(1) Karem ne f Soab ning sẽn naan-a wã yʋʋre.
(2) A naana ninsaal n yi zɩ-pelle.
(3) Karem, tɩ fo Soabã n yɩɩd ne kũuni.
(4) Sẽn wilg-a gʋlsg ne kaal-moogã.
(5) A wilga ninsaal bũmb ning a sẽn pa mi.
(6) Ka woto ye, ad ninsaal yaa kεdgda.
(7) A sã n yã t'a seka a menga.
(8) Ad lεbengã pata f Soabã nengẽ.
(9) F yãɑ yel-solemd sẽn le yɩɩd ned ning(Abʋʋgεhl) sẽn gɩdgde.
(10) Yambã (Mʋhɑmmɑd) t'a sã n wa pʋʋsdẽ?
(11) Fo yãame sã n mikɑme t'ɑ sẽn gɩdgd-ɑ wã sã n bee kãndgr zugu.
(12) Ma a sagla ne wẽn-zoεεga?
(13) F yãame tɩ gɩdgdã sã n yagsame n gõd a zãn-kuidga.
(14) Rẽ yĩnga a pa bãng tɩ Wẽnd nee ɑ sẽn tʋmdã?
(15) Pa woto ye! Lak t'a sã n pa tek n bas, D na n veo-ɑ-la ne rĩirã zoobdẽ.
(16) Pʋ-yagd sẽn yaa tudgd rĩir zoobdo.
(17) Bɩ a bool a zĩ-zĩidsẽ rãmba.
(18) Tõnd na n boola D tãp-biisã.
(19) Pa woto ye! Ra tũ-a ye, la f tugli (maan suguudu) la f bao pẽnegre.