87 - суратуль-Аълә ()

|

(1) / Ей, Мұхаммед! / Аса жоғары Раббыңның есімін пәк деп дәріпте.

(2) Ол жаратып, / орын-орнымен / теңестірген

(3) және алдын ала белгілеп, бағыттаған,

(4) әрі жайылымдарды шығарған,

(5) кейін оны қурап, қарайған қоқымға айналдырған.

(6) / Ей, Мұхаммед! / Біз саған / Құранды / оқытамыз, сен есіңнен шығармайсың,

(7) тек Аллаһтың қалағанын ғана / ұмытасың / . Шын мәнінде, Ол жарияны да және жасырылғанды да біледі.

(8) Әрі Біз саған ең жеңілін оңайластырамыз.

(9) Естеріне салу пайда беретін болса, естеріне сал.

(10) / Аллаһтың жазасынан / қорыққан есіне алады.

(11) Ал, одан ең бақытсыз ғана өзін аулақ ұстайды -

(12) үлкен отта жанатын.

(13) Кейін ол онда өлмейді де, өмір де сүрмейді.

(14) Сөзсіз, мұратына жетті - өзін тазартқан,

(15) әрі Раббысының есімін еске алған және намаз оқыған.

(16) Алайда сендер осы өмірді артық көресіңдер.

(17) Ал, соңғы, мәңгілік өмір / ақирет / қайырлы әрі тұрақты.

(18) Анығында, бұл әуелгі жазбаларда бар,

(19) Ибраһим және Мұсаның жазбаларында / оларға түсірілген сухуфтарда / .