93 - суратуд-Духа ()

|

(1) Сәскемен ант етемін,

(2) және қоюланған түнмен ант етемін.

(3) / Ей, Мұхаммед! / Раббың сені тастап кетпеді және жеккөрген де жоқ.

(4) Әрі күмәнсіз, сен үшін соңғы, мәңгілік өмір / ақирет / , алғашқысынан / осы өмірден / қайырлы.

(5) Әрі сөзсіз, жақында Раббың саған береді де сен разы боласың.

(6) Ол сені жетім күйде тауып, паналатпады ма?

(7) Әрі адасқан түрде тауып, тура жолға салмады ма,

(8) және кедей халде тауып, байытпады ма?

(9) Енді сен де жетімді қор санама,

(10) сұраушыны зекіп, қума.

(11) Әрі Раббыңның игілігі жайлы айт.