91 - суратуш-Шәмс ()

|

(1) Күн және оның жарығымен,

(2) әрі оның соңынан ілескен кездегі аймен,

(3) және оны / күнді / анық көрсеткен кездегі күндізбен,

(4) әрі оны жапқан кездегі түнмен.

(5) Аспан және оны тұрғызғанмен,

(6) әрі жермен және оны Жайғанмен,

(7) және жанмен әрі оны лайықтап Жасағанмен,

(8) сөйтіп оған / жанға / бұзықтықты әрі тақуалықты / Аллаһтың жазасынан қорқып, сақтануды / Білдірушімен ант етемін.

(9) Оны / жанды / тазартқан мұратына жетті.

(10) Ал, оны / күнәға / батырған зиянға ұшырады.

(11) Шектен шығулары себепті Сәмұд елі / Елшіні / өтірікшіге шығарды.

(12) Сонда олардың ең бақытсызы қозғалғанда,

(13) Аллаһтың елшісі / Салих / оларға: «Аллаһтың түйесіне әрі оның суарылуына / тиіспеңдер / », - деді.

(14) Ал, олар болса оны / Елшіні / өтірікшіге шығарып, оның / түйенің / тірсегін кесті / өлтірді / . Сонда, Раббысы олардың қылмыстары үшін бәріне бірдей апат жіберді.

(15) Әрі Ол / Аллаһ / оның салдарынан қауіптенбейді.