باسی مافی مێرد له‌سه‌ر ژنه‌كه‌ی

وه‌سف كردن

ئه‌م بابه‌ته‌ باسی مافی پیاو ده‌كات له‌سه‌ر ژنه‌كه‌ی وه‌ له‌و مافانه‌: واجیبه‌ له‌سه‌ر ژن گوێڕایه‌ڵی پیاوه‌كه‌ی بێت له‌ چاكه‌دا وه‌ سه‌رپێچی نه‌كات به‌ تایبه‌ت له‌ كاتی سه‌رجێگه‌یی و كاروباری ماڵدا.

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    باسی مافی مێرد له‌سه‌ر ژنه‌كه‌ی

    < كوردي >

    پشتیوان سابیر عه‌زیز

    —™

    باب حق الزوج عَلَى المرأة

    < كردي >

    بشتیوان صابر عه‌زیز

    —™

    باسی مافی مێرد له‌سه‌ر ژنه‌كه‌ی

    ئایه‌تی قورئانی پیرۆز:

    خوای گه‌وره‌ ده‌فه‌رموێت: { الرِّجَالُ قَوَّامُونَ عَلَى النِّسَاءِ بِمَا فَضَّلَ اللهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ الله } [ النساء : 34 ] .

    واته‌: پیاوان سه‌رپه‌رشتیارن(کاربه‌ده‌ستن) به‌سه‌ر ئافره‌تانه‌وه‌ به‌هۆی ئه‌وه‌وه‌ خوا باوی هه‌ندێکیانی داوه‌ به‌سه‌ر هه‌ندێکیاندا هه‌روه‌ها به‌هۆی ئه‌وه‌ی که‌(پیاوان) له‌ سامانه‌کانیان خه‌رج ده‌که‌ن جا ئافره‌ته‌ چاکه‌کان(ئه‌وانه‌ن) گوێڕایه‌ڵانی به‌رده‌وام(بۆ خواو پاشان مێرده‌کانیان) پارێزه‌رانی(داوێنی خۆیان و سامانی مێرده‌کانیانن) که‌ مێرده‌کانیان له‌ ماڵه‌وه‌ نه‌بن به‌هۆی ئه‌وه‌ی خوا فه‌رمانی پاراستنی داوه‌.

    فه‌رمووده‌ی پێغه‌مبه‌رﷺ‬ :

    عَنْ أَبِي هُرَيْرَةَ (رضي الله عنه) قَالَ: قَالَ رَسُولُ اللَّهِ (صلی الله عليه وسلم): {إِذَا دَعَا الرَّجُلُ امْرَأَتَهُ إِلَى فِرَاشِهِ، فَلَمْ تَأْتِهِ فَبَاتَ غَضْبَانَ عَلَيْهَا، لَعَنَتْهَا الْمَلَائِكَةُ حَتَّى تُصْبِحَ } متفق عليه.

    واته‌: (أبو هریره‌)(خوای لێ ڕازی بێت) ده‌ڵێ: پێغه‌مبه‌ر (صلی الله عليه وسلم) فه‌رموویه‌تی: (ئه‌گه‌ر مێرد داوای سه‌رجێگه‌یی له‌ ژنه‌كه‌ی كرد و ئه‌ویش ملینه‌دا، مێرد به‌ توڕه‌یییه‌وه‌ سه‌ری نایه‌وه‌، فریشته‌كان تا به‌ره‌به‌یان نه‌فرین له‌و ئافره‌ته‌ ده‌كه‌ن).

    ڕاڤه‌ وروونكردنه‌وه‌:

    یه‌كه‌م: واجیبه‌ له‌سه‌ر ژن گوێڕایه‌ڵی پیاوه‌كه‌ی بێت له‌ چاكه‌دا وه‌ سه‌رپێچی نه‌كات به‌ تایبه‌ت له‌ كاتی سه‌رجێگه‌یی و كاروباری ماڵدا.

    دووه‌م: ژن نابێت مۆڵه‌تی كه‌سێك بدات بێته ‌ماڵه‌كه‌ی ئه‌گه‌ر ڕه‌زامه‌ندی پیاوه‌كه‌ی له‌سه‌ر نه‌بێت.

    سێهه‌م: ژن نابێت به‌ڕۆژوو بێت [مه‌به‌ست ڕۆژووی سوننه‌ته‌] له‌كاتێكدا مێرده‌كه‌ی له‌ماڵه‌ مه‌گه‌ر به‌ڕه‌زامه‌ندی ئه‌و.

    چواره‌م: ژن نابێت به‌ بێ مۆڵه‌تی پیاوه‌كه‌ی له‌ ماڵه‌وه‌ ده‌رچێت.

    له‌ كۆتاییدا داواكارم له‌ خوای گه‌وره‌ هه‌موو خێزانێك به‌خته‌وه‌ر بكات له‌ دونیا و قیامه‌ت

    ڕای به‌رێزت گرنگه‌ بۆمان