حوكمی چوونه‌ لای ژن له‌ دواوه‌

وه‌سف كردن

پرسیارێكه له‌ لایه‌ن ده‌سته‌ی به‌شی زمانی كوردی له‌ ماڵپه‌ڕی ئیسلام هاوس، وه‌ڵامی دراوه‌ته‌وه‌، وه‌ ناوه‌ڕۆكی پرسیاره‌كه‌‌ ئه‌مه‌یه: " حوكمی چوونه‌ لای ژن له‌ دواوه‌ چیه‌ ؟ ".

Download
له‌باره‌ی ئه‌م لاپه‌ڕه‌وه‌ كۆمێنتێك بنێره‌ بۆ سه‌رپه‌رشتیار

وه‌صفی فراوان

    حوكمی چوونه‌ لای ژن له‌ دواوه‌

    ] kurdish – كوردی – كردي [

    ده‌سته‌ی به‌شی زمانی كوردی ماڵپه‌ڕی ئیسلام هاوس

    پێداچونه‌وه‌ی: پشتیوان سابیر عه‌زیز

    2014 - 1436

    حكم إتيان الزوجة في دبرها

    « باللغة الكردية »

    فريق القسم الكردي بموقع إسلام هاوس

    مراجعة: بشتيوان صابر عزيز

    2014 - 1436

    حوكمی چوونه‌ لای ژن له‌ دواوه‌

    ئـه‌م پـرسیــاره‌ ئاڕاسته‌ی به‌شی كوردی ماڵپه‌ڕی ئیسلام هاوس كراوه‌:

    پرسیار : ئایا دروسته‌ پیاو له‌گه‌ڵ ژنه‌كه‌ی جووت بێت، به‌و شێوه‌یه‌ی له‌دواوه‌ بچێته‌ لای ؟ .

    وه‌ڵام : سوپاس وستایش بۆ خوای گه‌وره‌ ومیهره‌بان ودروود وصه‌ڵات وسه‌لام له‌سه‌ر پێشه‌وای مرۆڤایه‌تی محمدی پێغه‌مبه‌ری ئیسلام و ئال وبه‌یت و هاوه‌ڵ وشوێنكه‌وتوانی هه‌تا هه‌تایه‌ .

    خوای گه‌وره‌ له‌ قورئانی پیرۆزدا فه‌رموویه‌تی : ﴿ نِسَآؤُكُمْ حَرْثٌ لَّكُمْ فَأْتُواْ حَرْثَكُمْ أَنَّى شِئْتُمْ .... ﴾ [ البقرة : 223 ] .

    واتا : ژنه‌كانتان له‌كاتی پاكییدا جێی كشتوكاڵتانن جێگه‌ی سه‌وز بوونی تۆوتانن، كه‌وابوو له‌هه‌ر كوێوه‌ ده‌تانه‌وێ بچنه‌ كێڵگه‌كه‌تانه‌وه‌ به‌هه‌ركات و به‌هه‌رجۆر ئه‌تانه‌وێ 'هه‌ر له‌جێگه‌ی سه‌وزكردنه‌وه‌ بێ و، پاك بێت .

