(1) yɩlg f Sob-zẽkdgã yʋʋrã.
(2) Sẽn naan-ɑ ninsɑɑlã n zems a taabã.
(3) La sẽn kord-a bõn-nɑɑndsã b yɑlẽ gilli, n peeg-bɑ n tʋg sẽn nɑ zems ne-bɑ.
(4) Sẽn yiisd-a yamdã.(rũms wãmneg zĩiga).
(5) N leb n wa maan-a t'a kʋɩ n sobge.
(6) M na n karmɑ foo tɩ f pa yĩm ye.
(7) Rẽnda bũmb ning Wẽnd sẽn wa n tʋllã; ad Yẽ n mi sẽn vẽnege, la bũmb ning sẽn solge.
(8) La D yols-f ne yol-yole.
(9) Bɩ f tẽeg tɩ tẽegrã sã n nafdẽ.
(10) Ned ning sẽn yaeesd-a nɑ tẽege.
(11) La zu-be-ned zãagd-a lame.
(12) Ning sẽn kẽed bug-kẽengã.
(13) Rẽ poorẽ a pa kiid a pʋgẽ, la a pa vɩɩmsd ye.
(14) Hakɩɩka sẽn yɩlg-a tɩlgame.
(15) La a Tẽeg a Soaba yʋʋr n pʋʋse.
(16) La bala yãmb yɩɩsda dũni vɩɩmã.
(17) La yaoolem raarã sõmb n yɩɩde, n leb n yɩɩd ne paabo.
(18) Ad woto n be rẽenem gaf-rãmbẽ wã.
(19) A ɭbraahɩɩm ne a Musa gaf-rãmbã.