(1) Rẽ yĩnga Buiidã yẽsg taa foo?
(2) Nems sẽn zelg n yaale bee raarã.
(3) N tʋm tʋʋm tood n yɑ, (b sẽn nɑms keelem).
(4) N nɑ n kẽ Bugum sẽn tʋʋle.
(5) B yũnugd-a-la ko-nin-tʋʋlga.
(6) B pa tar rɩɩb rẽnda taksẽnego (gõose),
(7) A pa nobsde, a leb n pa nafd n yi kom.
(8) Nens n be n bʋgs ra-kãng raarã.
(9) N yard a tʋʋmã.
(10) N be arzãn-zẽkdg pʋgẽ.
(11) B pa wʋmd gom-yood a pʋgẽ ye.
(12) Ko-nin sẽn zoet bee a pʋgẽ.
(13) Gads sẽn zẽk bee a pʋgẽ.
(14) La ko-teoods sẽn sεglge n rɩg.
(15) La zug-kʋgs sẽn tedge.
(16) La bõn-tɩʋʋds sẽn tẽese.
(17) Rẽ yĩnga b pa gete, wãn-wãn la b naan yʋgemde?
(18) La saasã, wãn-wãn-to la b zẽk-a?
(19) La tãmsã, wãn-wãn la b tilg-bɑ?
(20) La Tẽngã, wãn-wãn-to la b yεdg-a?
(21) Bɩ f tẽege, ad fo yaa tẽegd bala.
(22) Fo pa b modgd ye.
(23) Rẽnda ned ning sẽn gũd a kuidga n kɩfle.
(24) Tɩ Wẽnd nams-a ne naon-bedrã.
(25) Ad b lεbeng yaa Tõnd nengẽ.
(26) Rẽ poorẽ ad b geelg bee ne Tõndo.