    له‌م ئایه‌ته‌دا پیرۆزه‌دا ئه‌وه‌ وه‌رده‌گیرێت ژنان حه‌ڵاڵی پیاوه‌كانیان بۆ له‌زه‌ت وه‌رگرتن لێیان، هه‌رچۆن پیاوانیش جێگای له‌زه‌ت وه‌رگرتنی ئافره‌تانن، به‌ڵام خوای گه‌وره‌ ئه‌وه‌ی به‌مه‌رج گرتووه‌ كه‌ ده‌بێت ئه‌م له‌زه‌ت وه‌رگرتنه‌ له‌و جێگایه‌وه‌ بێت كه‌ جێگای مناڵ بوونه‌، كه‌ خوای گه‌وره‌ به‌ ( كیڵگه‌ و كشتوكاڵ ) ناوی بردووه‌، واتا ئه‌و جێگایه‌ی كه‌ پیاو ئاو و تۆی خوێ تێدا ده‌ڕوێنێت و ئه‌و تۆوه‌ به‌رهه‌م دار ده‌بێت و پاشان مناڵی لێ په‌یدا ده‌بێت، ئه‌مه‌ش گرفت نییه‌ به‌هه‌ر شێوه‌یه‌ك پیاو بیه‌وێت بگاته‌ ئه‌و جێگای مناڵ بوونه‌، كه‌ (زێی ئافره‌ته‌) واتا : ئه‌گه‌ر پیاو له‌ پاشه‌وه‌ بگاته‌ لای جێگای مناڵ بوونی ئافره‌ت گرفت نییه‌ و حه‌ڵاڵه‌ بۆی، به‌ چ شێوه‌یه‌ك كه‌ پیاو له‌زه‌تی لێ وه‌ربگرێت، به‌ڵام به‌و مه‌رجه‌ی له‌ جێگای تره‌وه‌ نه‌بێت، مه‌به‌ست له‌وه‌یه‌ نابێت پیاوان له‌پاشه‌وه‌ بچنه‌ لای كۆمی ئافره‌تان ( جێگای پیسیان )، چونكه‌ ئه‌م كاره‌ قێزه‌ونه‌ كاری بێباوه‌ڕانه‌ و پێغه‌مبه‌ری خوا ( صلی الله علیه وسلم ) نه‌فرینی لێكردووه‌، وه‌ك فه‌رموویه‌تی : « ملعون من أتى امرأة في دبرها » [ رواه الإمام أحمد ] .

    واتا : نه‌فرین لێكراوه‌ ئه‌و پیاوه‌ی له‌ دواوه‌ بچێته‌ لای ئافره‌ت .

    هه‌روه‌ها فه‌رموویه‌تی : « مَنْ أَتَى امْرَأَتَهُ فِي دُبُرِهَا فَقَدْ بَرِئَ مِمَّا أُنْزِلَ عَلَى مُحَمَّدٍ صلى الله عليه وسلم » [ رواه أبو داود (3904), وصححه الألباني في صحصح أبي داود ]

    واتا : هه‌ر پیاوێك له‌ دواوه‌ بچێته‌ لای خێزانی – له‌ كۆمیه‌وه‌ - ئه‌وه‌ به‌ریه‌ له‌وه‌ی دابه‌زیوه‌ بۆ محمد ( صلی الله علیه وسلم ) .

    له‌ جێگایه‌كی تردا فه‌رموویه‌تی : « لَا يَنْظُرُ اللَّهُ إِلَى رَجُلٍ أَتَى امْرَأَةً فِي الدُّبُرِ » [ رواه الترمذي (1165) وصححه ابن دقيق العيد في “الإلمام” (2/660) ، والألباني في صحيح الترمذي ] .

    واتا : خوای گه‌وره‌ ته‌ماشای ئه‌و پیاوه‌ ناكات كه‌ له‌ دواوه‌ بچێته‌ لای خێزانی .

    له‌ ڕیوایه‌تێكی تردا هاتووه‌ : « إِنَّ اللَّهَ لَا يَسْتَحْيِي مِنْ الْحَقِّ - ثَلَاثَ مَرَّاتٍ - لَا تَأْتُوا النِّسَاءَ فِي أَدْبَارِهِنَّ » [ رواه ابن ماجه (1924) وصححه الألباني في صحيح ابن ماجه ]

    واتا : پێغه‌مبه‌ری خوا ( صلی الله علیه وسلم ) سێ جار فه‌رمووی : بێگومان خوای گه‌وره‌ شه‌رم ناكات له‌ووتنی هه‌ق، له‌ دواوه‌ نه‌چنه‌ لای ئافره‌تان .

    هه‌مووی ئه‌م فه‌رموودانه‌ ئه‌وه‌ بۆ باوه‌ڕداران دووپات ده‌كه‌نه‌وه‌، كه‌ حه‌رامه‌ وه‌ یه‌كێكه‌ له‌ گوناهه‌ گه‌وره‌كان كه‌ پیاو ‌بۆ سه‌رجێی كردن بچێته‌ دواوه‌ی ئافره‌ت – مه‌به‌ست ئه‌وه‌یه‌ له كۆمیه‌وه‌ - ئه‌گیا هیچ گرفتێك نییه‌ پیاو له‌دواوه‌ بیه‌وێت بچێته‌ پێشی خێزانی .

    خوای گه‌وره‌ش زاناتره‌ .

    ڕای به‌رێزت گرنگه‌ بۆمان