80 - сурату Ъабаса ()

|

(1) Ол қабағы түсіп, бұрылды,

(2) оған соқыр кісінің келгендігінен.

(3) / Ей, Мұхаммед! / Сен қайдан білесің, мүмкін ол тазаратын шығар?

(4) Немесе еске алар, сөйтіп еске салу оған пайда берер.

(5) Ал, қажетсінбейтін біреу болса,

(6) сен оған көңіл бөлесің.

(7) Ал, оның тазармауында тұрған саған еш нәрсе жоқ.

(8) Ал біреу саған ынталанып келсе,

(9) әрі / Раббысынан / қорыққан халде,

(10) сен одан / басқаға / көңіл аударасың.

(11) Жоқ, олай емес! Анығында, бұл - бір еске салу.

(12) Кім қаласа, оны есіне алады,-

(13) құрметті жазбаларда / сухуфтарда / ,

(14) жоғары бағаланған тап-таза,

(15) елшілердің / періштелердің / қолында,

(16) қадірлі, игі.

(17) / Сенбеген / адамның жаны шықсын! Күпірлік етуде / игіліктерді мойындамауда / ол қандай қатты.

(18) Ол / Аллаһ / оны не нәрседен жаратты?

(19) Бір тамшыдан жаратты, әрі белгіледі.

(20) Содан соң оған жолды оңайластырды.

(21) Одан кейін оның жанын алып, / мүрдесін / қабірге қойдырды.

(22) Кейін оны Өзі қалаған кезде қайта тірілтеді.

(23) Жоқ! Ол болса, Оның бұйрығын орындамады.

(24) Ал, енді адам өзінің тамағына, бір көз салып қарасын:

(25) Біз суды мол етіп құйдық / жаудырдық / ,

(26) содан кейін жерді тілімдеп айырдық.

(27) Сөйтіп одан дәнді / дақылдар / өсірдік,

(28) әрі жүзім мен жоңышқаны,

(29) және зәйтүн мен құрманы,

(30) және қалың бау-бақтарды,

(31) сондай-ақ, жемістер мен шөптерді,

(32) сендердің пайдалануларыңа әрі малдарың үшін.

(33) Ал енді Сохха келген кезде,

(34) сол күні адам, туған бауырынан қашады

(35) және анасы мен әкесінен,

(36) әрі әйелі мен балаларынан.

(37) Ол күні әрбір адамды әлек ететін оз ісі бар.

(38) Ол күні / кейбір / жүздер жарқын,

(39) күлімсіреген, қуанышты.

(40) Әрі ол күні / кейбір / жүздерді шаң басып,

(41) олар қарайған болады.

(42) Міне, солар - кәпірлер, бұзықтар.