmã.
(39) Bɩ f bãng tɩ yaa Gεhɩɩm la a gãag zĩiga.
(40) La sã n yaa ned ning sẽn yaees a Soabã ziiri, la a gɩdg yõorã n yi ɑ yamleoogo.
(41) Bɩ f bãng tɩ Arzãn la a gãag zĩiga.
(42) B sokda foo dũni yikr yelle, a yɩɩbã yaa rabʋre?
(43) Bõe la fo mi a pʋgẽ n nɑ n togse?
(44) A bãngrã gill bee ne fo Soabã.
(45) Ad fo yaa bugsd ne ned ning sẽn yaeesd-a.
(46) Raar ning b sẽn na n ya wala bãmb pa zĩnd dũni sã n pa zaabr bala, ma yibeoogo.