Llukman Neziri: Është hoxhë i nderuar me prejardhje nga Maqedonia. Fakultetin e përfundoi në Universitetin Jordanez në Aman – Mbretëria Hashimite e Jordanit. Shquhet për aktivitetin e tij në thirrjen islame në rrethinën e Gjilanit - Kosovë, ku jeton, dhe më gjerë.
Ferid Selimi: Është hoxhë i nderuar me prejardhje nga Maqedonia. Fakultetin e përfundoi në Universitetin Islamik në Medine – Dega e Sheriatit. Ai shquhet për palodhshmërinë e tij në thirrjen e njerëzve në rrugë të Allahut përmes ligjëratave dhe hutbeve të ndryshme. Ai është i njohur për modestinë dhe afërsinë me njerëzit e që i ka mundësuar - me lejen e Allahut - të pajtoj mes njerëzve, sikundër që edhe është i njohur për mundin e tij në ndërtimin e xhamive.
Emin Ademaj: Është hoxhë i nderuar nga Kosova. Ai përfundoi studimet në fakultetin e Sheriatit në Universitetin Islamik në Medinën e Ndershme. Ai i vijon studimet e magjistraturës në universitetin e Jinanit në Tripolin lindor - Liban. Ai shquhet për modestinë dhe angazhimin e tij në thirrjen islame përmes përkthimeve, ligjëratave dhe punës së tij si imam në një nga xhamitë e rrethit të Shtimes – Kosovë.
