(1) M wẽen ne saagã sẽn tar kõom zĩisã. (sussã).
(2) La ne pʋlengã raarã.
(3) La ne sεεt fãɑ (wɑlɑ Nɑbiyɑɑmã) la b sẽn sεεt-a soab zugã (wɑlɑ ɑ poorẽ dãmbã).
(4) B kãaba Ʋẖdʋʋd (bogdã) rãmbã.
(5) B widgɑ bugum beenẽ sẽn tar ra-tugunds, n tusd sɩd-kõtbã n lubd beenẽ vɩɩse.
(6) Wɑkɑt ning b sẽn wa n zĩẽ a kɩrengã.
(7) La bãmb yaa kaset rãmbɑ ne b sẽn tʋmd sɩd kõtbã.
(8) La b pa kisg-bɑ sã n pɑ b sẽn kɩs sɩd ne Wẽnd sẽn yaa Na-zɩsgã n yaa Pẽgr Naabã bɑlɑ.
(9) Sẽn so-a saasã la Tẽngã; lɑ Wẽnd yɑɑ bũmb ɑ fãa Seeta.
(10) Ad neb nins sẽn nams-b muumin-roapã la muumin-pogsã, rẽ poorẽ tɩ b pa tuubi, ad Gεhannem naong bee ne-ba, la naon-yõogdg leb n bee ne-ba.
(11) Ad neb nins sẽn kõ-b sɩdã la b tʋm sẽn sõmbã, Arzãn bee ne-ba, tɩ ko-sood zoet a tẽngrã, ad wãndã la paoong sẽn bedme.
(12) Ad fo Soabã yõkrã yaa kεgenga.
(13) Ad yaa Yẽ n sɩngd (naanegã) la A lebsdẽ.
(14) Yẽ la Yaafda n yaa Noanga
(15) N yaa Al-ars-zɩsgã Soaba,
(16) N yaa maand ne A sẽn rat fãa.
(17) Rẽ yĩnga tãpã kɩbar waa fo nengẽ?
(18) a Fɩr-ʿaoon ne a Ṯamuud.
(19) La neb nins sẽn kɩfl-bã bee yagsg pʋgẽ.
(20) La Wẽnd yaool n gũbg-b-la gilli.
(21) A pɑ wɑ bãmb sẽn yetã ye, Ad a yaa Alkʋrãan-zɩsgo
(22) N be walg b sẽn gũus pʋgẽ.