78 - суратун-Нәбә ()

|

(1) Олар бір-бірінен не туралы сұрасып жатыр?

(2) Ұлы хабар туралы,

(3) өздері ол жөнінде қарама-қайшылықта.

(4) Жоқ, олай емес! Олар жақында біледі.

(5) Кейін, тіпті олай емес! Олар әлі-ақ біледі

(6) Біз жерді төсеніш етпедік пе,

(7) ал тауларды қазық?

(8) Әрі Біз сендерді жұптар етіп жараттық.

(9) Ал ұйқыларыңды тынығу еттік,

(10) әрі түнді жамылғы етіп жасадық,

(11) және күндізді тіршілік / уақыты / етіп жасадық.

(12) Әрі үстеріңнен жеті берікті құрдық,

(13) және лаулаған шырақ жасадық.

(14) Әрі сығылушылардан / бұлттардан / мол су түсірдік,

(15) онымен дән және өсімдікті шығару үшін,

(16) және ну бақтарды да.

(17) Ақиқатында, Айыру күні - белгіленген бір мерзім.

(18) Ол күні сүр үрленеді де сендер топ-топ болып келесіңдер.

(19) Әрі аспан ашылып, қақпаларға айналады,

(20) ал таулар жүргізіліп, сағымға айналады.

(21) Ақиқатында, Жаһаннам - аңдып, күтіп тұрушы,

(22) шектен шығушылар үшін қайтар орын.

(23) Олар онда ғасырлар бойы қалады.

(24) Ол жерде олар салқындықты да, су сын да татпайды,

(25) тек қайнап тұрған су мен іріңнен басқа, -

(26) істеріне лайықты қайтарым ретінде.

(27) Анығында, олар, есепке тартылуды «үміт» етпеген / қорықпаған / еді,

(28) әрі аяттарымызды мүлде өтірікке шығарған еді.

(29) Ал, Біз барлық нәрсені жазып, есептеп қойдық.

(30) Енді, татыңдар. Сендерге азаптан басқа ешнәрсені арттырмаймыз.

(31) Күмәнсіз, тақуалар / Аллаһтың жазасынан қорқып, сақтанушылар / үшін - игілік мекені:

(32) бақтар мен жүзімдіктер,

(33) әрі құрбылас, толық омыраулы қыздар,

(34) және толы кеселер.

(35) Олар онда / Жәннатта / бос сөзді де, өтірікті де естімейді.

(36) Бұл - Раббыңнан қайтарым ретінде берілген толық сый,

(37) аспандардың және жердің әрі олардың арасындағыларының Раббысы - ар-Рахманнан. Одан / рұқсатсыз / тіл қатуға ие болмайды.

(38) Ол күні Рух / Жәбірейіл / және періштелер тізіліп тұрады. Ар-Рахманның рұхсат еткенінен басқа ешкім сөйлемейді. Әрі / рұқсат берілгенде / дұрысты ғана сөйлейді.

(39) Сол күн - ақиқат. Кім қаласа, Раббысына қайтатын жолды ұстанады.

(40) Ақиқатында, Біз сендерді жақын бір азаптан сақтандырып, ескерттік. Ол күні адам екі қолы алдын-ала дайындағанына қарайды. Сонда кәпір: «Әттең! Топырақ болып кетсем еді», - дейді.