نه‌هی كردن له‌ بیدعه‌ وهه‌موو كرده‌وه‌ داهێنراوه‌كان

وه‌سف كردن

ئه‌م وتاره‌ باسی پێناسه‌ی بیدعه‌ له‌ زمانی عه‌ره‌بی وشه‌رعدا ده‌كات و هه‌روه‌ها ئه‌و قه‌ده‌غه‌كراوانه‌ی كه‌وا كه‌سی بیدعه‌چی تێی ده‌كه‌وون‌.

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    نه‌هی كردن له‌ بیدعه‌ وهه‌موو كرده‌وه‌ داهێنراوه‌كان

    ] kurdish – كوردی – كردي [

    پشتیوان صابر عزیز

    2014 - 1435

    النهي عن البدع ومحدثات الأمور

    « باللغة الكردية »

    بشتيوان صابر عزيز

    2014 - 1435

    نه‌هی كردن له‌ بیدعه‌ وهه‌موو كرده‌وه‌ داهێنراوه‌كان

    خوای گه‌وره‌ ده‌فه‌رموێت:{فَمَاذَا بَعْدَ الْحَقِّ إِلَّا الضَّلَالُ}[يونس :٣٢].

    واتا: ده‌ی له‌پاش ڕاستی هیچ هه‌یه‌ جگه‌ له‌ گومڕایی.

    عن جابر - رضي الله عنه - قال : قال رسول الله صلى الله عليه وسلم : (( أما بعد، فإن خير الحديث كتاب الله ، وخير الهدي هدي محمد ، وشر الأمور محدثاتها ، وكل بدعة ضلالة )) [رواه مسلم].

    واتا‌: پێغه‌مبه‌رى خوا صلی الله علیه وسلم له‌ ووتارىدا ده‌یفه‌رموو: پاشان: چاكترین ووته‌ قورئانه‌كه‌ى خوایه‌، وه‌ چاكترین ڕێنمایى ڕێنمایى محمده‌ صلی الله علیه وسلم، وه‌ خراپترینى كرده‌وه‌كان داهێنراوه‌كانییه‌تى وهه‌موو داهێنراوێكیش گومڕاییه‌.

    ڕاڤه‌:

    یه‌كه‌م: پێناسه‌ی بیدعه‌ له‌ زمانی عه‌ره‌بی و شه‌رعدا:

    1- بیدعه‌ له‌ زمانی عه‌ره‌بیدا به‌ واتای داهێنانی شتێك له‌سه‌ر شێوه‌یه‌ك كه‌ پێشتر نه‌بووه‌.

    2- بیدعه‌ له‌ شه‌رعدا بریتیه‌ له‌ داهێنانى ڕێگایه‌ك یان كارێك یان شێوازێك له‌ دیندا چ له‌ بواری بیروباوه‌ر وگوفتار وكرداردا بێت كه‌ هیچ به‌ڵگه‌یه‌كى له‌ قورئان و فه‌رموده‌ى له‌سه‌ر نه‌بێت.

    دووه‌م: بزانن كه‌وا كه‌سی بیدعه‌چی ده‌كه‌وێته‌ نێو هه‌ندێ له‌ قه‌ده‌غه‌كراوه‌كان، له‌وانه‌:

    1- كه‌سی بیدعه‌چی ئه‌وه‌ی دایده‌هێنێت گومڕاییه‌ به‌ ده‌قی قورئان وسوننه‌ت.

    2- ئه‌نجامدانی بیدعه مانای‌ ده‌رچوونه‌ له‌ شوێنكه‌وتنی پێغه‌مبه‌ری خوا صلی الله علیه وسلم.

    3- بیدعه‌كردن پێچه‌وانه‌ی شایه‌تی دانه‌ كه‌‌ موحه‌مه‌د پێغه‌مبه‌ری خوایه‌ صلی الله علیه وسلم.

    4- ناوه‌رۆكی بیدعه‌كردن بریتیه‌ له‌‌‌ رخنه‌گرتن‌ له‌ ئاینی پیرۆزی ئیسلام، چونكه‌ مانای وایه‌ كه‌ ئیسلام ته‌واو نه‌بووه‌ ونوقسانی تێدایه‌.

    5- بیدعه‌كردن ده‌بێته‌ مایه‌ی په‌یدابوونی ناكۆكی وجیاوازی له‌ نێوان موسڵمانان.

    6- بڵابوونه‌وه‌ی بیدعه‌‌ له ناو‌ ئوممه‌تی ئیسلامی ده‌بێته‌ مایه‌ی‌ نه‌مانی سوننه‌ت‌.

    7- ئه‌وه‌ی بیدعه‌ ئه‌نجام ده‌دات حوكم به‌ هه‌واو نه‌فسی خۆی ده‌كات و پابه‌ند نیه‌ به‌ قورئان سوننه‌ت.

    له‌ كۆتاییدا داواكارم له‌ خوای گه‌وره‌ ڕێگای ڕاستمان پێ پیشان بدات و له‌ بیدعه‌ وهه‌موو كرده‌وه‌یه‌كی داهێنراو كه‌ به‌ پێچه‌وانه‌ی قورئان وسوننه‌ته‌ بمانپارێزێت.

    پۆڵینه‌ زانستیه‌كان:

    ڕای به‌رێزت گرنگه‌ بۆمان